(

Entered, according to Act of Congress, in the year 1891, by

HILLIARD, GRAY & Co,
In the Clerk's Office of the District Court of Massachuette.

D. JUNII JUVENALIS

AQUINATIS

SA TIRAR UM

LIBER PRIMUS.

SATIRA I.

5

10

SEMPER

ego

auditor tantùm ? nunquamne reponam,

Vexatus toties rauci Theseïde Codri? Ut

Impune ergò mihi recitaverit ille togatas,

Hic elegos? impune diem consumpserit ingens

Telephus ? aut summi plenâ jam margine libri

Scriptus et in tergo, nec dum finitus, Orestes ?

Nota magìs nulli domus est sua, quàm mihi lucus

Martis, et Æoliis vicinum rupibus antrum

Vulcani. Quid agant venti, quas torqueat umbras,

Æacus, unde alius furtivæ devehat aurum

Pelliculæ, quantas jaculetur Mönychus ornos,

Frontonis platani, convulsaque marmora clamant

Semper, et assiduo ruptæ lectore columnæ.

Exspectes eadem a summo minimoque poëta

Et nos ergò manum ferulæ subduximus, et nos

Consilium dedimus Sullæ, privatus ut altum

Dormiret. Stulta est clementia, quum tot ubique

Vatibus occurras, perituræ parcere chartæ.

Cur tamen hoc potiùs libeat decurrere campo,

Per quem magnus equos Auruncæ flexit alumnus,

olm Si vacat, et placidi rationem admittitis, edam.

Quum tener uxorern ducat spado, Mævia Tuscum

Figat aprum, et nudâ teneat venabula mamma;

Patricios omnes opibus quum provocet unus,

15

26

20