UTERQUE CHORUS.
Certus undenos decies per annos Orbis et cantus referatque ludos Ter die claro, totiesque gratâ 'Nocte frequentes.
Vosque veraces cecinisse, Parcæ,
Quod semel dictum est, stabilisque rerum Terminus servat, bona jam peractis Jungite fata.
Fertilis frugum pecorisque Tellus Spiceâ donet Cererem coronâ: Nutriant fœtus et aquæ salubres, Et Jovis auræ.
Condito mitis placidusque telo Supplices audi pueros, Apollo:
Sidetum regina bicornis audi, Luna, puellas:
UTERQUE CHORUS.
Roma si vestrum est opus, Iliæque Littus Etruscum tenuere turmæ, Jussa pars mutare lares et urbem, Sospite cursu;
Cui per ardentem sine fraude Trojam
Castus Æneas patriæ superstes
Liberum munivit iter, daturus Plura relictis.
Di, probos mores docili juventæ, Di, senectuti placidæ quietem,
Romulæ genti date remque, prolemque, Et decus omne.
Quique vos bobus veneratur albis, Clarus Anchise Venerisque sanguis, Imperet, bellante prior, jacentem Lenis in hostem.
Jam mari terrâque manus potentes Medus, Albanasque timet secures : Jam Scythæ responsa petunt, superbi Nuper, et Indi.
Jam Fides, et Pax, et Honor, Pudorque Priscus, et neglecta redire Virtus Audet, apparetque beata pleno Copia cornu.
Augur et fulgente decorus arcu Phoebus, acceptusque novem Camoenis, Qui salutari levat arte fessos Corporis artus,
Si Palatinas videt æquus arces, Remque Romanam, Latiumque felix, Alterum in lustrum, meliusque semper Proroget ævum.
Quæque Aventinum tenet Algidumque, Quindecim Diana preces virorum Curet, et votis puerorum amicas Applicet aures.
Hæc Jovem sentire, Deosque cunctos, Spem bonam certamque domum reporto, Doctus et Phobi chorus et Dianæ
In hominum inconstantiam, deinde in avaritiam,
Qui fit, Mecenas, ut nemo, quam sibi sortem Seu ratio dederit, seu fors objecerit, illâ Contentus vivat: laudet diversa sequentes? "O fortunati mercatores!" gravis armis Miles ait, multo jam fractus membra labore. Contrà mercator, navim jactantibus Austris: "Militia est potior. Quid enim? concurritur: horæ
Momento cita mors venit, aut victoria læta." Agricolam laudat juris legumque peritus,
Sub galli cantum consultor ubi ostia pulsat. 10 Ille, datis vadibus, qui rure extractus in urbem
Solos felices viventes clamat in urbe.
Cetera de genere hoc (adeò sunt multa) loquacem Delassare valent Fabium. Ne te morer, audi Quò rem deducam. Si quis Deus, "En ego," dicat, "Jam faciam quod vultis : eris tu, qui modò miles, Mercator: tu, consultus modò, rusticus: Hinc vos, Vos hinc mutatis discedite partibus. Eja! Quid statis? Nolint. Atqui licet esse beatis." Quid causæ est, meritò quin illis Jupiter ambas 20 Iratus buccas inflet; neque se fore posthac Tam facilem dicat, votis ut præbeat aurem ? Præterea, ne sic, ut qui jocularia, ridens Percurram (quanquam ridentem dicere verum Quid vetat? Ut pueris olim dant crustula blandi Doctores, elementa velint ut discere prima. Sed tamen amoto quæramus seria ludo.) Ille gravem duro terram qui vertit aratro, Perfidus hic caupo, miles, nautæque, per omne Audaces mare qui currunt, hâc mente laborem 30 Sese ferre, senes ut in otia tuta recedant, Aiunt, cùm sibi sint congesta cibaria: sicut Parvula (nam exemplo est) magni formica laboris Ore trahit quodcunque potest, atque addit acervo Quem struit, haud ignara ac non incauta futuri. Quæ, simul inversum contristat Aquarius annum, Non usquam prorepit, et illis utitur antè Quæsitis sapiens; cùm te neque fervidus æstus Demoveat lucro, neque hyems, ignis,mare,ferrum; Nil obstet tibi, dum ne sit te ditior alter.
Quid juvat immensum te argenti pondus et auri Furtim defossâ timidum deponere terrâ? AVAR. Quod si comminuas, vilem redigatur ad [acervus? HOR. At nî id fit, quid habet pulchri constructus Millia frumenti tua triverit area centum; Non tuus hoc capiet venter plus quàm meus: ut si
Reticulum panis, venales inter, onusto,
Fortè vehas humero; nihilo plus accipias, quàm Qui nil portârit. Vel dic, quid referat intrà Naturæ fines viventi jugera centum an
AVAR. At suave est ex magno tollere acervo. HOR. Dum ex parvo nobis tantundem haurire relinquas,
Cur tua plus laudes cumeris granaria nostris ? Ut tibi si sit opus liquidi non amplius urnâ, Vel cyatho, et dicas: "Magno de flumine mallem Quàm ex hoc fonticulo tantundem sumere." Eo Plenior ut si quos delectet copia justo, Cum ripâ simul avulsos ferat Aufidus acer. At qui tantulo eget, quanto est opus, is neque limo Turbatam haurit aquam, neque vitam amittit in undis.
At bona pars hominum decepta cupidine falso, Nil satis est, inquit; quia tanti quantum habeas, sis. Quid facias illi? jubeas miserum esse, libenter Quatenus id facit; ut quidam memoratur Athenis Sordidus ac dives, populi contemnere voces Sic solitus: "Populus me sibilat; at mihi plaudo Ipse domi, simul ac nummos contemplor in arcâ." Tantalus a labris sitiens fugientia captat Flumina-Quid rides? mutato nomine, de te Fabula narratur. Congestis undique saccis 70 Indormis inhians, et tanquam parcere sacris Cogeris, aut pictis tanquam gaudere tabellis. Nescis quo valeat nummus, quem præbeat usum ? Panis ematur, olus, vini sextarius; adde, Queis humana sibi doleat natura negatis. An vigilare metu exanimem, noctesque diesque Formidare malos fures, incendia, servos, Ne te compilent fugientes; hoc juvat? horum
« PredošláPokračovať » |