25

Lenit albescens animos capillus
Litium, et rixae cupidos protervae.
Non ego hoc ferrem, calidus iuventa,
Consule Planco.

5

10

15

O DE XV.

IN CHLORI M.

Ut, iam vetula, petulantiae, et libidini modum

constituat.

METR. V.

Uxor pauperis Ibyci,

Tandem nequitiae fige modum tuae,
Famosisque laboribus:

Maturo propior desine funeri
Inter ludere virgines,

Et stellis nebulam spargere candidis.
Non, si quid Pholoen satis,

Et te, Chlori, decet: filia rectius
Expugnat iuvenum domos,

Pulso Thyias uti concita tympano.
Illam cogit amor Nothi

Lascivae similem ludere capreae:
Te lanae prope nobilem

Tonsae Luceriam, non citharae, decent;

Nec flos purpureus rosae;

Nec poti, vetulam, faece tenus cadi.

ODE XVI.

AD C. CILNIUM MAECENATEM

Exsecratur insanum divitiarum amorem, seque parvo beatum ostendit.

METR. XVIII.

Inclusam Danaen turris ahenea,
Robustaeque fores, et vigilum canum
Tristes excubiae munierant satis
Nocturnis ab adulteris;

Si non Acrisium, virginis abditae
Custodem pavidum, Iupiter, et Venus
Risissent: fore enim tutum iter, et patens
Converso in pretium Deo.

Aurum per medios ire satellites,

Et perrumpere amat saxa, potentius
Ictu fulmineo. Concidit auguris
Argivi domus, ob lucrum

Demersa exitio: diffidit urbium

Portas vir Macedo, et subruit aemulos
Reges muneribus: munera navium
Saevos illaqueant duces.

Crescentem sequitur cura pecuniam,
Maiorumque fames. Iure perhorrui
Late conspicuum tollere verticem,
Maecenas, équitum decus.

Quanto quisque sibi plura negaverit,
A Dis plura feret. Nil cupientium

Nudus castra peto; et transfuga divitum
Partes linquere gestio:

5

10

15

20

25

Contemptae dominus splendidior rei,
Quam si, quidquid arat impiger Appulus,
Occultare meis dicerer horreis,
Magnas inter opes inops.

Purae rivus aquae, silvaque iugerum
30 Paucorum, et segetis certa fides meae,
Fulgentem imperio fertilis Africae
Fallit sorte beatior.

35

40.

Quamquam nec Calabrae mella ferunt apes,
Nec Laestrygonia Bacchus in amphora
Languescit mihi, nec pinguia Gallicis
Crescunt vellera pascuis:

Importuna tamen pauperies abest;
Nec, si plura velim, tu dare deneges.
Contracto melius parva cupidine
Vectigalia porrigam,

Quam si Mygdoniis regnum Alyattei
Campis continuem. Multa petentibus
Desunt multa. Bene est, cui Deus obtulit
Parca, quod satis est, manu.

Eius nobilitatem laudat; deinde admonet, ut dien. crastinum, pluvium forsan, hilariter exigat,

METR. XVI.

Aeli, vetusto nobilis ab Lamo,

(Quando et priores hinc Lamias ferun
Denominatos, et nepotum

Per memores genus omne fastos,

Auctore ab illo ducis originem:)
Qui Formiarum moenia dicitur
Princeps, et innantem Maricae
Littoribus tenuisse Lirim,

Late tyrannus; cras foliis nemus
Multis, et alga littus inutili
Demissa tempestas ab Euro

Sternet; aquae nisi fallit augur
Annosa cornix. Dum potes, aridum
Compone lignum: cras genium mero
Curabis, et porco bimestri,

Cum famulis operum solutis.

5

Deum silvestrem precatur, ut per suos transiens agros sibi, suisque sit propitius.

METR. XVII.

Faune, Nympharum fugientum amator,

Per meos fines, et aprica rura
Lenis incedas, abeasque parvis
Aequus alumnis;

Si tener pleno cadit hoedus anno,
Larga nec desunt Veneris sodali
Vina craterae; vetus ara multo

Fumat odore.

Ludit herboso pecus omne campo,
Quum tibi Nonae redeunt Decembres:

Festus in pratis vacat otioso

Cum bove pagus:

10

15

5

10

15

Inter audaces lupus errat agnos:
Spargit agrestes tibi silva frondes:
Gaudet invisam pepulisse fossor
Ter pede terram.

ODE XIX.

AD TELEPHU M.

Reprehendit eum iocose, quod, veteres historia describens, ea negligat, quae ad iucunde viven dum spectant.

METR. V.

Quantum distet ab Inacho

Codrus, pro patria non timidus mori,
Narras, et genus Aeaci,

Et pugnata sacro bella sub Ilio:

5 Quo Chium pretio cadum

10

15

20

Mercemur, quis aquam temperet ignibus,
Quo praebente domum, et quota
Pelignis caream frigoribus, taces.
Da Lunae propere novae,

Da Noctis mediae, da, puer, auguris
Murenae: tribus, aut novem

Miscentur cyathis pocula commodis.
Qui Musas amat impares,

Ternos ter cyathos attonitus petet
Vates: tres prohibet supra

Rixarum metuens tangere Gratia,
Nudis iuncta sororibus.

Insanire iuvat: cur Berecyntiae
Cessant flamina tibiae?

Cur pendet tacita fistula cum lyra?