Radeche de tabacco, e d'acqua forte
Porta, e de cchiù gran piettene de chiummo,
Galle sane, e ppesate de cchiù sciorte,
E na porva chiammata nigrofummo;
Jettero p' annosconnere l'accorte

Gente de lo Vasciello, ed ecco io allummo,
Argiento de coppella, acciaro, e ttanno
Me dicano a cche sserve, le commanno,
Quanno mme responnette na Masarda,
Ch' avea na catenazza d' oro ncanna,
E' cchesta na materia ben gagliarda,
Che serve a ccierte viecchie de Sosanna ;
Ca se be la chiommera hanno leiarda,
Manco vonno operà la Meza-canna,
Li quale pe pparere fegliulille,

Co cchesto fanno nigre li capille Legna pe fà Galesse, e Ccarrozzine

Nce nne sò le mmigliara, e mmigliarate
Otra ca nne sò cchiene le ssentine,
Nfi a mmille canne già nne so sbarcate;
Nce so gran sarvaguardie pozine,
E ttutte co le firme, e ssegellate,
E de quatierne janche li sportune,
Pe fà decrete, é graduaziune.

Nce so seie vote mille, e cchiù brachiere,
Che l'aggio vist' io propio contare,
Che se be so de fierro, so lleggiere
E se vennirno primma de sbarcare;
Io che bedde accattarne a Ccavaliere,
A Mmiedece, a Ddotture, e a gente rare,
E pperchè cosa bona mme penzaje,
Puro n'auto pe mme, mme n'accattaje.

De

(te,

De cierte cchelle na gran quantetate,
De cchiù fforme nce songo, e de cchiù scior-
Quale so ssane, e cquale so ssecc ate,
Parte nne so deritte, e pparte storte,
Cierte so nnere, e ccierte so nnaurate
Cierte so longhe longhe, e ccierte corte ;
Le cquale tutte serveno pe ffare

Maneche de cortielle, e ccalamare.
De cchiù mm'è stato ditto c'ha tre mmise,
Che se va ntuorno co ste mmercanzie,
Pe terre, pe ccetate,e pe ppaise,
Pe le smautire, e ffare cortesie,

Ma non nc'è chi nce spenna tre ttornise,
Ca non ne vonno de ste guittarie ;
Hanno ccà dato funno, perchè ssanno,
Ca nfra no juorno, o duie le smautarranno.
Perchè sti luoche cca songo abetate
Da gente troppo vane, e ccuriose
Ch' ammice sulo so de vanetate,
E ca sò (verbo razia ) sfarzose,
Perchè se vive co gran lebertate,
E mm'ha ditto de cchiù tant' aute cose
Ma perchè saccio ca ve dò ddesgusto;
Stò zitto, ma gran cose sa sto fusto.
Nò cchiù ca rutto mm' aie lo cellevriello
A lo Spione disse ll'Onestate;

Te cride fuorze stare a lo Vordiello,
Che mme parle co ttanta lebertate;
Dimme, che gente porta sto Vasciello,
De che connezione, e cqualetate;
Chillo là pe gran scuorno app'a mmorire,
Po pigliaie sciato, e rretornatte a ddire.
B 2

'Fem

Femmene nce so schiave janche, e nnere, E olevastre, e dd'ogne cqualetate; Schiave de le mmedeseme manere Mascole, d'ogne forma, e d' ogn' etate; Chi so de bone, e cchi de brutte cere, Venute pe fa razze sconzertate,

Ngnora non nce mancava auta jenimma,
Che sta razza de Turche, e dde canimma.
De dicere porzì mme sia conciesso,
Ca porta nfenetà de Passaggiere,

Ma no perrò de l' uno, e l' auto siesso
Tutte de luoche strane, e fforastiere:
Io non sappenno, che mm' era socciesso,
Demmanaie curiuso de sapere,

Chi so st' agente ? vonno cca sbarcare?
Vorria sapè, che sso benute a ffare?
Quanto mme ntese dare a battaglione,
Da mille vuce na resposta sola,
E sse fauza non è la penione,
Mme parze nfrocecat' ogne pparola ;
Ma mme disse a l'aurecchie no vespone,
Ca chiste so benute a mmette scola,
L'nommene no perrò de mbroglie, e zelle,
Le ffemmene pe ffa nuove vordielle.
E ccopierte de pelle de Liune,

Nc'è na gran quantetate d'anemale,
Ciuccie, Scigne, e pporzì Gatte-maimune,
Che Vuommene pareano natorale.
Asce pure, Cocule, e Sportegliune,
Co belle penne, ma non natorale,
A li quale accostatome vecino,
Chi nese parlà tosco, e cchi latino.

Fem

Femmene tutte so li marenare,

E n'ommo sulo porta lo temmone, Quale se fa da chelle commannare, Esta comm'a no piezzo de macchione; A ddove vonno lo fanno votare, E stace co na gran soggezzione, Perchè, se penza de se freccecare, L'accommenzano tutte a ngioriare, To de sapere chisto gnefecato, N' avea no desederio nfenito,

E da chi mme l'avesse dechiarato, Tagliare m'avverria fatto no dito ; Una de chelle, e comme si sciaurato, Mme disse, te lev'io mo st'appetito, Si ceappa nera, e non saie strollocare Chello, che bole chesto gnefecare. Chill' ommo llà, che pporta lo temmone, E cche se fa da tutte commannare, Era capo de nuie, mo nc'è guarzone, Perch'è no guitto, e non se fa stemare: Chisto vo gnefecà chelle pperzone, Che le mmogliere non sanno addommare, E sse fanno portare pe li nase,

Da ste trafane femmene marvase.
Voze de cchiù sapere la Patrona,

Quale, dov'era, e comme se chiammava,
Essa respose, e dissem' aie raggione,
Ditto te l'averria, se nce penzava;
Vì chella là becino a lo temmone,
Che stace a mmano a mmano co na schiava;
La cchiù masarda, che ccà ddinto sia,
Va spallata, e sse chiamma Guittaria .

La Capetania po de lo Vasciello,
Mme mostaie, che ppareva na sprovera
E ghiea vestuta co no sottaniello,
Dove na coda longa longa nc' era,
Parev'essere nat' a lo Vordiello,
Tanta squase faceva la trammera,
Chesta pe cquanto ntenno da ch'è nnata,
Se le mettetté nomme la Sfacciata.
Chella, che ppare Galera sparmata,
Che non ave na stizza de vregogna,
Vi ca và tutta quanta spettorata,
E le zizze vessiche so de nzogna :
Chesta se fa chiammare la Ntosciata,
Perchè nesciuno nc' è, che la ncotogna
Chesta ccà de la vusciol' ha pensiere;
Degna de stare mmiezo a li quartiere.
E cchella là che pporta le ttrezzelle,
Videla comme và tutta sforgiosa
E pporta la gonnella co l'ascelle,
Non ha troppo capille, ch'è zellosa;
Chesta se po chiammare una de chelle,
Dicere lo borria, ma non è ccosa;
Chesta de lo Vasciello è Pommardera
E dda tutt'è cchiammata la Trammera .
Chell' auta, che ba tutta riccie, e mmiccie,
E stà tutta de ceraso nchiaccata,
Eli capille puro so a pposticcie,
E la faccie, che ppare nzolarcata ;
Ha pe ttrezze a lo cuollo doie sauciccie,
E na scalorcia, e ddice, ch'è na Fata,
Chesta de lo Vasciello è Ddespenzera,
E pe nnomm'è chiammata Vordellera..