Ergo Quintilium perpetuus sopor Urget! cui Pudor et Justitiæ soror Incorrupta Fides nudaque Veritas Quando ullum inveniet parem? Multis ille bonis flebilis occidit, Nulli flebilior quam tibi, Virgili. Tu frustra pius heu non ita creditum Poscis Quintilium Deos.
Quod si Threïcio blandius Orpheo Auditam moderere arboribus fidem, Non vanæ redeat sanguis imagini, Quam virga semel horrida, Non lenis precibus fata recludere, Nigro compulerit Mercurius gregi. Durum: sed levius fit patientia, Quidquid corrigere est nefas.
CARMEN XXV.-AD LYDIAM.
PARCIUS junctas quatiunt fenestras Ictibus crebris juvenes protervi, Nec tibi somnos adimunt, amatque Janua limen,
Quæ prius multum facilis movebat Cardines. Audis minus et minus jam: "Me tuo longas pereunte noctes, Lydia, dormis?"
Invicem mochos anus arrogantes Flebis in solo levis angiportu, Thracio bacchante magis sub inter-
Quum tibi flagrans amor et libido, Quæ solet matres furiare equorum, Sæviet circa jecur ulcerosum, Non sine questu,
Læta quod pubes hedera virente Gaudeat pulla magis atque myrto, Aridas frondes hiemis sodali Dedicet Hebro.
CARMEN XXVI.-AD MUSAM DE ELIO LAMIA.
MUSIS amicus tristitiam et metus Tradam protervis in mare Creticum Portare ventis, queis sub Arcto Rex gelidæ metuatur oræ, Quid Tiridaten terreat, unice Securus. O, quæ fontibus integris Gaudes, apricos necte flores, Necte meo Lamiæ coronam,
Pimplea dulcis! Nil sine te mei
Prosunt honores; hunc fidibus novis, Hunc Lesbio sacrare plectro Teque tuasque decet sorores.
CARMEN XXVII.-AD SODALES.
NATIS in usum lætitiæ scyphis Pugnare Thracum est: tollite barbarum Morem verecundumque Bacchum Sanguineis prohibete rixis.
Vino et lucernis Medus acinaces Immane quantum discrepat; impium Lenite clamorem, sodales,
Et cubito remanete presso. Vultis severi me quoque sumere Partem Falerni? dicat Opuntia Frater Megillæ, quo beatus Vulnere, qua pereat sagitta.
Cessat voluntas"? Non alia bibam
Mercede. Quæ te cunque domat Venus Non erubescendis adurit Ignibus ingenuoque semper Amore peccas. Quidquid habes, age, Depone tutis auribus. Ah miser, Quanta laborabas Charybdi,
Digne puer meliore flamma!
Quæ saga, quis te solvere Thessalis Magus venenis, quis poterit Deus? Vix illigatum te triformi Pegasus expediet Chimæra.
Nauta. TE maris et terræ numeroque carentis arenæ Mensorem cohibent, Archyta,
Pulveris exigui prope litus parva Matinum
Munera, nec quidquam tibi prodest Aërias tentasse domos animoque rotundum Percurrisse polum morituro.
Archytas. Occidit et Pelopis genitor conviva Deorum, Tithonusque remotus in auras
Et Jovis arcanis Minos admissus habentque Tartara Panthoiden iterum Orco
Demissum, quamvis clipeo Trojana refixo
Tempora testatus nihil ultra
Nervos atque cutem morti concesserat atræ, Judice te non sordidus auctor
Naturæ verique. Sed omnes una manet nox
Et calcanda semel via leti.
Dant alios Furia torvo spectacula Marti; Exitio est avidum mare nautis ;
Mixta senum ac juvenum densentur funera, nullum
Sæva caput Proserpina fugit.
Me quoque devexi rapidus comes Orionis Illyricis Notus obruit undis.
At tu, nauta, vaga ne parce malignus arenæ Ossibus et capiti inhumato
Particulam dare. Sic, quodcunque minabitur Eurus Fluctibus Hesperiis, Venusinæ
Plectantur silvæ te sospite, multaque merces,
Unde potest, tibi defluat æquo
Ab Jove Neptunoque sacri custode Tarenti. Negligis immeritis nocituram
Postmodo te natis fraudem committere?
Debita jura vicesque superbæ
Te maneant ipsum: precibus non linquar inultis, Teque piacula nulla resolvent.
Quamquam festinas, non est mora longa; licebit Injecto ter pulvere curras.
CARMEN XXIX.-AD ICCIUM.
Iccr, beatis nunc Arabum invides Gazis et acrem militiam paras Non ante devictis Sabææ Regibus horribilique Medo
Nectis catenas? Quæ tibi virginum Sponso necato barbara serviet? Puer quis ex aula capillis
Ad cyathum statuetur unctis,
Doctus sagittas tendere Sericas Arcu paterno? Quis neget arduis Pronos relabi posse rivos
Montibus et Tiberim reverti,
Quum tu coëmptos undique nobilis * Libros Panætî, Socraticam et domum Mutare loricis Iberis,
Pollicitus meliora, tendis?
CARMEN XXX.-AD VENEREM.
O VENUS, regina Cnidi Paphique, Sperne dilectam Cypron et vocantis Thure te multo Glyceræ decoram Transfer in ædem.
Fervidus tecum puer et solutis Gratiæ zonis properentque Nymphæ Et parum comis sine te Juventas Mercuriusque.
CARMEN XXXI.-AD APOLLINEM.
QUID dedicatum poscit Apollinem Vates? quid orat de patera novum Fundens liquorem? Non opimæ Sardiniæ segetes feraces,
Non æstuosæ grata Calabria Armenta, non aurum aut ebur Indicum, Non rura, quæ Liris quieta
Mordet aqua taciturnus amnis. Premant Calena falce quibus dedit Fortuna vitem; dives et y aureis Mercator exsiccet culullis
Vina Syra reparata merce,
Dîs carus ipsis, quippe ter et quater Anno revisens æquor Atlanticum Impune. Me pascunt olivæ, Me cichorea levesque malvæ.
Frui paratis et valido mihi, Latoë, dones et precor integra Cum mente nec turpem senectam Degere nec cithara carentem.
« PredošláPokračovať » |