Me petit ; nihil suprà

Deos lacesso, nec potentem amicum Largiora flagito,

Satis beatus unicis Sabinis. Truditur dies die,

Novæque pergunt interire lunæ : Tu secanda marmora

Locas sub ipsum funus; et, sepulcri Immemor, struis domos,

Marisque Baiis obstrepentis urges Summovere litora,

Parum locuples continente ripā. Quid, quod usque proximos

Revellis agri terminos, et ultra Limites clientium

15

20

25

Salis avarus? pellitur paternos

In sinu ferens deos

Et uxor, et vir, sordidosque natos.

Nulla certior tamen

Rapacis Orci fine destinatā

Aula divitem manet

Herum. Quid ultra tendis? Æqua tellus

Pauperi recluditur

Regumque pueris, nec satelles Orci Callidum Promethea

Revexit auro captus. Hic superbum Tantalum, atque Tantali

Genus coërcet; hic levare functum Pauperem laboribus

30

35

Vocatus atque non vocatus audit.

40

XIX.

BACCHUM in remotis carmina rupibus
Vidi docentem, (credite posteri !)
Nymphasque discentes, et aures
Capripedum Satyrorum acutas.

Evo! recenti mens trepidat metu,
Plenoque Bacchi pectore turbidum
Lætatur ! Evo! parce, Liber!
Parce, gravi metuende thyrso !

Fas pervicaces est mihi Thyiadas,
Vinique fontem, lactis et uberes
Cantare rivos, atque truncis
Lapsa cavis iterare mella.

Fas et beatæ conjugis additum
Stellis honorem, tectaque Penthei
Disjecta non leni ruinā,

Thracis et exitium Lycurgi.

Tu flectis amnes, tu mare barbarum :
Tu separatis uvidus in jugis

Nodo coërces viperino

Bistonidum sine fraude crines.

Tu, quum parentis regna per arduum
Cohors Gigantum scanderet impia,
Rhætum retorsisti leonis

Unguibus horribilique malā :

Quamquam, choreis aptior et jocis
Ludoque dictus, non sat idoneus
Pugnæ ferebaris; sed idem
Pacis eras mediusque belli.

Te vidit insons Cerberus aureo
Cornu decorum, leniter atterens
Caudam, et recedentis trilingui
Ore pedes tetigitque crura.

XX.

NON usitatā nec tenui ferar
Penna biformis per liquidum æthera
Vates neque in terris morabor
Longiùs invidiaque major

Urbes relinquam. Non ego pauperum
Sanguis parentum, non ego, quem vocas
Dilecte, Mæcenas, obibo,

Nec Stygia cohibebor undā.

Jam jam residunt cruribus asperæ
Pelles; et album mutor in alitem
Superna nascunturque leves
Per digitos humerosque plumæ.

Jam Dædaleo ocior Icaro
Visam gementis litora Bospori,
Syrtesque Gætulas canorus

Ales Hyperboreosque campos.

25

30

5

ΙΟ

15

Me Colchus, et qui dissimulat metum
Marsæ cohortis Dacus, et ultimi

Noscent Geloni; me peritus

Discet Iber, Rhodanique potor.

Absint inani funere neniæ,
Luctusque turpes et querimoniæ :
Compesce clamorem, ac sepulcri
Mitte supervacuos honores.

20

N.B.-The figures before v. a., v. dep., and v. n., denote the conjugation of the verb.

Where the etymology is not given, the word is of very uncertain or unknown origin.

Such forms and meanings of words, as do not belong to the text, are not inserted in the Vocabulary.