INTONATIONES, MEDIATIONES ET TERMINATIONES ་ Psalmorum et Canticorum, secundùm cujusque Modi, seu Toni differentias, cum Neumatibus. Ntonatio Psalmorum et Canticorum fit tantùm in quibusdam Officiis infrà designatis, cæteris verò diebus inchoantur Psalmi et Cantica à nota dominante in directum. Mediatio fit in omnibus Versibus ut in primo, nisi sit dictio monosyllaba, aut Hebræa non declinata. Terminatio in omnibus Versibus semper eadem est ac in primo Versu. Terminationes per litteras alphabeticas designantur A, B, C, D, E, F, G, quæ litteræ Notis cantús respondent hoc modo: Cùm autem sint plures terminationes, ut clarè designentur, diversis distinguuntur characteribus, romano et italico, majori vel minori, quibus etiam non sufficientibus asteriscos, vel alios characteres addimus, ut infrà patebit. Littera sive majuscula, sive minuscula, designat Toni sui finalem: majuscula completam, minuscula verò incompletam. Completa dicitur quæ definit in legitimam Toni sui finalem: incompleta verò quæ non Psalmi Versibus, sed in sola Antiphona perfectè terminatur. DE NEUMATIBUS. Neuma seu Jubilum est quidam Notarum numerus octo modis dispositus, qui ad finem Antiphonarum accini solet, ut infrà notatur pro quolibet Tono. Fit Neuma in omni' Officio, videlicet: Ad Matutinum, in fine ultime Antiphonæ cujusque Nocturni. Ad Laudes, in fine ultimæ Antiphonæ post Psalmos, et in fine Antiphone ad Benedictus. Ad Horas, quando cantatur Antiphona, in fine illius fit Neuma. Ad Vesperas fit in fine ultima Antiphona post Psalmos, et in fine Antiphonæ ad Magnificat. In secundis autem Vesperis Nativitatis, Circumcisionis et Epiphaniæ Domini, accinitur Neuma ad omnes Antiphonas. Ad Completorium, Neuma fit tantùm in fine Antiphonæ ad Canticum Nunc dimittis. A Feria quinta in Coena Domini usque ad diem sanctum Pascha, nullum fit Neuma; quod et observatur in Officio Defunctorum. Jubilum est sonus quidam significans cor parturire quod dicere non potest. Et quem decet ista jubilatio, nisi ineffabilem Deum? Ineffabilis enim est quem fari non potes: et si eum fari non potes, et tacere non debes, quid restat nisi ut jubiles; ut gaudeat cor sine verbis, et immensa latitudo gaudiorum melas non habeat syllabarum? Benè cantate ei in jubilatione. S. AUGUST. Enarr. 2. in Psalm. 32. |