DE MONTAIGNE SUIVIS DE SA CORRESPONDANCE ET DE LA SERVITUDE VOLONTAIRE D'ESTIENNE DE LA BOËTIE ÉDITION VARIORUM ACCOMPAGNÉE D'UNE NOTICE BIOGRAPHIQUE DE NOTES HISTORIQUES, PHILOLOGIQUES, ETC et d'un Index analytique PAR CHARLES LOUANDRE TOME DEUXIÈME PARIS CHARPENTIER, LIBRAIRE-ÉDITEUR 39, RUE DE L'UNIVERSITÉ Π y eut tout plein de rares accidents en nostre battaille de Dreux'; mais ceulx qui ne favorisent pas fort la reputation de M. de Guyse, mettent volontiers en avant, qu'il ne se peult excuser d'avoir faict alte et temporisé avecques les forces qu'il commandoit, ce pendant qu'on enfonçoit monsieur le connestable, chef de l'armee, avecques l'artillerie, et qu'il valoit mieulx se hazarder, prenant l'ennemy par flanc, que, attendant l'advantage de le veoir en queue, souffrir une si lourde perte. Mais, oultre ce 1 Ce fut dans les environs de Dreux que se livra la bataille de ce nom, le 19 décembre 1562; elle fut gagnée par les catholiques, commandés par le connétable de Montmorency et le duc de Guise, sur le prince de Condé et les protestants. Huit mille hommes perdirent la vie dans cette bataille, l'une des plus sanglantes de l'époque.Voir SISMONDI, Hist. des Français, t. XVIII, p. 354-360. M908161 que l'issue en tesmoigna, qui en debattra sans passion me confessera ayseement, à mon advis, que le but et la visee, non seulement d'un capitaine, mais de chasque soldat, doibt regarder la victoire en gros; et que nulles occurrences particulieres, quelque interest qu'il y ait, ne le doibvent divertir de ce poinct là. Philopomen' en un rencontre de Machanidas, ayant envoyé devant, pour attaquer l'escarmouche, bonne trouppe d'archers et gents de traict; et l'ennemy, aprez les avoir renversez, s'amusant à les poursuyvrè à toute bride; et coulant, aprez sa victoire, le long de la battaille où estoit Philopomen, quoy que ses soldats s'en esmeussent, il ne feut d'advis de bouger de sa place, ny de se presenter à l'ennemy pour secourir ses gents, ains les ayant laissé chasser et mettre en pieces à sa veue, commencea la charge sur les ennemis au battaillon de leurs gents de pied, lors qu'il les veid tout à fait abandonnez de leurs gents de cheval ; et bien que ce feussent Lacedemoniens, d'autant qu'il les print à l'heure que, pour tenir tout gaigné, ils commençoient à se desordonner, il en veint ayseement à bout; et, cela faict, se meit à poursuyvre Machanidas. Ce cas est germain à celuy de monsieur de Guyse. Et cette aspre battaille d'Agesilaus contre les Bootiens, que Xenophon 2, qui y estoit, dict estre la plus rude qu'il eust oncques veu, Agesilaus refusa l'advantage, que fortune luy presentoit, de laisser passer le battaillon des Bootiens et les charger en 1 PLUTARQUE, Vie de Philopomen, c. 6. 2 Cité par PLUTARQUE, Vie d'Agésilas. queue, quelque certaine victoire qu'il en preveist, estimant qu'il y avoit plus d'art que de vaillance; et, pour montrer sa prouesse, d'une merveilleuse ardeur de courage choisit plustost de leur donner en teste: mais aussi feut il bien battu et bien blecé, et contrainct enfin de se desmesler, et prendre le party qu'il avoit refusé au commencement, faisant ouvrir ses gents pour donner passage à ce torrent de Bootiens; puis, quand ils feurent passez, prenant garde qu'ils marchoient en desordre comme ceulx qui cuidoient bien estre hors de tout dangier, il les feit suyvre et charger par les flancs: mais pour cela ne les peut il tourner en fuitte à val de route; ains se retirerent le petit pas, monstrants touiours les dents, iusques à ce qu'ils se feurent rendus à sauveté. CHAPITRE XLVI. DES NOMS. Quelque diversité d'herbes qu'il y ait, tout s'enveloppe sous le nom de salade : de mesme, sous la consideration des noms, ie m'en voys faire icy une galimafree de divers articles. Chasque nation a quelques noms qui se prennent, ie ne sçais comment, en mauvaise part et à nous Iehan, Guillaume, Benoist. Item, il semble y avoir, en la genealogie des princes, certains noms fatalement affectez comme des Ptolomees à ceulx d'Aegypte, des Henrys en Angleterre, Charles en France, Baudoins en Flandres, et en nostre ancienne Aqui |