65 Vis consili expers mole ruit sua,
Vim temperatam di quoque provehunt
In maius; idem odere viris

75

80

Omne nefas animo moventis.

Testis mearum centimanus Gyas
Sententiarum, notus et integrae
Temptator Orion Dianae,
Virginea domitus sagitta.
Iniecta monstris Terra dolet suis
Maeretque partus fulmine luridum
Missos ad Orcum, nec peredit
Impositam celer ignis Aetnam,
Incontinentis nec Tityi iecur
Reliquit ales, nequitiae additus
Custos, amatorem trecentae
Pirithoum cohibent catenae.

10

V

Caelo tonantem credidimus lovem
Regnare, praesens divus habebitur
Augustus adiectis Britannis
Imperio gravibusque Persis.

5 Milesne Crassi coniuge barbara
Turpis maritus vixit et hostium
Pro curia inversique mores! -
Consenuit socerorum in armis,
Sub rege Medo Marsus et Apulus,
Anciliorum et nominis et togae
Oblitus aeternaeque Vestae,

15

Incolumi love et urbe Roma?

Hoc caverat mens provida Reguli
Dissentientis condicionibus

Foedis et exemplo trahenti

Perniciem veniens in aevum,

IV v. [69-72] H cf. opusc. III 50 sq., ubi etiam v. 77-80 eiciendos esse post alios censet | 69 Gyas (v)? Lambinus cf. Il 17, 14: gigas | 78 relinquit

V v. 10 prius et om. 15 exempli trahentis Bentl. | trahenti (v) Guil. Canterus nov. lect. VII 30 (Grut. lampad. Il 680): trahentis

Si non periret inmiserabilis

Captiva pubes. 'Signa ego Punicis
Adfixa delubris et arma

Militibus sine caede' dixit

'Derepta vidi, vidi ego civium
Retorta tergo bracchia libero

Portasque non clausas et arva
Marte coli populata nostro.

Auro repensus scilicet acrior
Miles redibit. Flagitio additis
Damnum; neque amissos colores
Lana refert medicata fuco,

Nec vera virtus, cum semel excidit,
Curat reponi deterioribus.

Si pugnat extricata densis

Cerva plagis, erit ille fortis,
Qui perfidis se credidit hostibus,
Et Marte Poenos proteret altero,
Qui lora restrictis lacertis

Sensit iners timuitque mortem.

Hic, unde vitam sumeret inscius,
Pacem duello miscuit? o pudor!
O magna Carthago, probrosis
Altior Italiae ruinis!'

Fertur pudicae coniugis osculum
Parvosque natos ut capitis minor
Ab se removisse et virilem
Torvus humi posuisse voltum,
Donec labantis consilio patres
Firmaret auctor numquam alias dato
Interque maerentis amicos
Egregius properaret exul.

Atqui sciebat quae sibi barbarus
Tortor pararet: non aliter tamen
Dimovit obstantis propinquos

Et populum reditus morantem

V v. 17 perires Lachmannus ad Lucr. I 11 perirent Glareanus | 21 Derepta] (v): direpta | 23 clusas Ba (v) | 37 aptius (v) anxius Jani (0. Kreussler obs. crit. soc. Lat. Lips. a. 1839 p. 1) | 51 amicos (v)

55

Quam si clientum longa negotia
Diiudicata lite relinqueret,
Tendens Venafranos in agros
Aut Lacedaemonium Tarentum.

5

VI

Delicta maiorum inmeritus lues,
Romane, donec templa refeceris
Aedisque labentis deorum et

Foeda nigro simulacra fumo.

Dis te minorem quod geris, imperas :
Hinc omne principium, huc refer exitum!
Di multa neglecti dederunt
Hesperiae mala luctuosae.

Iam bis Monaeses et Pacori manus
10 Non auspicatos contudit impetus
Nostros et adiecisse praedam
Torquibus exiguis renidet.

Paene occupatam seditionibus Delevit urbem Dacus et Aethiops, 15 Hic classe formidatus, ille

20

25

Missilibus melior sagittis.

Fecunda culpae saecula nuptias
Primum inquinavere et genus et domos:
Hoc fonte derivata clades

In patriam populumque fluxit.

Motus doceri gaudet Ionicos
Matura virgo et fingitur artibus
Iam nunc et incestos amores
De tenero meditatur ungui.
Mox iuniores quaerit adulteros
Inter mariti vina neque eligit

Cui donet impermissa raptim
Gaudia luminibus remotis,

VI v. 11 nostris Prisc. X § 25 et vel sic vel nostrorum Bentl. |

22 acerba M | artubus

Sed iussa coram non sine conscio
Surgit marito, seu vocat institor
Seu navis Hispanae magister,

Dedecorum pretiosus emptor.
Non his iuventus orta parentibus
Infecit aequor sanguine Punico
Pyrrhumque et ingentem cecidit
Antiochum Hannibalemque dirum,

Sed rusticorum mascula militum
Proles, Sabellis docta ligonibus
Versare glaebas et severae

Matris ad arbitrium recisos

Portare fustis, sol ubi montium
Mutaret umbras et iuga demeret
Bobus fatigatis amicum

Tempus agens abeunte curru.
Damnosa quid non inminuit dies?
Aetas parentum peior avis tulit
Nos nequiores, mox daturos
Progeniem vitiosiorem.

VII

Quid fles, Asterie, quem tibi candidi
Primo restituent vere Favonii

Thyna merce beatum,

Constantis iuvenem fide,

Gygen? Ille Notis actus ad Oricum
Post insana Caprae sidera frigidas
Noctes non sine multis
Insomnis lacrimis agit.

Atqui sollicitae nuntius hospitae,
Suspirare Chloen et miseram tuis
Dicens ignibus uri,

Temptat mille vafer modis.

VI v. 36 durum (v) | 44 nocte Prisc. VII § 82
VII v. 4 fide] (v): fidei

10

པ་

45

40

35

30

15

20

Ut Proetum mulier perfida credulum
Falsis impulerit criminibus nimis
Casto Bellerophontae

Maturare necem refert;

Narrat paene datum Pelea Tartaro,

Magnessam Hippolyten dum fugit abstinens,
Et peccare docentis

Fallax historias movet.

Frustra:
: nam scopulis surdior Icari
Voces audit adhuc integer.

Ne vicinus Enipeus

Plus iusto placeat cave,

At tibi

25 Quamvis non alius flectere equum sciens
Aeque conspicitur gramine Martio
Nec quisquam citus aeque

30

Tusco denatat alveo!

Prima nocte domum claude neque in vias
Sub cantu querulae despice tibiae

Et te saepe vocanti

Duram difficilis mane.

5

10

VIII

Martiis caelebs quid agam Kalendis,
Quid velint flores et acerra turis
Plena miraris positusque carbo
Caespite vivo,

Docte sermones utriusque linguae.
Voveram dulcis epulas et album
Libero caprum prope funeratus
Arboris ictu.

Hic dies anno redeunte festus

Corticem adstrictum pice dimovebit
Amphorae, fumum bibere institutae
Consule Tullo.

VII v. 20 movet] (v): monet 22 ludit Puteanus (Par. 7900 *) pr. spernit (v) Put. m. alt.; om. (v)

=

VIII v. 3 carbo] Usenerus mus. phil. 24, 342 sq. carbo in