CARMEN XIX.-AD TELEPHUM.

QUANTUM distet ab Inacho

Codrus pro patria non timidus mori,

Narras et genus Eaci,

Et pugnata sacro bella sub Ilio:
Quo Chium pretio cadum

Mercemur, quis aquam temperet ignibus,
Quo præbente domum et quota
Pelignis caream frigoribus, taces.
Da lunæ propere novæ,

Da noctis mediæ, da, puer, auguris
Murena: tribus aut novem

Miscentur cyathis pocula commodis. Qui Musas amat impares,

Ternos ter cyathos attonitus petet Vates; tres prohibet supra

Rixarum metuens tangere Gratia Nudis juncta sororibus.

Insanire juvat: cur Berecynthiæ Cessant flamina tibiæ ?

Cur pendet tacita fistula cum lyra? Parcentes ego dexteras

Odi: sparge rosas; audiat invidus Dementem strepitum Lycus

Et vicina seni non habilis Lyco. Spissa te nitidum coma,

Puro te similem, Telephe, Vespero, Tempestiva petit Rhode:

Me lentus Glyceræ torret amor meæ.

CARMEN XX.—AD PYRRHUM.

Non vides, quanto moveas periclo,
Pyrrhe, Gætulæ catulos leænæ ?

10

20

Dura post paullo fugies inaudax
Prolia raptor.

Quum per obstantes juvenum catervas
Ibit insignem repetens Nearchum,
Grande certamen, tibi præda cedat,
Major an illi.

Interim, dum tu celeres sagittas
Promis, hæc dentes acuit timendos,
Arbiter pugnæ posuisse nudo
Sub pede palmam

Fertur et leni recreare vento
Sparsum odoratis humerum capillis,
Qualis aut Nireus fuit aut aquosa
Raptus ab Ida.

CARMEN XXI.—AD AMPHORAM.

O NATA mecum consule Manlio,
Seu tu querelas sive geris jocos
Seu rixam et insanos amores
Seu facilem, pia testa, somnum;
Quocunque lectum nomine Massicum
Servas, moveri digna bono die,
Descende Corvino jubente

Promere languidiora vina.

Non ille, quamquam Socraticis madet
Sermonibus, te negleget horridus:
Narratur et prisci Catonis

Sæpe mero caluisse1 virtus.

Tu lene tormentum ingenio admoves
Plerumque duro; tu sapientium
Curas et arcanum jocoso

Consilium retegis Lyæo;

Tu spem reducis mentibus anxiis,
Viresque et addis cornua pauperi

incaluisse

10

10

CARMINUM III. 20-23.
Post te neque iratos trementi
Regum apices neque militum arma.
Te Liber, et, si læta aderit, Venus,
Segnesque nodum solvere Gratiæ,
Vivæque producent lucernæ,

Dum rediens fugat astra Phoebus.

CARMEN XXII.-AD DIANAM.
MONTIUM Custos nemorumque, Virgo,
Quæ laborantes utero puellas
Ter vocata audis adimisque leto,
Diva triformis,

Imminens villæ tua pinus esto,
Quam per exactos ego lætus annos
Verris obliquum meditantis ictum
Sanguine donem.

CARMEN XXIII.-AD PHIDYLEN.

CELO supinas si tuleris manus
Nascente Luna, rustica Phidyle,
Si thure placaris et horna

Fruge Lares avidaque porca,
Nec pestilentem sentiet Africum
Fecunda vitis nec sterilem seges
Robiginem aut dulces alumni
Pomifero grave tempus anno.
Nam quæ nivali pascitur Algido
Devota quercus inter et ilices
Aut crescit Albanis in herbis
Victima pontificum secures
Cervice tinget: te nihil attinet
Tentare multa cæde bidentium
Parvos coronantem marino
Rore Deos fragilique myrto,

Immunis aram si tetigit manus,
Non sumptuosa blandior hostia
Mollivit aversos Penates

Farre pio et saliente mica.

CARMEN XXIV.- -IN AVAROS.

INTACTIS opulentior

Thesauris Arabum et divitis Indiæ,

Camentis licet occupes

Tyrrhenum omne tuis et mare Apulicum,

Si figit adamantinos

Summis verticibus dira necessitas

Clavos, non animum metu,

Non mortis laqueis expedies caput. Campestres melius Scythæ,

20

Quorum plaustra vagas rite trahunt domos, 10 Vivunt, et rigidi Getæ,

Immetata quibus jugera liberas Fruges et Cererem ferunt,

Nec cultura placet longior annua, Defunctumque laboribus

Equali recreat sorte vicarius. Illic matre carentibus

Privignis mulier temperat innocens, Nec dotata regit virum

Conjux nec nitido fidit adultero.

Dos est magna parentium

Virtus et metuens alterius viri

Certo fœdere castitas,

Et peccare nefas aut pretium est mori.

O quisquis volet impias

Cædes et rabiem tollere civicam,

Si quæret "Pater Urbium"

Subscribi statuis, indomitam audeat

20

Refrenare licentiam,

Clarus postgenitis: quatenus- heu nefas! 30 Virtutem incolumem odimus,

Sublatam ex oculis quærimus invidi. Quid tristes querimoniæ,

Si non supplicio culpa reciditur; Quid leges sine moribus

Vanæ proficiunt, si neque fervidis Pars inclusa caloribus

Mundi nec Boreæ finitimum latus Duratæque solo nives

Mercatorem abigunt, horrida callidi Vincunt æquora navitæ,

Magnum pauperies opprobrium jubet Quidvis et facere et pati,

Virtutisque viam deserit arduæ ? Vel nos in Capitolium,

Quo clamor vocat et turba faventium, Vel nos in mare proximum

Gemmas et lapides, aurum et inutile, Summi materiem mali,

40

Mittamus, scelerum si bene pœnitet. Eradenda cupidinis

50

Pravi sunt elementa et teneræ nimis Mentes asperioribus

Formandæ studiis. Nescit equo rudis

Hærere ingenuus puer

Venarique timet, ludere doctior,

Seu Græco jubeas trocho

Seu malis vetita legibus alea,

Quum perjura patris fides

Consortem socium fallat et hospitem

Indignoque pecuniam

Heredi properet.

Scilicet improbæ

Crescunt divitiæ; tamen

Curte nescio quid semper abest rei.

60