Nunc et latentis proditor intimo
Gratus puellæ risus ab angulo,
Pignusque dereptum lacertis,
Aut digito male pertinaci.

23-24. Pignus, armilla aut annulus. Male, non satis.

ODE X.

AD MERCURIUM.

MERCURI, facunde nepos Atlantis,
Qui feros cultus hominum recentum
Voce formasti catus, et decora

More palæstræ;

Te canam, magni Jovis et Deorum
Nuntium, curvæque lyræ parentem;
Callidum, quidquid placuit, jocoso
Condere furto.

Te, boves olim nisi reddidisses
Per dolum amotas, puerum minaci
Voce dum terret, viduus pharetra
Risit Apollo.

Quin et Atridas, duce te, superbos,
Ilio dives Priamus relicto,

Thessalosque ignes et iniqua Troja
Castra fefellit.

3. Catus, vox Sabina juxta Varr., id est acutus, vel cautus.

4. More, id est instituto.

5

10

15

Tu pias lætis animas reponis
Sedibus, virgaque levem coerces
Aurea turbam, superis Deorum
Gratus et imis.

18. Sic Virgil. Eneid. 4 :

Tum virgam capit; hac animas ille evocat Orco.

20

ODE XI.

AD LEUCONOEN.

Indulgendum voluptati, omissa futurorum cura.

Tu ne quæsieris, scire nefas! quem mihi, quem tibi
Finem Di dederint, Leuconoe; nec Babylonios
Tentaris numeros. Ut melius, quidquid erit, pati!
Seu plures hiemes, seu tribuit Jupiter ultimam,
Quæ nunc oppositis debilitat pumicibus mare
Tyrrhenum. Sapias; vina liques, et spatio brevi
Spem longam reseces. Dum loquimur, fugerit invida
Etas; carpe diem, quam minimum credula postero.

5

2. Babylonios-numeros. Astrologiæ periti erant Chaldæi. Porro numeris

ea maxime scientia nitebatur.

3. Ut melius, quanto melius sit.

HORATIUS.

2

ODE XII.

DE AUGUSTO.

Diis, heroibus, virisque aliquot claris laudatis, postremo commendat Augustum.

QUEM virum, aut heroa, lyra vel acri

Tibia sumis celebrare, Clio?

Quem Deum? cujus recinet jocosa
Nomen imago,

Aut in umbrosis Heliconis oris,

5

Aut super Pindo, gelidove in Hæmo?
Unde vocalem temere insecutæ

Orphea silvæ,

Arte materna rapidos morantem
Fluminum lapsus, celeresque ventos,
Blandum et auritas fidibus canoris

Ducere quercus.

Quid prius dicam solitis Parentis
Laudibus, qui res hominum ac Deorum,
Qui mare et terras, variisque mundum
Temperat horis?

1. Sumit exord. a Pindar. Olymp. Od. 11.

10

15

4. Imago. Echo scilicet, quæ quasi ludendo voces reflectit ac refert. 11. Blandum ducere, Græca dictio; ut supra, Od. x, Callidum condere.

13. Parentis, Jovis.

Unde nil majus generatur ipso,

Nec viget quidquam simile aut secundum :

Proximos illi tamen occupavit

Pallas honores.

Præliis audax, neque te silebo,
Liber, et sævis inimica Virgo
Belluis, nec te, metuende certa

Phoebe sagitta.

Dicam et Alciden, puerosque Ledæ,

Hunc equis, illum superare pugnis

Nobilem; quorum

simul alba nautis

Stella refulsit,

20

25

Defluit saxis agitatus humor,

Concidunt venti, fugiuntque nubes,

Et minax, qua sic voluere, ponto
Unda recumbit.

Romulum post hos prius, an quietum
Pompili regnum memorem, an superbos
Tarquini fasces, dubito, an Catonis

Nobile lethum?

Regulum, et Scauros, animæque magnæ
Prodigum Paulum, superante Pœno,
Gratus insigni referam Camena,

Fabriciumque?

22. Virgo, Diana venatrix. 25. Puerosque Leda, Dioscuros.

30

35

40

31. Hæc lectio a nostro Huret inducta æque videtur ex voce quia

complurium MSS., unde quod vulgo effectum erat.

38. Pano, Hannibale.

Te minor, latum reget æquus Orbem;

Tu gravi curru quaties Olympum,

Tu parum castis inimica mittes

Fulmina lucis.

45. Ex Nemeis, Od. viii, Pindar. imit.

46. Micat inter omnes, subintellige soles, vel ignes majores.

57. Te minor, se inferiorem te gerens.

50

55

60