prius heroico metro et postmodum plano sermone, de-. scripsi. Historiam abbatum monasterii huius, in quo supernae pietati deseruire gaudeo, Benedicti, Ceolfridi et Huaetbercti in libellis duobus. Historiam ecclesiasticam nostrae insulae ac gentis in libris V. Martyrologium de nataliciis sanctorum martyrum diebus; in quo omnes, quos inuenire potui, non solum qua die, uerum etiam quo genere certaminis uel sub quo iudice mundum uicerint, diligenter adnotare studui. Librum hymnorum diuerso metro siue rhythmo. Librum epigrammatum heroico metro siue elegiaco. De natura rerum et de temporibus libros singulos; item de temporibus librum I maiorem. Librum de orthographia alphabeti ordine distinctum. Item librum de metrica arte, et huic adiectum alium de schematibus siue tropis libellum, hoc est de figuris modisque locutionum, quibus scriptura sancta contexta est.' Teque deprecor, bone Iesu, ut cui propitius donasti uerba tuae scientiae dulciter haurire, dones etiam benignus aliquando ad te fontem omnis sapientiae peruenire et parere semper ante faciem tuam. BAEDAE CHRONOLOGIA Anno DCCXXXI. Ceoluulf rex captus et adtonsus et remissus in regnum; Acca episcopus de sua sede fugatus. Anno DCCXXXII. Ecgberct pro Vilfrido episcopus factus. Anno DCCXXXIII. eclypsis facta est solis XVIIII. Kal. Sep. circa horam diei tertiam, ita ut pene totus orbis solis quasi nigerrimo et horrendo scuto uideretur esse coopertus. Anno DCCXXXIIII. luna sanguineo rubore perfusa, quasi hora integra II. Kal. Febr. circa galli cantum, dehinc nigredine subsequente ad lucem propriam reuersa. [Anno eodem Tatuini episcopus obiit. Anno DCCXXXV. Nothelmus archiepiscopus ordinatur; et Ecgberctus episcopus, accepto ab apostolica sede pallio, primus post Paulinum in archiepiscopatum confirmatus est; ordinauitque Fruidbertum et Fruiduualdum episcopos, et Baeda presbyter obiit. Anno DCCXXXVII. nimia siccitas terram fecit infecundam; et Ceoluulfus sua uoluntate adtonsus regnum Eadbercto reliquit. Anno DCCXXXIX. Edilhartus Occidentalium Saxonum rex obiit; et Nothelmus archiepiscopus. Anno DCCXL. Cudberctus pro Nothelmo consecratus est. Aedilbaldus rex Merciorum per impiam fraudem uastabat partem Nordanhymbrorum; eratque rex eorum Eadberctus occupatus cum suo exercitu contra Pictos. Aediluualdus quoque episcopus obiit, et pro eo Conuulfus ordinatur antistes. Aruuuini et Eadberctus interempti. Anno DCCXLI. siccitas magna terram occupauit. Carolus rex Francorum obiit; et pro eo filii Caroloman et Pippin regnum acceperunt. Anno DCCXLV. Vilfrid episcopus et Ingualdus Lupdoniae episcopus migrauerunt ad dominum. Anno DCCXLVII. Herefridus uir dei obiit. Anno DCCL. Cudretus rex Occidentalium Saxonum surrexit contra Aedilbaldum regem et Oengusum. Theneorus atque Eanredus obierunt. Eadberctus campum Cyil cum aliis regionibus suo regno addidit. Anno DCCLIII]III., anno regni Eadbercti quinto, <quinto> Id[ib]us Ianuarii eclipsis solis facta est. Postea eodem anno et mense, hoc est nono Kalendarum Februariarum, luna eclipsim pertulit, horrendo et nigerrimo scuto, ita ut sol paulo ante, cooperta. Anno DCCLIV. Bonifatius, qui et Vinfridus, Francorum episcopus, cum quinquaginta tribus martyrio coronatus est; et pro eo Redgerus consecratur archiepiscopus a Stephano papa. Anno DCCLVII. Aedilbaldus rex Merciorum a suis tutoribus noctu morte fraudulenta miserabiliter peremptus occubuit: Beornredus regnare coepit: Cyniuulfus rex Occidentalium Saxonum obiit. Eodem etiam anno Offa, fugato Beornredo, Merciorum regnum sanguinolento quaesiuit gladio. Anno DCCLVIII. Eadberctus rex Nordanhymbrorum dei amoris causa et caelestis patriae uiolentia, accepta sancti Petri tonsura, filio suo Ösuulfo regnum reliquit. Anno DCCLIX. Osuulfus a suis ministris facinorose occisus est; et Edilualdus anno eodem a sua plebe electus intrauit in regnum: cuius secundo anno magna tribulatio mortalitatis uenit et duobus ferme annis permansit, populantibus duris ac diuersis aegritudinibus, maxime tamen dysenteriae languore. Anno DCCLXI. Oengus Pictorum rex obiit, qui regni sui principium usque ad finem facinore cruento tyrannus perduxit carnifex: et Osuini occisus est. Anno DCCLXV. Aluchredus rex susceptus est in regnum. Anno DCCLXVI. Ecgberctus archiepiscopus prosapia regali ditatus ac diuina scientia imbutus et Frithubertus uere fideles episcopi ad dominum migrauerunt.] INDEX NOMINVM. Aaron (Mosi frater) 'V 21' Acha (Aeduini soror) III 6 Ad Caprae Caput u. Caprae Caput Southampton] IIII 16 Adda (presbyter) III 21 Adgefrin, uilla regia [Yeverin] Adtuifyrdi, locus [Twyford on Aduluald (rex) 'II 8'. u. Eadbald Anglorum [Dunwich] IIII 5 Aeddi cognomento Stephanus Aedgils (presbyter) IIII 25 716-757) V 23. 24. p. 291. 292 617) I 34. II 2. 12. III 1 Aedilred (rex Merciorum, † 716) Aedilthryd II 14 Aedilthryd, Aedilthryda (regina, Aeduini (rexNordanhymbrorum, Aelbfled (regia uirgo, † 713) Aelfuini (rex, † 679) IIII 21. Aelli (rex Deirorum) II 1 V 19. (episcopus Geuissorum) Aidan (episcopus, + 651) III Alchfled III 21 Alchfrid (rex) III 14. 21. 24. 25. Alcluith, ciuitas [Dumbarton] I Aldfrid (rex Nordanhymbrorum, Aldgils (rex Fresonum) V 19 Alduini (abbas in Peartaneu) Alduini (Lyccitfeldensis antistes, Alduulf (rex Orientalium Saxo- Alduulf (episcopus Hrofensis) Alexandria V 15. '21' Alne, fluuius [in Northumber- |