Excud. R. Tullis, Academiae Andreanae Typographus.
VENEUNT, EDINBURGI, APUD J. ANDERSON ET SOC.

IT, LONDINI, APUD LONGMAN HURST REES

ORME ET BROWN.

M.DCCC.XIII.

Q. HORATII FLACCI

S E R M O N U M

LIBER I.

SATIRA I.

Qui fit, Maecenas, ut nemo, quam sibi sortem
Seu Ratio dederit, seu Fors objecerit, illa
Contentus vivat ; laudet diversa sequentes?
O! fortunati mercatores, gravis annis
Miles ait, multo jam fractus membra labore.
Contra mercator, navim jactantibus Austris :
Militia est potior : quid enim? concurritur: horae
Momento cita mors venit, aut victoria laeta.
Agricolam laudat juris legumque peritus,
Sub galli cantum consultor ubi ostia pulsat.
Ille, datis vadibus, qui rure extractus in urbem est,
Solos felices viventes clamat.in urbe.
Cetera de genere hoc, adeo sunt multa, loquacem
Delassare valent Fabium. Ne te morer, audi,
Tom. II.

A