A MAN'S A MAN FOR A' THAT

Is there for honest Poverty

That hings his head, an' a' that;
The coward slave-we pass him by,
We dare be poor for a' that!
For a' that, an' a' that,

Our toils obscure an' a' that,

The rank is but the guinea's stamp,
The Man's the gowd for a' that.

What though on hamely fare we dine,
Wear hoddin gray, an' a' that;

Gie fools their silks, and knaves their wine,
A Man's a Man for a' that:

For a' that, an' a' that,

Their tinsel show, an' a' that; The honest man, tho' e'er sae poor, Is king o' men for a' that.

Ye see yon birkie ca'd 'a lord,'

Wha struts, an' stares, an' a' that; Tho' hundreds worship at his word, He's but a coof for a' that:

For a' that, an' a' that,

His ribband, star, an' a' that; The man o' independent mind He looks an' laughs at a' that.

A MAN'S A MAN FOR A' THAT

A prince can mak a belted knight,
A marquis, duke, an' a' that;
But an honest man's aboon his might,
Gude faith, he mauna fa' that!
For a' that, an' a' that,

Their dignities, an' a' that;

The pith o' sense, an' pride o' worth, Are higher rank than a' that.

Then let us pray that come it may (As come it will for a' that),

That Sense and Worth o'er a' the earth, Shall bear the gree, an' a' that.

For a' that, an' a' that,

It's comin' yet for a' that,

That Man to Man, the world o'er,
Shall brothers be for a' that.

ROBERT BRUCE'S MARCH TO BANNOCKBURN

SCOTS, wha hae wi' WALLACE bled, Scots, wham Bruce has aften led, Welcome to your gory bed,

Or to Victorie!

Now's the day and now's the hour; See the front o' battle lour;

See approach proud EDWARD's power— Chains and Slaverie!

Wha will be a traitor knave?

Wha can fill a coward's grave?
Wha sae base as be a slave?

Let him turn and flee!

Wha for Scotland's King and Law,
Freedom's sword will strongly draw,
FREE-MAN stand, or FREE-MAN fa'
Let him follow me!

By Oppression's woes and pains!
By your Sons in servile chains!
We will drain our dearest veins,
But they shall be free!
Lay the proud Usurpers low!
Tyrants fall in every foe!
LIBERTY'S in every blow!

Let us Door Die!

DOES HAUGHTY GAUL INVASION THREAT?

DOES HAUGHTY GAUL INVASION THREAT?

DOES haughty Gaul invasion threat?
Then let the louns beware, Sir;
There's WOODEN WALLS upon our seas,
And VOLUNTEERS on shore, Sir:
The Nith shall run to Corsincon,1
And Criffel sink in Solway,
Ere we permit a Foreign Foe
On British ground to rally!
We'll ne'er permit a Foreign Foe
On British ground to rally!

O let us not, like snarling curs,
In wrangling be divided,
Till, slap! come in an unco loun,
And wi' a rung decide it!
Be Britain still to Britain true,
Amang ourselves united;
For never but by British hands
Maun British wrangs be righted!
No! never but by British hands

Shall British wrangs be righted!

1 Corsincon-a high hill at the source of the River Nith. Criffel moun tain at the mouth of the Nith.

The Kettle o' the Kirk and State,

Perhaps a clout may fail in't;
But deil a foreign tinkler loun

Shall ever ca' a nail in't.

Our FATHER'S BLUDE the Kettle bought,
And wha wad dare to spoil it;
By Heav'ns! the sacrilegious dog
Shall fuel be to boil it!

By Heav'ns! the sacrilegious dog
Shall fuel be to boil it!

The wretch that would a tyrant own,

And the wretch, his true-born brother,
Who would set the Mob aboon the Throne.
May they be damn'd together!
Who will not sing 'God save the King'
Shall hang as high's the steeple;
But while we sing 'God save the King,'
We'll ne'er forget THE PEOPLE!

But while we sing 'God save the King,'
We'll ne'er forget THE PEOPLE!

Burns became a member of the Dumfries Volunteers.