Ad oculos.

Per istam sanctam unctionem et suam piissimam misericordiam, indulgeat tibi Dominus quidquid per visum deliquisti. Amen.

Et post quamlibet unctionem, tergat loca inuncta novo globulo bombacii, vel rei similis, eaque postea comburat.

Ad aures.

Per istam sanctam unctionem + et suam piissimam misericordiam, indulgeat tibi Dominus quidquid per auditum deliquisti. Amen.

Ad nares.

Per istam sanctam unctionem + et suam piissimam misericordiam, indulgeat tibi Dominus quidquid per odoratum deliquisti. Amen. Ad os, compressis labiis.

Per istam sanctam unctionem et suam piissimam misericordiam, indulgeat tibi Dominus quidquid per gustum et locutionem deliquisti.

Amen.

Ad manus.

Per istam sanctam unctionem et suam piissimam misericordiam, indulgeat tibi Dominus quidquid per tactum deliquisti. Amen.

Ad pedes.

Per istam sanctam unctionem + et suam piissimam misericordiam, indulgeat tibi Dominus quidquid per gressum deliquisti. Amen.

Quibus peractis, sacerdos dicit:
Kyrie eleison.

Kyrie eleison.

Christe eleison.

Pater noster, secretò. Et ne nos inducas in tentationem.

R. Sed libera nos a malo.

V. Salvum fac servum tuum. R. Deus meus sperantem in te. V. Mitte ei Domine auxilium de sancto.

R. Et de Sion tuere eum.

V. Esto ei Domine turris fortitudinis.

R. A facie inimici.

V. Nihil proficiat inimicus in eo. R. Et filius iniquitatis non apponat nocere ei.

V.

meam.

Domine, exaudi orationem

R. Et clamor meus ad te veniat.
V. Dominus vobiscum.

R. Et cum spiritu tuo.

Oremus.

Domine Deus. omnipotens qui per Apostolum tuum Jacobum locutus

es, dicens: Infirmatur quis in vobis, inducat presbyteros ecclesiæ, et orent super eum, urgentes eum oleo in nomine Domini, et oratio fidei salvabit infirmum, et alleviabit eum Dominus, et si, in peccatis sit, remittentur ei: cura quæsumus Redemptor noster, gratiâ sancti Spiritûs languores istius infirmi, ejusque sana vulnera, et dimitte peccata, atque dolores cunctos mentis et corporis ab eo expelle, plenamque interiùs et exteriùs sanitatem misericorditer redde, ut ope misericordiæ tuæ restitutus, ad pristina reparetur officia. Qui cum Patre et Spiritu sancto vivis et regnas Deus in sæcula sæculorum. Amen. Oremus.

Respice, quæsumus, Domine, famulum tuum N. in infirmitate sui corporis fatiscentem, et animam refove quam creasti ut castigationibus emendatus, se tuâ sentiat medicinâ salvatum. Per Christum Dominum nostrum. Amen.

Oremus.

Domine sancte, Pater omnipotens, æterne Deus, qui benedictionis tuæ gratiam ægris infundendo corporibus, facturam tuam multiplici pietate

custodis: ad invocationem tui nominis benignus assiste, ut famulum tuum ab ægritudine liberatum et sanitate donatum dexterâ tuâ erigas, virtute confirmes, potestate tuearis, atque ecclesiæ tuæ sanctæ cum omni desideratâ prosperitate restituas. Per Christum Dominum nostrum. Amen. Ad extremum pro persona qualitate, salutaria monita breviter præbere poterit, quibus infirmus ad moriendum in Domino confirmetur, et ad fugandas dæmonum tentationes roboretur.

Parochus in primis meminisse debet non postremas esse muneris sui partes @grotantium curam habere. Quare cùm primùm noverit quempiam ex fidelibus curæ suæ commissis ægrotare, non expectabit ut ad eum vocetur, sed ultrò ad illum accedet: idque non semel tantùm, sed sæpiùs, quatenùs opus fuerit; horteturque parochiales suos ut ipsum admoneant cùm aliquem iu

H

parochia sua ægrotare contigerit, præcipuè si morbus gravior fuerit

Egrotos visitans, ea, quâ sacerdotes Domini decet, honestate et grawitate se in omnibus gerat, ut non gris solùm sed et domesticis verbo et exemplo prosit ad salutem. Eorum verò præcipuam curam gerat, qui humanis auxiliis destituti, benigni ac providi pastoris charitatem et operam requirunt : quorum necessitatibus, meliori quo potest modo, succurrere studebit.

In primis autem spiritualem ægrotantium curam suscipiat, omnemque diligentiam in eo ponat, ut in viâ salutis eos dirigat, atque à diabolicis insidiis salutarium adjumentorum præsidio defendat ac tueatur.

Hortetur autem infirmum, ut omnem spem suam in Deo ponat, peccatorum suorum pæniteat, divinam misericordiam imploret, et infirmitatis suæ pœnas, tanquam paternam Dei visitationem, patienter ferat: et ad salutem suam pervenisse credat, ut vitam moresque suos meliùs instituat. Deinde, quâ par est prudentia et charitate, hominem ad sacram confessionem in