Quique frequens herbis et fertilis ubere campus; Qualem saepe cava montis convalle solemus Despicere-huc summis liquuntur rupibus amnes, Felicemque trahunt limum-quique editus Austro, Et filicem curvis invisam pascit aratris; Hic tibi praevalidas olim multoque fluentis Sufficiet Baccho vitis: hic fertilis uvae, Hic laticis, qualem pateris libamus et auro, Inflavit cum pinguis ebur Tyrrhenus ad aras, Lancibus et pandis fumantia reddimus exta. Sin armenta magis studium vitulosque tueri, Aut fetus ovium, aut urentis culta capellas; Saltus et saturi petito longinqua Tarenti, Et qualem infelix amisit Mantua campum, Pascentem niveos herboso flumine cygnos: Non liquidi gregibus fontes, non gramina deerunt; Et, quantum longis carpent armenta diebus, Exigua tantum gelidus ros nocte reponet. Nigra fere et presso pinguis sub vomere terra,
Et cui putre solum-namque hoc imitamur arando
Optima frumentis; non ullo ex aequore cernes
Plura domum tardis decedere plaustra juvencis; Aut unde iratus silvam devexit arator,
Et nemora evertit multos ignava per annos, Antiquasque domos avium cum stirpibus imis Eruit illae altum nidis petiere relictis; At rudis enituit impulso vomere campus. Nam jejuna quidem clivosi glarea ruris Vix humilis apibus casias roremque ministrat; Et tophus scaber et nigris exesa chelydris Creta negant, alios aeque serpentibus agros Dulcem ferre cibum et curvas praebere latebras. Quae tenuem exhalat nebulam fumosque volucris,
Et bibit humorem et, cum vult, ex se ipsa remittit; Quaeque suo semper viridis se gramine vestit, Nec scabie et salsa laedit robigine ferrum:
Illa tibi laetis intexet vitibus ulmos;
Illa ferax oleo est; illam experiere colendo
Et facilem pecori et patientem vomeris unci.
Talem dives arat Capua, et vicina Vesevo
Ora jugo, et vacuis Clanius non aequus Acerris. Nunc, quo quamque modo possis cognoscere, dicam.
195-202. Another for pastures.- 203-225. Difference between a productive and an unproductive soil.-226-258. Rules are given to distinguish soils.
Rara sit an supra morem si densa requiras— Altera frumentis quoniam favet, altera Baccho, Densa magis Cereri, rarissima quaeque Lyaeo- Ante locum capies oculis, alteque jubebis In solido puteum demitti, omnemque repones Rursus humum, et pedibus summas aequabis arer as. Si deerunt, rarum pecorique et vitibus almis Aptius, uber erit; sin in sua posse negabunt Ire loca, et scrobibus superabit terra repletis, Spissus ager; glebas cunctantis crassaque terga Exspecta, et validis terram proscinde juvencis. Salsa autem tellus et quae perhibetur amara, Frugibus infelix-ea nec mansuescit arando, Nec Baccho genus, aut pomis sua nomina servat- Tale dabit specimen: tu spisso vimine qualos Colaque preforum fumosis deripe tectis; Huc ager ille malus, dulcesque a fontibus undae Ad plenum calcentur: aqua eluctabitur omnis Scilicet, et grandes ibunt per vimina guttae; At sapor indicium faciet, manifestus et ora Tristia tentatum sensu torquebit amaror. Pinguis item quae sit tellus, hoc denique pacto Discimus: haud umquam manibus jactata fatiscit, Sed picis in morem ad digitos lentescit habendo. Humida majores herbas alit; ipsaque justo Laetior. Ah nimium ne sit mihi fertilis illa, Neu se praevalidam primis ostendat aristis!" Quae gravis est, ipso tacitam se pondere prodit,
Quaeque levis. Promptum est oculis praediscere ni
Et quis cui color. At sceleratum exquirere frigus Difficile est; piceae tantum taxique nocentes Interdum, aut hederae pandunt vestigia nigrae.
His animadversis, terram multo ante memento Excoquere, et magnos scrobibus concidere montis, Ante supinatas Aquiloni ostendere glebas Quam laetum infodias vitis genus. Optima putri Arva solo; id venti curant gelidaeque pruinae, Et labefacta movens robustus jugera fossor.
At si quos haud ulla viros vigilantia fugit,
Ante locum similem exquirunt, ubi prima paretur
Arboribus seges, et quo mox digesta feratur, Mutatam ignorent subito ne semina matrem.
259-264. Directions regarding the planting of vines; as to the preparation of the ground.—265-272. As to the cuttings.
Quin etiam coeli regionem in cortice signant, Ut, quo quaeque modo steterit, qua parte calores Austrinos tulerit, quae terga obverterit axi, Restituant. Adeo in teneris consuescere multum est. Collibus, an plano melius sit ponere vitem, Quaere prius. Si pinguis agros metabere campi, Densa sere, in denso non segnior ubere Bacchus; Sin tumulis acclive solum collisque supinos, Indulge ordinibus, nec secius omnis in unguem Arboribus positis secto via limite quadret. Ut saepe ingenti bello cum longa cohortis Explicuit legio, et campo stetit agmen aperto, Directaeque acies, ac late fluctuat omnis Aere renidenti tellus, nec dum horrida miscent Proelia, sed dubius mediis Mars errat in armis: Omnia sint paribus numeris dimensa viarum ; Non animum modo uti pascat prospectus inanem, Sed quia non aliter vires dabit omnibus aequas Terra, neque in vacuum poterunt se extendere rami. Forsitan et, scrobibus quae sint fastigia, quaeras. Ausim vel tenui vitem committere sulco.
Altior ac penitus terrae defigitur arbos- Aesculus in primis, quae, quantum vertice ad auras Aetherias, tantum radice in Tartara tendit. Ergo non hiemes illam, non flabra neque imbres Convellunt; immota manet, multosque nepotes, Multa virum volvens durando saecula vincit; Tum fortis late ramos et brachia tendens
Huc illuc, media ipsa ingentem sustinet umbram. Neve tibi ad solem vergant vineta cadentem;
Neve inter vitis corylum sere; neve flagella
Summa pete, aut summa defringe ex arbore plantas: 300 Tantus amor terrae! neu ferro laede retunso Semina; neve olea silvestris insere truncos: Nam saepe incautis pastoribus excidit ignis, Qui, furtim pingui primum sub cortice tectus, Robora comprendit, frondesque elapsus in altas Ingentem coelo sonitum dedit; inde secutus Per ramos victor perque alta cacumina regnat, Et totum involvit flammis nemus, et ruit atram Ad coelum, picea crassus caligine, nubem; Praesertim si tempestas a vertice silvis Incubuit, glomeratque ferens incendia ventus.
273-287. As to the mode of planting.-288-314. Various instructions and warnings are given,
Hoc ubi, non a stirpe valent caesaeque reverti Possunt, atque ima similes revirescere terra; Infelix superat foliis oleaster amaris.
Nec tibi tam prudens quisquam persuadeat auctor 315 Tellurem Borea rigidam spirante movere.
Rura gelu tum claudit hiems; nec semine jacto Concretam patitur radicem adfigere terrae.
Optima vinetis satio, cum vere rubenti
Candida venit avis longis invisa colubris;
Prima vel autumni sub frigora, cum rapidus Sol Nondum hiemem contingit equis, jam praeterit aestas. Ver adeo frondi nemorum, ver utile silvis; Vere tument terrae et genitalia semina poscunt. Tum pater omnipotens fecundis imbribus Aether Conjugis in gremium laetae descendit, et omnis Magnus alit, magno commixtus corpore, fetus. Avia tum resonant avibus virgulta canoris, Et Venerem certis repetunt armenta diebus; Parturit almus ager, Zephyrique tepentibus auris Laxant arva sinus; superat tener omnibus humor; Inque novos soles audent se germina tuto Credere; nec metuit surgentis pampinus Austros, Aut actum coelo magnis Aquilonibus imbrem, Sed trudit gemmas, et frondes explicat omnis. Non alios prima crescentis origine mundi Illuxisse dies aliumve habuisse tenorem Crediderim ver illud erat; ver magnus agebat Orbis, et hibernis parcebant flatibus Euri, Cum primae lucem pecudes hausere, virumque Terrea progenies duris caput extulit arvis, Immissaeque ferae silvis et sidera coelo.
Nec res hunc tenerae possent perferre laborem, Si non tanta quies iret frigusque caloremque
Inter, et exciperet coeli indulgentia terras.
Quod superest, quaecumque premes virgulta per agros,
Sparge fimo pingui, et multa memor occule terra;
Aut lapidem bibulum, aut squalentis infode conchas; Inter enim labentur aquae, tenuisque subibit
Halitus, atque animos tollent sata. Jamque reperti, 350 Qui saxo super atque ingentis pondere testae Urguerent; hoc effusos munimen ad imbris, Hoc, úbi hiulca siti findit canis aestifer arva.
315-345. He then shows the best season for planting, with a glowing description of spring.-346-357. Directions as to the proper steps to be taken during and after planting.
Seminibus positis, superest diducere terram Saepius ad capita, et duros jactare bidentis, Aut presso exercere solum sub vomere, et ipsa Flectere luetantis inter vineta juvencos: Tum levis calamos et rasae hastilia virgae Fraxineasque aptare sudes furcasque valentis, Viribus eniti quarum et contemnere ventos Adsuescant, summasque sequi tabulata per ulmos. Ac, dum prima novis adolescit frondibus aetas, Parcendum teneris; et dum se laetus ad auras Palmes agit, laxis per purum immissus habenis, Ipsa acie nondum falcis tentanda, sed uncis Carpendae manibus frondes interque legendae. Inde ubi jam validis amplexae stirpibus ulmos Exierint, tum stringe comas, tum brachia tonde: Ante reformidant ferrum; tum denique dura Exerce imperia, et ramos compesce fluentis.
Texendae sepes etiam, et pecus omne tenendum; Praecipue dum frons tenera imprudensque laborum, Cui, super indignas hiemes solemque potentem, Silvestres uri adsidue capraeque sequaces Illudunt, pascuntur oves avidaeque juvencae. Frigora nec tantum cana concreta pruina, Aut gravis incumbens scopulis arentibus aestas, Quantum illi nocuere greges durique venenum Dentis et admorso signata in stirpe cicatrix. Non aliam ob culpam Baccho caper omnibus aris Caeditur, et veteres ineunt proscaenia ludi, Praemiaque ingeniis pagos et compita circum Thesidae posuere, atque inter pocula laeti Mollibus in pratis unctos saluere per utres. Nec non Ausonii, Troja gens missa, coloni Versibus incomptis ludunt risuque soluto, Oraque corticibus sumunt horrenda cavatis; Et te, Bacche, vocant per carmina laeta, tibique Oscilla ex alta suspendunt mollia pinu. Hinc omnis largo pubescit vinea fetu; Complentur vallesque cavae saltusque profundi, Et quocumque deus circum caput egit honestum. Ergo rite suum Baccho dicemus honorem Carminibus patriis, lancesque et liba feremus,
358-362. Directions as to props.
363-370. Directions as to
371-379. A list of evils to be guarded against. — 380
396. The goat is especially to be excluded.
« PredošláPokračovať » |