To Beauty what man but maun yield him a prize,
In her armour of glances, and blushes, and sighs?
And when wit and refinement hae polish'd her darts,
They dazzle our een, as they flie to our hearts.

But kindness, sweet kindness, in the fond-sparkling e'e, Has lustre outshining the diamond to me;

And the heart beating love as I'm clasp'd in her arms, O, these are my lassie's all-conquering charms!

THE BIRKS OF ABERFELDY

THE BIRKS OF ABERFELDY

Chorus.-Bonie lassie, will ye go,
Will ye go, will ye go,

Bonie lassie, will ye go
To the birks of Aberfeldy!

Now Simmer blinks on flowery braes,
And o'er the crystal streamlet plays;
Come, let us spend the lightsome days,
In the birks of Aberfeldy.

Bonie lassie, etc.

The little birdies blythely sing,

While o'er their heads the hazels hing,

Or lightly flit on wanton wing,
In the birks of Aberfeldy.
Bonie lassie, etc.

The braes ascend like lofty wa's,
The foamy stream deep-roaring fa's,
O'erhung wi' fragrant spreading shaws-
The birks of Aberfeldy.

Bonie lassie, etc.

The hoary cliffs are crown'd wi' flowers,
White o'er the linns the burnie pours,

And rising, weets wi' misty showers
The birks of Aberfeldy.

Bonie lassie, etc.

Let Fortune's gifts at random flee, They ne'er shall draw a wish frae me; Supremely blest wi' love and thee,

In the birks of Aberfeldy.

Bonie lassie, etc.

GREEN GROW THE RASHES

GREEN GROW THE RASHES

Chorus.-Green grow the rashes, O;
Green grow the rashes, O;

The sweetest hours that e'er I spend,
Are spent among the lasses, O.

THERE'S nought but care on ev'ry han',
In every hour that passes, O.
What signifies the life o' man,
An' 'twere na for the lasses, 0:
Green grow, etc.

The warl'y race may riches chase,
An riches still may fly them, O;
An' tho' at last they catch them fast,
Their hearts can ne'er enjoy them, O.
Green grow, etc.

But gie me a cannie hour at e'en,
My arms about my dearie, O;
An' warl'y cares, an' warl'y men,
May a' gae tapsalteerie, O!

Green grow, etc.

For you sae douce, ye sneer at this; Ye're nought but senseless asses, 0: The wisest man the warl' e'er saw, He dearly lov'd the lasses, O. Green grow, etc.

Auld Nature swears, the lovely dears Her noblest work she classes, O: Her 'prentice han' she try'd on man, An' then she made the lasses, O. Green grow, etc.