feratur tantum in subsidium, quando scilicet exsecutio personalis vel realis facile haberi nequeat.-4.° Ut sufficiat bina monitio, etiam per solum edictum sine personali citatione. Ceterum excommunicatio lata, hac forma non servata, ex sententia Cong. Conc. teste Fagnan. hoc eod. cap. n. 26. valida esset.

IN SEXTO.

185. Decretali Greg. X. relatae in cap. Constitutionem 9. idem generaliter statuenti derogatum est, ut supra.

TIT. XL.-DE VERBOR. SIGNIFICATIONE.

186. Decretali Innoc. III. relatae in cap. Olim 16. statuenti Canonicis gaudentibus privilegio percipiendi fructus in absentia deberi sine diminutione distributiones quotidianas quando redditus omnes praebendarum consistunt in dictis distributionibus, derogatum est, ut supra n. 161.

ELENCHUS III

Decretalium ampliatarum a S. Concilio Tridentino.

LIBER QUARTUS.

TIT. III.- -DE CLANDESTINA DESPONSATIONE.

40. Decretalis Innoc. III. relata in c. Cum inhibitio 3. praecipientis §. 1. faciendas esse publicationes ad detegendum, an aliquod impedimentum obstet matrimonio contrahendo, ampliata est sess. 24. c. 1. de reform. matrim. precipiente has ter faciendas tribus continuis diebus festis. Moderata est autem quoad earumdem dispensationem, quae relinquitur prudentiae et judicio Ordinariorum.

41. Eadem Decretalis infligens §. Sane triennalem poenam suspensionis ab officio ferendae sententiae parocho contemnenti impedire matrimonia interdicta, et cuilibet sacerdoti etiam Regulari praesumenti eisdem interesse, pariter moderata est, cum haec poena relinquatur arbitrio Episcopi.

TIT. XIV.-DE CONSANGUINITATE, ET AFFINITATE.—IN CLEMENTINIS..

42. Decretalis Clem. V. relata in c. unic. Eos qui infligentis poenam excommunicationis ipso facto in praesumentes scienter contrahere matrimonium in gradu prohibito consanguinitatis et affinitatis, ampliata est sess. 24. c. 5. de reform. matrim. addente ita praesumentem contrahere, et multo magis consummare, separari debere, et carere spe dispensationis: sicuti et illum, qui ignoranter in dicto gradu prohibito contraxerit, sed requisitas solemnitates neglexerit.

LIBER QUINTUS.

TIT. IV.-NE PRAELAT. VIC., ETC.

43. Decretalis Alex. III. relata in c. Praeterea 1. prohibentis sub certis poenis pecuniam dari ad exercendam Episcopalem seu aliam spiritualem jurisdictionem, ampliata est sess. 25. cap. 11. de reform. ita statuente: «Non liceat etiam jurisdictiones Ecclesiasticas seu facultates nominandi aut deputandi vicarios in spiritualibus locare; nec conductoribus per se aut alios ea exercere: aliterque concessiones etiam a Sede Apostolica factae subreptitiae censeantur ».

44. Decretalis ejusdem relata in cap. Quoniam 2. idem prohibentis, ampliata est, ut supra.

TOMO III.

27

TIT. V. DE MAGISTRIS.

45. Decretalis Innoc. III. relata in cap. Quia nonnullis 4. decernentis, magistrum in Theologia esse eligendum in Metropolitana dumtaxat, ampliata est sess. 5. cap. 1. de reform. praecipiente eligi debere etiam in cathedralibus, si civitas sit insignis et populosa, ac in collegiatis existentibus in aliquo insigni oppido, etiam nullius dioecesis.

Eadem Decretalis restringens onus docendi gratis magistro grammatices impositum ad Clericos illius Ecclesiae, in qua est constitutus magister, ampliata est cit. loc. id indistincte extendente ad omnes Clericos aliosque scholares pauperes.

TIT. VII.- -DE HAERETICIS.

46. Decretalis Alex. III. in Conc. Later. relata in cap. Sicut ait 6. infligentis excommunicationem ipso facto non reservatam contra haereticos, eorumque receptatores, fautores, eisque credentes, ampliata est sess. 24. cap. 6. de reform. eam reservante solis Episcopis in casibus tantum occultis absolvendam per se, et non eorum Vicarios. Hodie ex Bulla Coenae §. 1. reservatur soli Pontifici etiam in casibus occultis.

47. Decretalis Innoc. III. relata in cap. Excommunicamus 13. infligentis §. Credentes eamdem censuram, ampliata est, ut supra.

TIT. XIV.- -DE CLERICIS PUGNANTIBUS IN DUELLO.

48. Decretalis Alex. III. relata in cap. Porro 1. statuentis Clericum sponte duellum offerentem, vel oblatum suscipientem, sive victor, sive victus fuerit, esse deponendum vel suspendendum, relicta Episcopo facultate eum super hac poena dispensandi, si in duello non fuerit subsequuta mors, vel membrorum mutilatio, ampliata est sess. 25. cap. 19. de reform. novas poenas infligente nedum in Clericos, sed etiam in alios, ut ibi. Vide Additiones meas hoc eod. tit.

TIT. XXXIII. DE PRIVILEGIIS.-In Sexto.

49. Decretalis Innoc. IV. relata in cap. Volentes 1. statuentis exemptos conveniri posse coram locorum Ordinariis ratione delicti, sive contractus, sive rei, si contractus sit initus, et res sita in loco non exempto; non vero ratione domicilii, cum tunc non teneantur respondere, nisi coram certo judice: item monachos privilegiatos interdici, suspendi et excommunicari posse ab iisdem Ordinariis, si mittantur ad prioratus illis subjectos, ampliata est sess. 7. cap. 14. de reform. decernente insuper, ut licet dicti exempti et regulares extra claustra degentes certum judicem a S. Sede deputatum habeant, conveniri et cogi etiam possint ad solvendum debitum in causis mercedum et miserabilium personarum; șicut et in aliis causis, si judicem non habuerint.

TIT. XXXIX.-DE SENT. EXCOMMUNICAT.

50. Decretalis Honorii III. relata in c. Noverit 49. infligentis excommunicationem, ut supra n. 46. ampliata est, ut ibidem.

ELENCHUS IV

Decretalium a S. Concilio Tridentino speciatim innovatarum.

LIBER QUINTUS.

TIT. XXXIII.-DE PRIVILEGIIS.

25. Decretalis Innoc. III. relata in cap. Cum capella 16. statuentis nihil detrahendum Ordinariorum jurisdictioni in concernentibus Ecclesias parochiales, ac cetera eorumdam Ordinariorum jura, etiam quoad capellanos regios, innovata est sess. 24. cap. 11. de reform.

IN SEXTO.

26. Decretalis Innoc. IV. relata in cap. Volentes 1. statuentis ut supra in Elencho III. n. 49. innovata est, sess. 7. cap. 14 de reform. cum ampliatione, ut in cit. n. 49.

TIT. XXXVIII.-DE POENITENTIIS ET REMISSIONIBUS.

27. Decretalis ejusdem relatae in cap. Omnis utriusque 12. praecipientis omnes doli capaces teneri semel saltem in anno confiteri, et Eucharistiae sacramentum ad minus in Pascha recipere, innovata est sess. 13. de Sacram. Eucharist. Can. 9. et sess. 14. cap. 5. ac Can. 8. de Poenit.

!