Quibus superbam fugit ulta pellicem,
Magni Creontis filiam,

65 Quum palla, tabo munus imbutum, novam Incendio nuptam abstulit?

70

Atqui nec herba, nec latens in asperis
Radix fefellit me locis.

Indormit unctis omnium cubilibus
Oblivione pellicum.

Ha! ha! solutus ambulat veneficae
Scientioris carmine?

Non usitatis, Vare, potionibus
(O multa fleturum caput!)

75 Ad me recurres; nec vocata mens tua
Marsis redibit vocibus.

80

Maius parabo, maius infundam tibi
Fastidienti poculum.

Priusque Caelum sidet inferius mari,
Tellure porrecta super,

Quam non amore sic meo flagres, uti

Bitumen atris ignibus.

Sub haec puer, iam non, ut ante, mollibus
Lenire verbis impias;

85 Sed, dubius unde rumperet silentium,
Misit Thyesteas preces.

90

Venena! magnum fas, nefasque, non valent
Convertere humanam vicem?
Diris agam vos; dira detestatio
Nulla expiatur victima.

Quin, ubi perire iussus exspiravero,
Nocturnus occurram furor;

Petamque vultus umbra curvis unguibus;
(Quae vis Deorum est Manium)

95 Et inquietis adsidens praecordiis,
Pavore somnos auferam.

Vos turba vicatim hinc, et hinc saxis petens,
Contundet obscaenas anus:

Post insepulta membra different lupi,

Et Exquilinae alites.

Neque hoc parentes, heu mihi superstites!
Effugerit spectaculum.

ODE VI.

IN CASSIUM SEVERUM.

Poetae maledico, et petulanti minatur ultionem,

METR. XII.

Quid immerentes hospites vexaş, canis,
Ignavus adversum lupos?

Quin huc inanes, si potes, vertis minas;

Et me remorsurum petis?

Nam, qualis aut Molossus, aut fulvus Lacon,

Amica vis pastoribus,

Agam per altas aure sublata nives,

Quaecumque praecedet fera.

Tu, quum timenda voce complesti nemus,
Proiectum odoraris cibum.

Cave, cave: namque in malos asperrimus.
Parata tollo cornua;

Qualis Lycambae spretus infido gener,
Aut acer hostis Bupalo.

An, si quis atro dente me petiverit,

Inultus ut, flebo, puer?

100

5

10

15

ODE VII.

AD POPULUM ROMANUM.

Detestatio bellorum civilium.

METR. XII.

Quo, quo, scelesti, ruitis? aut cur dexteris
Aptantur enses conditi?

Parumne campis, atque Neptuno super
Fusum est Latini sanguinis?

5 Non, ut superbas invidae Carthaginis
Romanus arces ureret;

10

15

20

Intactus aut Britannus ut descenderet
Sacra catenatus Via:

Sed ut, secundum vota Parthorum, sua
Urbs haec periret dextera.

Neque hic lupis mos, nec fuit leonibus
Umquam nisi in dispar, feris.
Furorne caecus, an rapit vis acrior?
An culpa? responsum date.-
Tacent: et albus ora pallor inficit,
Mentesque perculsae stupent.
Sic est: acerba fata Romanos agunt,
Scelusque fraternae necis;

Ut immerentis fluxit in terram Remi
Sacer nepotibus cruor.

ODE VIII

IN ANUM LIBIDINOSAM.

METR. XIL

Rogare longo putidam te seculo,

Vires quid enervet meas!

Quum sit tibi dens ater, et rugis vetus

Frontem senectus exaret;

Hietque turpis inter aridas nates

Podex, velut crudae bovis!

Sed incitat me pectus, et mammae putres,

Equina quales ubera;

Venterque mollis, et femur tumentibus

Exile suris additum.

Esto beata: funus atque imagines
Ducant triumphales tuum;

Nec sit marita, quae rotundioribus

Onusta baccis ambulet.

Quid? quod libelli Stoici inter sericos

lacere pulvillos amant,

Illiterati num minus nervi rigent?
Minusve languet fascinum?

Quod ut superbo provoces ab inguine,

Ore adlaborandum est tibi,

5

10

15

20

5

10

ODE IX.

AD C. CILNIUM MAECENATEM.

Allata Actiacae victoriae fama, Poeta se publicao laetitiae moram impatienter ferre ostendit, Interim insanum Antonii amorem iambis suis tangit, Aegyptiamque militiam deridet.

METR. XII.

Quando repostum Caecubum ad festas dapes,

Victore laetus Caesare,

Tecum sub alta, sic Iovi gratum, domu,

Beate Maecenas, bibam;

Sonante mixtum tibiis carmen lyra,
Hac Dorium, illis barbarum?

Ut nuper; actus quum freto Neptunius
Dux fugit ustis navibus,

Minatus Urbi vincla, quae detraxerat
Servis amicus perfidis.

Romanus, heu, heu! posteri negabitis,
Emancipatus feminae,

Fert vallum, et arma miles, et spadonibus
Servire rugosis potest!

15 Interque signa turpe militaria

20

Sol adspicit conopium!

At hoc frementes verterunt bis mille equos
Galli, canentes Caesarem;
Hostiliumque navium portu latent
Puppes sinistrorsum citae.

Io triumphe! tu moraris aureos

Currus, et intactas boves?

Io triumphe! nec Iugurthino parem
Bello reportasti ducem;