Componis, dona Veneris, Telesine, marito, Aut clude et positos tinea pertunde libellos. Frange miser calamos vigilataque prælia dele, Qui facis in parva sublimia carmina cella, Ut dignus venias hederis et imagine macra. Spes nulla ulterior: didicit jam dives avarus Tantum admirari, tantum laudare disertos, Ut pueri Junonis avem. Sed defluit ætas Et pelagi patiens et cassidis atque ligonis. Tædia tunc subeunt animos, tunc seque suamque Terpsichoren odit facunda et nuda senectus.
Accipe nunc artes, ne quid tibi conferat iste, Quem colis, et Musarum et Apollinis æde relicta. Ipse facit versus atque uni cedit Homero Propter mille annos: et, si dulcedine famæ Succensus recites, maculosas commodat ædes ; Hæc longe ferrata domus servire jubetur, In qua sollicitas imitatur janua portas. Scit dare libertos extrema in parte sedentes Ordinis et magnas comitum disponere voces. Nemo dabit regum, quanti subsellia constent, Et quæ conducto pendent anabathra tigillo, Quæque reportandis posita est orchestra cathedris. Nos tamen hoc agimus tenuique in pulvere sulcos Ducimus et litus sterili versamus aratro.
Nam si discedas, laqueo tenet ambitiosi Consuetudo mali; tenet insanabile multos Scribendi cacoethes, et ægro in corde senescit. Sed vatem egregium, cui non sit publica vena, Qui nihil expositum soleat deducere, nec qui Communi feriat carmen triviale moneta, Hunc, qualem nequeo monstrare et sentio tantum, Anxietate carens animus facit, omnis acerbi
Impatiens, cupidus silvarum aptusque bibendis
Fontibus Aonidum. Neque enim cantare sub antro
Pierio thyrsumve potest contingere sana
Paupertas atque æris inops, quo nocte dieque Corpus eget: satur est, quum dicit Horatius, Euœ! Quis locus ingenio, nisi quum se carmine solo
Vexant, et dominis Cirrhæ Nysæque ferunturre hurried. Pectora postra, duas non admittentia curas? Magnæ mentis opus, nec de lodice paranda Attonitæ, currus et equos faciesque Deorum Aspicere, et qualis Rutulum confundat Erinnys. Nam si Virgilio puer et tolerabile deesset Hospitium, caderent omnes a crinibus hydri; Surda nihil gemeret grave buccina. Poscimus, ut sit Non minor antiquo Rubrenus Lappa cothurno, Cujus et alveolos et lænam pignerat Atreus. Non habet infelix Numitor, quod mittat amico: Quintillæ quod donet, habet; nec defuit illi, Unde emeret multa pascendum carne leonem Jam domitum constat leviori bellua sumtu Nimirum, et capiunt plus intestina poetæ. Contentus fama jaceat Lucanus in hortis Marmoreis: at Serrano tenuique Saleio Gloria quantalibet quid erit, si gloria tantum est ? Curritur ad vocem jucundam et carmen amicæ Thebaidos, lætam fecit quum Statius Urbem Promisitque diem. Tanta dulcedine captos Afficit ille animos tantaque libidine vulgi Auditur: sed, quum fregit subsellia versu, Esurit, intactam Paridi nisi vendat Agaven. Ille et militiæ multis largitur honorem, Semestri vatum digitos circumligat auro. Quod non dant proceres, dabit histrio: tu Camerinos Et Bareas, tu nobilium magna atria curas? Præfectos Pelopea facit, Philomela tribunos. Haud tamen invideas vati, quem pulpita pascunt. Quis tibi Mæcenas? quis nunc erit aut Proculeius
Aut Fabius? quis Cotta iterum? quis Lentulus alter? Tunc par ingenio pretium; tunc utile multis Pallere, et vinum toto nescire Decembri.
Vester porro labor fecundior, historiarum Scriptores? petit hic plus temporis atque olei plus: Namque oblita modi millesima pagina surgit Omnibus, et multa crescit damnosa papyro. Sic ingens rerum numerus jubet atque operum lex. Quæ tamen inde seges? terræ quis fructus aperta? Quis dabit historico, quantum daret acta legenti? Sed genus ignavum, quod lecto gaudet et umbra! Dic igitur, quid causidici's civilia præstent Officia, et magno comites in fasce libelli? Ipsi magna sonant, sed tunc, quum creditor audit, Præcipue, vel si tetigit latus acrior illo,
Qui venit ad dubium grandi cum codice nomen. Tunc immensa cavi spirant mendacia folles, Conspuiturque sinus. Veram deprendere messem Si libet, hinc centum patrimonia causidicorum, Parte alia solum russati pone Lacernæ. Consedere Duces: surgis tu pallidus Ajax Dicturus dubia pro libertate, bubulco
Judice. Rumpe miser tensum jecur, ut tibi lasso Figantur virides, scalarum gloria, palmæ. Quod vocis pretium? siccus petasunculus et vas Pelamydum, aut veteres, Afrorum epimenia, bulbi, Aut vinum Tiberi devectum, quinque lagenæ, Si quater egisti. Si contigit aureus unus, Inde cadunt partes, ex fœdere, pragmaticorum. "Æmilio dabitur, quantum licet, et melius nos Egimus: hujus enim stat currus æneus, alti Quadrijuges in vestibulis, atque ipse feroci Bellatore sedens curvatum hastile minatur Eminus, et statua meditatur prælia lusca." Sic Pedo conturbat, Matho deficit; exitus hic est
Tongilli, magno cum rhinocerote lavari
Qui solet, et vexat lutulenta balnea turba, Perque forum juvenes longo premit assere Medos, Emturus pueros, argentum, murrhina, villas: Spondet enim Tyrio stlataria purpura filo. Et tamen est illis hoc utile: purpura vendit Causidicum, vendunt amethystina: convenit illis Et strepitu et facie majoris vivere census. Sed finem impensæ non servat prodiga Roma. Fidimus eloquio? Ciceroni nemo ducentos Nunc dederit nummos, nisi fulserit annulus ingens. Respicit hæc primum, qui litigat, an tibi servi Octo, decem comites, an post te sella, togati Ante pedes. Ideo conducta Paullus agebat Sardonyche, atque ideo pluris, quam Cossus agebat, Quam Basilus. Rara in tenui facundia panno. Quando licet Basilo flentem producere matrem? Quis bene dicentem Basilum ferat? Accipiat te Gallia, vel potius nutricula causidicorum Africa, si placuit mercedem imponere linguæ.
Declamare doces? O ferrea pectora Vettî, Quum perimit sævos classis numerosa tyrannos! Nam quæcunque sedens modo legerat, hæc eadem stans Proferet, atque eadem cantabit versibus isdem. Occidit miseros crambe repetita magistros.
Quis color et quod sit causæ genus, atque ubi summa Quæstio, quæ veniant diversa parte sagittæ,
Nosse velint omnes, mercedem solvere nemo.
"Mercedem appellas? quid enim scio?" Culpa docentis Scilicet arguitur, quod læva in parte mamillæ Nil salit Arcadio juveni, cujus mihi sexta
Quaque die miserum dirus caput Hannibal implet; Quidquid id est, de quo deliberat, an petat Urbem A Cannis, an post nimbos et. fulmina cautus Circumagat madidas a tempestate cohortes.
"Quantum vis stipulare, et protinus accipe quod do, Ut toties illum pater audiat." Hæc alii sex Vel plures uno conclamant ore sophistæ, Et veras agitant lites, raptore relicto; Fusa venena silent, malus ingratusque maritus, Et quæ jam veteres sanant mortaria cæcos. Ergo sibi dabit ipse rudem, si nostra movebunt Consilia, et vitæ diversum iter ingredietur, Ad pugnam qui rhetorica descendit ab umbra, Summula ne pereat, qua vilis tessera venit Frumenti: quippe hæc merces lautissima. Tenta, Chrysogonus quanti doceat, vel Pollio quanti Lautorum pueros, artem scindes Theodori, Balnea sexcentis et pluris porticus, in qua Gestetur dominus, quoties pluit. Anne serenum Exspectet spargatque Iuto jumenta recenti?
Hic potius namque hic mundæ nitet ungula mulæ. Parte alia longis Numidarum fulta columnis
Surgat, et algentem rapiat coenatio solem. Quanticunque domus, veniet qui fercula docte Componat; veniet qui pulmentaria condat.. Hos inter sumtus sestertia Quintiliano,
Ut multum, duo sufficient: res nulla minoris Constabit patri, quam filius. Quintilianus habet saltus?"
"Unde igitur tot Exempla novorum
Fatorum transi. Felix et pulcher et acér; Felix et sapiens et nobilis et generosus, Appositam nigræ lunam subtexit alutæ: Felix, orator quoque maximus et jaculator: Et si perfrixit, cantat bene. Distat enim, quæ Sidera te excipiant modo primos incipientem Edere vagitus et adhuc a matre rubentem. Si Fortuna volet, fies de rhetore Consul: Si volet hæc eadem, fies de Consule rhetor. Ventidius quid enim? quid Tullius? anne aliud, quam
« PredošláPokračovať » |