Cuncta festinat manus, huc et illuc Cursitant mixtæ pueris puellæ; Sordidum flammæ trepidant rotantes Vertice fumum.
Ut tamen noris quibus advoceris Gaudiis, Idus tibi sunt agendæ, Qui dies mensem Veneris marine Findit Aprilem,
Jure sollemnis mihi sanctiorque Pæne natali proprio, quod ex hac Luce Mæcenas meus adfluentes Ordinat annos.
Telephum, quem tu petis, occupavit Non tuæ sortis juvenem puella Dives et lasciva tenetque grata Compede vinctum.
Terret ambustus Phaethon avaras Spes, et exemplum grave præbet ales Pegasus terrenum equitem gravatus Bellerophontem,
Semper ut te digna sequare et ultra Quam licet sperare nefas putando, Disparem vites. Age jam meorum Finis amorum
Non enim posthac alia calebo Femina condisce modos, amanda Voce quos reddas; minuentur atræ Carmine curæ.
CARMEN XII.-AD VIRGILIUM.
JAM veris comites, quæ mare temperant, Impellunt animæ lintea Thraciæ: Jam nec prata rigent nec fluvii strepunt Hiberna nive turgidi.
Nidum ponit Ityn flebiliter gemens
Infelix avis et Cecropiæ domus
Æternum opprobrium, quod male barbaras Regum est ulta libidines.
Dicunt in tenero gramine pinguium Custodes ovium carmina fistula
Delectantque Deum, cui pecus et nigri Colles Arcadia placent.
Adduxere sitim tempora, Virgili: Sed pressum Calibus ducere Liberum Si gestis, juvenum nobilium cliens, Nardo vina merebere.
Nardi parvus onyx eliciet cadum, Qui nunc Sulpiciis accubat horreis, Spes donare novas largus amaraque Curarum eluere efficax. Ad quæ si properas gaudia, cum tua Velox merce veni: non ego te meis Immunem meditor tingere poculis, Plena dives ut in domo.
Verum pone moras et studium lucri; Nigrorumque memor, dum licet, ignium Misce stultitiam consiliis brevem: Dulce est desipere in loco.
AUDIVERE, Lyce, Dî mea vota, Dî Audivere, Lyce: fis anus, et tamen Vis formosa videri,
Ludisque et bibis impudens,
Et cantu tremulo pota Cupidinem Lentum sollicitas. Ille virentis et
Doctæ psallere Chia
Pulchris excubat in genis.
Importunus enim transvolat aridas Quercus, et refugit te, quia luridi Dentes, te quia rugæ
Turpant et capitis nives;
Nec Coæ referunt jam tibi purpuræ Nec clari lapides tempora, quæ semel Notis condita fastis
Inclusit volucris dies.
Quo fugit Venus, heu, quove color decens r? Quo motus? quid habes illius, illius, Quæ spirabat amores,
Quæ me surpuerat mihi,
Felix post Cinaram, notaque et artium Gratarum facies? Sed Cinaræ breves Annos fata dederunt, Servatura diu parem
Cornicis vetulæ temporibus Lycen, Possent ut juvenes visere fervidi Multo non sine risu Dilapsam in cineres facem.
CARMEN XIV.-AD AUGUSTUM.
QUE cura patrum quæve Quiritium Plenis honorum muneribus tuas, Auguste, virtutes in ævum
Per titulos memoresque fastos
Eternet, o, qua sol habitabiles Illustrat oras, maxime principum !- Quem legis expertes Latinæ Vindelici didicere nuper,
Quid Marte posses; milite nam tuo Drusus Genaunos, implacidum genus, Breunosque veloces et arces
Alpibus impositas tremendis
Dejecit acer plus vice simplici.
Major Neronum mox grave prælium Commisit immanesque Rhætos Auspiciis pepulit secundis, Spectandus in certamine Martio, Devota morti pectora liberæ Quantis fatigaret ruinis;
Indomitas prope qualis undas Exercet Auster, Pleïadum choro Scindente nubes, impiger hostium Vexare turmas et frementem
Mittere equum medios per ignes. Sic tauriformis volvitur Aufidus, Qui regna Dauni præfluit Apuli, Quum sævit horrendamque cultis Diluviem meditatur agris, Ut barbarorum Claudius agmina Ferrata vasto diruit impetu
Primosque et extremos metendo Stravit humum sine clade victor,
Te copias, te consilium et tuos Præbente Divos.
Nam tibi quo die Portus Alexandrea supplex Et vacuam patefecit aulam, Fortuna lustro prospera tertio Belli secundos reddidit exitus, Laudemque et optatum peractis Imperiis decus arrogavit.
Te Cantaber non ante domabilis
Medusque et Indus, te profugus Scythes
Miratur, o tutela præsens
Italiæ dominæque Romæ.
Te fontium qui celat origines
Nilusque et Ister, te rapidus Tigris,
Te belluosus qui remotis
Obstrepit Oceanus Britannis,
Te non paventis funera Galliæ Duræque tellus audit Iberiæ, Te cæde gaudentes Sugambri Compositis venerantur armis.
CARMEN XV.-AUGUSTI LAUDES.
PHEBUS volentem prælia me loqui Victas et urbes increpuit lyra, Ne parva Tyrrhenum per æquor Vela darem. Tua, Cæsar, ætas Fruges et agris rettulit uberes Et signa nostro restituit Jovi Derepta Parthorum superbis Postibus et vacuum duellis Janum Quirini clausit et ordinem Rectum evaganti frena licentiæ Injecit emovitque culpas
Et veteres revocavit artes,
Per quas Latinum nomen et Italæ Crevere vires famaque et imperî Porrecta majestas ad ortus
Solis ab Hesperio cubili.
Custode rerum Cæsare non furor Civilis aut vis exiget otium, Non ira, quæ procudit enses
Et miseras inimicat urbes.
Non, qui profundum Danubium bibunt, Edicta rumpent Julia, non Getæ, Non Seres infidive Persæ,
Non Tanaïn prope flumen orti.
Nosque et profestis lucibus et sacris Inter jocosi munera Liberi
Cum prole matronisque nostris, Rite Deos prius apprecati,
« PredošláPokračovať » |