11) VOTA ACADEMICA IN DECIMO MUNERIS LUSTRO GATTERERI *). QUOD FELIX FAUSTUMQUE SIT. CHRISTIANO GUILELMO JACOBO GATTERER PHILOSOPHIAE DOCTORI, AUGUSTISSIMO MAGNO DUCI BADARUM A CONSILIIS ASSIDUO INTELLIGENTI POLITO, CUI ACCEPTUM REFERUNT PROFESSORES, CIVES, QUOD, UBI ANTEHAC OMNIA INCOMTE SILVESCEBANT SARMENTIS ET PER DUMETA ERAT CORREPENDUM, IBI NUNC EXPEDITE POSSUNT JUCUNDISSIMOQUE MEATU VEL PER ODORATOS VARIEQUE DISTINCTOS XYSTOS DEAMBULARE VEL VIRIDARIORUM ADSPECTU OCULOS PASCERE VEL IN EXHEDRIS SEDENTES SUB UMBRACULO ARBORUM LONGE LATEQUE PROSPECTARE AMOENOS FERTILESQUE CAMPOS QUOS CERTATIM ALLUUNT RHENUS ET NICER INDE A VOGESO MONTE USQUE AD TONITRUALEM**) ADEOQUE VIRES STUDIORUM LABORIBUS FESSAS COLLEGAE CONJUNCTISSIMO SOLEMNITER CONGRATULATUR A. MDCCCXXXVII. *) Filii Johannis Christophori Gattereri in Academia Gottingensi Historiarum Professoris V. C. **) Ubi paucos post annos conspici poterant : Vaporiferi aestuantes lembi et fumiferae sororio anhelantes zelo Ferreaque orbita volucripedes rhedae. 14) · PIA VOTA ACADEMIAE HEIDELBERGENSIS SUB ADVENTUM RECTORIS MAGNI DUCIS BADARUM LEOPOLDI FILIIQUE PRINCIPIS M. OCTOBR. A. MDCCCLI. AUGUSTISSIMO PRINCIPI QUI REM PUBLICAM MISERE CONTURBATAM SUIS CONSILIIS MIRIFICE REDORNAVIT EXULCERATAM PERSANAVIT ACADEMIAE FIDES SEMPER INTEMERATA HODIE EXHILARATA FILIIQUE PRINCIPIS *) LAETISSIMO ADVENTU PATRI PATRIAE NUNC SEXAGENARIO VIRIDEM SENECTAM AD EXTREMUM USQUE VITAE TERMINUM PIE ADPRECATUR. *) Friderici, nunc Principis-Regentis Badarum. 15) VIRO CELEBERRIMO ET EXPERIENTISSIMO, COLLEGAE CONJUNCTISSIMO MAXIMILIANO CHELIO, CHIRURGIAE AC MEDICINAE DOCTORI ET PROFESSORI P. o., ARCHIATRO, PLURIUM ACADEMIARUM SOCIO, ORDINUM INSIGNIORUM EQUITI PRIMARIO S. P. D. FRIDERICUS CREUZER. Quod nuper me senem octogenarium per Inscriptionum Graecarum Romanarumque Corpora Titulos Sepulcrales lustrantem vel maxime adverterat, cum vidissem, novitios homines ut plurimum veteribus illis vivaciores esse, mecumque reputarem, quantum hac in causa nostratibus Medicis debeatur: illud hodie memoriam meam penitus redintegrat, quo die Tu, Vir amicissime, muneris Tui octavum lustrum nobiscum hilare concelebras. Et vero, Vir meritissime, TU habes, quod hodierno die ex animo gaudeas. Nam posteaquam plures per annos domi militiaeque artem salutarem naviter inchoaveras, hic, in nostra Academia continuo in cathedram evectus et nosocomiis nostris praefectus, Tu Te in Chirurgia et in Medicina cum docendo tum factitando insigniter exercuisti, Scriptis bonae frugis plenissimis eas disciplinas illustravisti, auxisti, millenis civibus exterisque intelligens, dexter, felix consilio operaque adfuisti, Academiae denique nostrae nominis Tui laude per universam Europam cumulum addidisti. Quocirca nos cives collegaeque Tui pia vota hodie facimus, ut Deus Optimus Maximus multos per annos salvum TE sospitemque praestare velit, quo res nostras usque et usque adjuvare et exornare possis. Itaque vale mihique fave. Heidelberga die XIX. m. Mart. a. MDCCCLII. CREUZ. OPUSC. 16 16) FRIDERICO TIEDEMANN VIRO ILLUSTRI DISCIPULO DISCIPULUS FRIDERICUS CREUZER. Quo die Tibi exacta feliciter Doctoris honorum decem lustra certatim congratulantur collegae, cives, exteri, eo die mihi liceat singulari Te formula appellare, quam alii mirabuntur: nos non item. Ego enim libenter soleo redire in memoriam ejus temporis, quo Marburgi Chattorum parentem Tuum, virum immortalem, luculenter explicantem audiebam cum divini Platonis dialogos tum veteris recentiorisque Philosophiae varias doctrinas. Neque vero minus idem ego ex animo gaudebam, cum eadem in Academia haud ita multo post Te meis in subselliis adsidere viderem, impigre stilum vertere Latinisque literis naviter operam navare. Paucis vero annis post, cum ego patri Tuo, immatura morte nobis erepto, publice parentare jussus ejus Memoriam scriberem, contigit mihi illud, ut in recensenda ejusdem subole post honestam mentionem matris Te, natu maximum, his verbis laudare possem ,,Ex ea tulit sex liberos: Fridericum, natum d. 23. m. Augusti a. 1781., qui cum laude medicae artis studium sectatus eandem factitare cogitat." Quae cum scriberem, bona quidem omnia augurabar Tibi: summa Te omnia assecuturum mente praecipere non poteram. Quo magis, postquam praeclara omnia in Te effecta commonstravit eventus, hodieque laetor, et seni Tibi senex gratulabundus adclamo. Heidelberga Francofurtum ad M., die 10. m. Martii a. 1854. ipsis natalibus meis; quo die quartum annum ingredior et octogesimum, cujus numeri cumulum Tibi ut Deus O. M. fortunare velit ex animo precor. INDE X. PARS PRIMA, continens COMMENTATIONES. I. Exemplum mythorum ab artium operibus profectorum. III. Specimen Observationum ad novissimam Joannis Winckel- IV. De vasculo Herculem Buzygen Minoemque exhibente. PARS ALTERA, continens MEMORIAS TRIUM PROFESSORUM M. C. Curtii, D. Tiede- PARS TERTIA, continens Epistolas et publicas et privatas epistolarumque Excerpta, LIPSIAE, TYPIS B. G. TEUBNERI. |