Utrumque nostrum incredibili modo
Consentit astrum. Te Jovis impio
Tutela Saturno refulgens

Eripuit, volucrisque Fati

Tardavit alas, quum populus frequens
Lætum theatris ter crepuit sonum:
Me truncus illapsus cerebro
Sustulerat, nisi Faunus ictum
Dextra levasset, Mercurialium
Custos virorum. Reddere victimas
Edemque votivam memento:
Nos humilem feriemus agnam.

22. Impio, maligno.

- 29. Mercurialium, Mercurio addictorum.

25

30

ODE XVIII.

:

Se in re tenui, sua sorte contentum vivere at alios nullum ædificandi, quærendi, rapiendi, modum facere, nihil de morte cogitantes.

NON ebur neque aureum

Mea renidet in domo lacunar;

Non trabes Hymettia

Premunt columnas ultima recisas

Africa; neque Attali

Ignotus hæres regiam occupavi;

5

6. Ignotus hæres, nempe forsan ut Aristonicus qui hæreditatem Attali

sibi vindicavit.

Nec Laconicas mihi

Trahunt honestæ purpuras

clientæ.

At fides et ingeni

Benigna vena est; pauperemque dives

Me petit: nihil supra

Deos lacesso; nec potentem amicum

Largiora flagito,

Satis beatus unicis Sabinis.

Truditur dies die,

Novæque pergunt interire Lunæ.
Tu secanda marmora

Locas sub ipsum funus, et sepulcri
Immemor, struis domos,

Marisque Baiis obstrepentis urges
Summovere littora,

Parum locuples continente ripa.
Quid, quod usque proximos

Revellis agri terminos, et ultra
Limites clientium

Salis avarus? pellitur paternos

In sinu ferens Deos

Et uxor, et vir, sordidosque natos.

Nulla certior tamen,

Rapacis Orci fine destinata,

Aula divitem manet

Herum. Quid ultra tendis? æqua tellus

Pauperi recluditur,

10

15

20

25

30

30. Destinata, concordante hoc verbo cum fine in fœmineo genere. Al. sede.

Regumque pueris; nec satelles Orci
Callidum Promethea

Revexit auro captus. Hic superbum
Tantalum, atque Tantali

Genus coercet; hic levare functum
Pauperem laboribus,

Vocatus atque non vocatus, audit.

36. Revexit. Var. revinxit.

35

40

ODE XIX.

IN BACCHUM..

Bacchi laudes, ejus numine plenus, canit poëta.

BACCHUM in remotis carmina rupibus
Vidi docentem, credite posteri!
Nymphasque discentes, et aures
Capripedum Satyrorum acutas.

Evoe! recenti mens trepidat metu,
Plenoque Bacchi pectore turbidum
Lætatur. Evoe! parce, Liber!
Parce, gravi metuende thyrso!
Fas pervicaces est mihi Thyiadas,
Vinique fontem, lactis et uberes
Cantare rivos, atque truncis
Lapsa cavis iterare mella.

10. Alludere videtur ad vers. 141, Euripid. in Bacchant.

5

10

Fas et beatæ conjugis additum
Stellis honorem, tectaque Pentheï
Disjecta non leni ruina,

Thracis et exitium Lycurgi.

Tu flectis amnes, tu mare barbarum;
Tu separatis uvidus in jugis

Nodo coerces viperino

Bistonidum sine fraude crines:

Tu, quum Parentis regna per arduum
Cohors Gigantum scanderet impia,
Rhætum retorsisti leonis

Unguibus, horribilique mala;

Quamquam choreis aptior et jocis
Ludoque dictus, non sat idoneus
Pugnæ ferebaris; sed idem
Pacis eras mediusque belli.

Te vidit insons Cerberus aureo
Cornu decorum, leniter atterens
Caudam, et recedentis trilingui
Ore pedes tetigitque crura.

14. Conjugis honorem, Ariadnæ coronam. 20. Sine fraude, sine noxa.

15

20

25

30

ODE XX.

AD MECENATEM.

Famam sibi æternam fore.

NON usitata, nec tenui ferar
Penna, biformis per liquidum æthera
Vates; neque in terris morabor
Longius; invidiaque major

Urbes relinquam. Non ego, pauperum

Sanguis parentum, non ego, quem vocas
Dilecte, Mæcenas, obibo,
Nec Stygia cohibebor unda.

Jam jam residunt cruribus asperæ
Pelles; et album mutor in alitem
Superne nascunturque leves
Per digitos humerosque plumæ.

Jam Dædaleo ocior Icaro
Visam gementis littora Bospori,
Syrtesque Gætulas, canorus

Ales, Hyperboreosque campos.

Me Colchus, et qui dissimulat metum
Marsæ cohortis Dacus, et ultimi

2. Biformis vates, nempe homo nuper, nunc ales.

5

10

15

11. Al. superna, subaudito per. Sed superne, in MSS. complur., ultima syllaba brevi, ut ap. Lucret.