M. Non te sò contr' affè, Ddio mme nne guarda
So ccà pe tte, pe nne piglià le spate,
Io te voglio aiutare a la gagliarda,
E se non pozzo cchiù, mengo a ppretate;
Acciso sia de botta de pommarda
Chi vole contradì la veretate,

Se te so contra cchiù sò no paputo
Sequeta', dì che buoie, perch' io t'aiuto.
E ttanto cchiù ca parle d' Onestate,
De Mezecanne, e ccose de profitto,
E non pe ccierto ca te 1 aie sounate,
Ca quanto dice, stà pe liegge scritto,
Ca le ccose vonn'esse ammodarate,
Nzomma Jostineiano isso l' ha ditto,
Perchè nfra chille antiche tre precette,
Lo primmo (Honeste vivere) nce mette.
T. E quann'è cchesto, singhe benvenuto,
Ca pare che mme faccie compagnia,
E mme puoie porzì dare quarche ajuto,
Ca spassammo la mala fantasia;
Saccio ca si Ddottore, e ssi ssaputo,
E te deliette assaie de Poesia,

E mment' io parlo, e ddico veretate,
Tu le cconferma co l' autoretate.
M. Cheste sò, Titta, le bertute toje
E mme faie mille grazie pe ccierto,
Ogn' uno face l'azziune soje,

Comm'a tte, che mme laude senza mierto;
Veramente a lo stato, che ssimm' oje,
Pe te la dire bello a llibro apierto,
LI' ONESTA' da le femmen'è squagliata,
La MESURA dall' uommen'è screajata.
G 2

Don

Donca se nuie trascorreré volimmo, Lo capo de lo gliuommero pegliammo Ca de sto muodo no nce confonnimmo, E lo tiempo senz' ozejo passammo, Nuie bello nquatto parme destenguimmo Sta MEZACANNA, azzò no nce mbrogliamo. Ma stà sodo, stà forte, e stà co mmico, E no mme contradì, se mme si ammico. Facimmo che lo primmo parmo sia

De ste bezzarre femmene sparmate, Che co ttanta sfacciata guittaria, Hanno dato lo sfratto all' ONESTATE: Lo Secunno de NNORE, arrasso sia. Lo tierzo qual'è bera NOBERTATE. Lo Quarto se la musa nc'assecura, De chi fa cchiù, che pò, senza MESURA. Perchè ncoppa ste quatto cose schitto, Mme pare che lo Munno assaie se nganna, Nè scerne da lo stuorto lo dderitto, Comme l'onesto vivere commanna; Se sì de preta, manco può stà zitto Donca perzò nce vò la Mezacanna, Servasenne chi vò, ccà no nc'è fforza, E biva, chi vò vivere a la storza. M. Ora via ncommenzammo allegramente, Viva sempe a lo Munno la Verdate, Perchè d'ogn' auta cosa è cchiù ppotente, E cchiarisce le ccose ammascarate, Io de t'essere ammico sò ccontente, Te voglio pe ccompare, figlio, e ffrate, E pe te fa vedè ca sò cco ttico, Accommenz' io de primmo, e accossì ddico. LP'O

LI' ONESTA' da l'Antiche se pegneva
Na femmena de muta gravetate,
Vestuta nobelmente, e cche teneva
L'uocchie co bella grazia calate;
Li quale co la faccie le copreva
No velo, che le dea gran Majestate,
Qual' asempio piglianno anticamente,
Tant' usava ogne femmena prudente.
T. Mo non se sa che ccos'è l'ONESTATE,
No nc'è cchiù, non se trova, è ghiuta 'n Cielo
Non se trova nfra zite, e mmaretate,
N' hanno perzo le bedole lo zelo,
Non vide auto, che ffemmene spallate,
E ghiuto a la colata chillo velo,
E che ddica accoss Afrutto abbesogna,
Ca teneno pe Nñore la vregogna.
Te mostano lo cuollo nfi a li rine,
Tanto vanno scoperte co le spalle
E pportano le trezze fatte a ccrine,
A mmuodo comme vanno li cavalle;
E mpietto co no paro de coscine,
(Comme so brutte, ciammuorio dalle)
Che bedennole sulo è na vregogna,
Ca doie vessiche pareno de nzogna.
Lo tteneno pe sfarzo, e pe ggrannezza,
A la nnuda portà chelle spallazze,
E ssenteno gran gusto, e gran preiezza;
De le ghire mostanno ppe le cchiazze ;
Ora se mò vedesse sta sciocchezza,
LI' Onestà cierto le chiammarria pazze,
Emmano a Masto Giorgio le ddarria,
Che passà le facesse ogne ppazzia.

Ed è puro lo vero, e n'è boscia,
Che se se và na femmena frostanno,
E ttenuto pe gran bregognaria,
Perchè le spalle nnude và mostanno ;
E po desta sfacciata guittaria

De le femmene noste, tanno, quanno Te mostano le spalle pe le strate Non è ppeo che se fossero frostate? M. Nè sent' auto, che cchesto predecare Da li predecature, arrasso sia, E p' ogne ppizzo sento mmermorare, Ca ste spalle scoperte è na resia ; Perrò comme lo ppozza, comportare Lo marito non trase nmente mia; Credere pozzo, che lo sfortonato O c'aggia le bottelle, o sia cecato. T. Io no stopisco d'autro veramente, E sò pe ccierto cose troppo crude, Ch' a commeglià le mmano stanno attente, Co gguante, e mmanechitte a cciento cude, De lo riesto se và scopertamente

Co faccie, pietto, cuollo, e spalle nnude, Co ttanta lebertà senza paura,

Dov'Onestà non nc'è, non nc'è mmesura.
M. Ma chello, che mme fa strasecolare,
E bedere spallate certe becchie,

Ch'è na cosa da ridere, e ccrepare,
Ca nfaccie tutte sò rappe, e bessecchie,
Comme a le giovenelle vonno fare,
E te vonno mostà chelle ppellecchie,
Co ttanta delegenzia ntónacate,
Che bedè no le pponno li cecate.

T. Chi te mosta no mierco, e chi na mpolla,
E chi ncha quarche pizzeco d'auciello,
Cierte luceno justo comm'a ccolla,
Ed a chi scuo pre tanto no scartiello.
Corre ogn' uno a bedere, e nce fa folla,
E cquanto vide fare no rotiello,
E ddice l' uno all' auto tienemente,
Pareno justo spalle de Vattente.
Chi dice, tiente spalle de vaiassa,
Chi dice, chella llà te mosta l'ossa,
Chi dice, chell'è magra, e cchell' è grassa,
Chi ch'è nnegra de carne, e chi ch'è rrossa,
Nzomma chi n'ha che fa, cossi se spassa;
Ciert uommene, che ccampano a la grossa;
Perrò sia che se sia, danno a pparlare
Pe nfi, a li portarrobba, e mmonnezzare.
Chest' è brenna, mperò crideme cierto,
Ch' assaie cchiù ppeo dicere aggio niso,
Chi siente parlà nzifra, e chi scopierto,
Cose, che te farrieno essere mpiso;
Perrò venimmoncenne a lo sconzierto
De chelle faccie ntonacate, attiso,
Ca cierte senza termene, e mmesura
Fanno scuorno, e bregogna a la Natura;
Perch' avennole fatte la Natura

Co la faccie, e lo viso natorale 9
Esse co mmille sciorte de sozzura,
Pigliano quase forma d'anemale,
Non pareno cchiù ffaccie, ma pettura
Ma che dico pettura, tenta tale,

Che se no sghizzo d'acqua nc'è ghiettata,
Scolare vedarrisse l'argentata.
C 4

Nsom