CREDO pudicitiam Saturno rege moratam In terris, visamque diu, quum frigida parvas Præberet spelunca domos, ignemque, laremque, Et pecus, et dominos conmuni clauderet umbrâ; Silvestrem montana torum quum sterneret uxor 5 Frondibus et culmo, vicinarumque ferarum Pellibus; haud similis tibi, Cynthia, nec tibi, cujus Turbavit nitidos extinctus passer ocellos; Sed potanda ferens infantibus ubera magnis, Et sæpe horridior glandem ructante marito. Quippe aliter tunc orbe novo coloque recenti Vivebant homines, qui, rupto robore nati, Compositive luto, nullos habuere parentes. Multa pudicitiæ veteris vestigia forsan,
Aut aliqua exstiterint, et sub Jove; sed Jove nondum
Barbato, nondum Græcis jurare paratis
Per caput alterius, quum furem nemo timeret Caulibus, aut pomis, et operto viveret horto. Paulatim deinde ad superos Astræa recessit Hac comite, atque duæ pariter fugere sorores. 20 Antiquum et vetus est alienum, Postume, lectum Concutere, atque sacri genium contemnere fulcri. Viderunt primos argentea sæcula machos. Omne aliud crimen mox ferrea protulit ætas. Conventum tamen, et pactum, et sponsalia, nos-
Tempestate paras, jamque a tonsore magistro
Pecteris, et digito pignus fortasse dedisti. Certe sanus eras! uxorem, Postume, ducis? Dic, quâ Tisiphone, quibus exagitere colubris? Ferre potes dominani salvis tot restibus ullam, 30 Quum pateant altæ caligantesque fenestræ, Quum tibi vicinum se præbeat Æmilius pons? Aut si de multis nullus placet exitus, illud Nonne putas melius, quòd tecum pusio dormit? Pusio, qui noctu non litigat, exigit a te Nulla jacens illic munuscula, nec queritur, quòd Et lateri parcas, nec, quantum jussit, anheles? Sed placet Ursidio lex Julia: tollere dulcem Cogitat heredem cariturus turture magno, Mullorumque jubis, et captatore macello. Quid fieri non posse putes, si jungitur ulla Ursidio? si machorum notissimus olim Stulta maritali jam porrigit ora capistro, Quem toties texit perituri cista Latini? Quid, quòd et antiquis uxor de moribus illi Quæritur? O medici, mediam pertundite venam. Delicias hominis! Tarpeium limen adora Pronus, et auratam Junoni cæde juvencam, Si tibi contigerit capitis matrona pudici. Paucæ adeo Cereris vittas contingere dignæ, Quarum non timeat pater oscula. Necte coronam Postibus, et densos per limina tende corymbos. Unus Iberinæ vir subficit? Ocius illud Extorquebis, ut hæc oculo contenta sit uno. Magna tamen fama est cujusdam rure paterno 55 Viventis. Vivat Gabiis, ut vixit in agro; Vivat Fidenis! Et agello cedo paterno: Quis tamen adfirmat, nil actum in montibus, aut in Speluncis? adeo senuerunt Jupiter et Mars?
Porticibusne tibi monstratur femina voto Digna tuo? cuneis an habent spectacula totis Quod securus ames, quodque inde excerpere possis? Chironomon Ledam molli saltante Bathyllo Tuccia vesicæ non inperat: Appula gannit,
Sicut in amplexu, subitum et miserabile: longum 65 Adtendit Thymele; Thymele tunc rustica discit. Ast aliæ, quoties aulæa recondita cessant, Et vacuo clausoque sonant fora sola theatro, Atque a plebeiis longe Megalesia, tristes Personam thyrsumque tenent, et subligar Accî. 70 Urbicus exodio risum movet Atellanæ
Gestibus Autonoes: hunc diligit Ælia pauper. Solvitur his magno comœdi fibula. Sunt quæ Chrysogonum cantare vetent. Hispulla tragœdo Gaudet. An exspectas, ut Quintilianus ametur? 75 Adcipis uxorem, de quâ citharœdus Echion Aut Glaphyrus fiat pater, Ambrosiusque choraules. Longa per angustos figamus pulpita vicos: Ornentur postes et grandi janua lauro, Ut testudineo tibi, Lentule, conopeo Nobilis Euryalum mirmillonem exprimat infans. Nupta senatori comitata est Hippia ludium Ad Pharon et Nilum famosaque moenia Lagi, Prodigia et mores Urbis damnante Canopo. Inmemor illa domus, et conjugis atque sororis, 85 Nil patriæ indulsit; plorantesque inproba natos, Utque magis stupeas, ludos Paridemque reliquit. Sed quamquam in magnis opibus, plumâque paternâ, Et segmentatis dormîsset parvula cunis,
Contemsit pelagus; famam contemserat olim, 90 Cujus apud molles minima est jactura cathedras. Tyrrhenos igitur fluctus lateque sonantem Pertulit Ionium constanti pectore, quamvis Mutandum toties esset mare. Justa pericli Si ratio est et honesta; timent, pavidoque gelantur 95* Pectore, nec tremulis possunt insistere plantis: Fortem animum præstant rebus,quas turpiter audent. Si jubeat conjux, durum est conscendere navim; Tunc sentina gravis, tunc summus vertitur aer. Quæ machum sequitur, stomacho valet. Illa mari-
Convomit: hæc inter nautas et prandet, et errat
Per puppem, et duros gaudet tractare rudentes. Quâ tamen exarsit formâ, quâ capta juventâ est Hippia? quid vidit, propter quod ludia dici Sustinuit? nam Sergiolus jam radere guttur Cœperat, et secto requiem sperare lacerto. Præterea multa in facie deformia; sicut Adtritus galeâ, mediisque in naribus ingens Gibbus, et acre malum semper stillantis ocelli. Sed gladiator erat: facit hoc illos Hyacinthos: 110 Hoc pueris patriæque, hoc prætulit illa sorori Atque viro: ferrum est, quod amant. Hic Sergius idem
Adceptâ rude cœpisset Veiento videri.
Quid privata domus, quid fecerit Hippia, curas? Respice rivales Divorum: Claudius audi
115 Quæ tulerit. Dormire virum quum senserat uxor, Ausa Palatino tegetem præferre cubili, Sumere nocturnos meretrix Augusta cucullos, Linquebat comite ancillâ non amplius unâ,
Sed nigrum flavo crinem abscondente galero. 120 Intravit calidum veteri centone lupanar,
Et cellam vacuam atque suam: tunc nuda papillis Constitit auratis, titulum mentita Lyciscæ, Ostenditque tuum, generose Britannice, ventrem. Excepit blanda intrantes, atque æra poposcit, 125 Et resupina jacens multorum absorbuit ictus. Mox, lenone suas jam dimittente puellas, Tristis abît; et, quod potuit, tamen ultima cellam Clausit, adhuc ardens rigidæ tentigine vulvæ, Et lassata viris nec dum satiata recessit: Obscurisque genis turpis, fumoque lucernæ Fœda, lupanaris tulit ad pulvinar odorem, Hippomanes carmenque loquar, coctumque vene-
Privignoque datum? faciunt graviora coacta Imperio sexus, minimumque libidine peccant, 135 Optima sed quare Cesennia, teste marito? Bis quingenta dedit: tanti vocat ille pudicam;
NecVeneris pharetris macer est, aut lampade fervet: Inde faces ardent; veniunt a dote sagittæ. Libertas emitur: coram licet innuat atque Rescribat, vidua est, locuples quæ nubsit avaro. Cur desiderio Bibulæ Sertorius ardet? Si verum excutias, facies, non uxor amatur. Tres rugæ subeant, et se cutis arida laxet, Fiant obscuri dentes, oculique minores; Conlige sarcinulas, dicet libertus, et exi: Jam gravis es nobis, et sæpe emungeris ; exi Ocius, et propera: sicco venit altera naso. Interea calet, et regnat, poscitque maritum Pastores, et ovem Canusinam, ulmosque Faler-
150 Quantulum in hoc? pueros omnes, ergastula tota, Quodque domi non est, et habet vicinus, ematur. Mense quidem brumæ, quo jam mercator Iason Clausus, et armatis obstat casa candida nautis, Grandia tolluntur crystallina, maxima rursus Myrrhina, deinde adamas notissimus, et Beronices In digito factus pretiosior: hunc dedit olim Barbarus incestæ, dedit hunc Agrippa sorori, Observant ubi festa mero pede sabbata reges, Et vetus indulget senibus clementia porcis. Nullane de tantis gregibus tibi digna videtur? Sit formosa, decens, dives, fecunda, vetustos Porticibus disponat avos, intactior omni Crinibus effusis bellum dirimente Sabinâ ; (Rara avis in terris nigroque simillima cycno) 165 Quis feret uxorem, cui constant omnia? malo, Malo Venusinam, quam te, Cornelia, mater Gracchorum, si cum magnis virtutibus adfers Grande supercilium, et numeras in dote triumphos. Tolle tuum, precor, Hannibalem victumque Sypha
In castris, et cum totâ Carthagine migra.
Parce, precor, Pæan, et tu, Dea, pone sagittas: Nil pueri faciunt; ipsam configite matrem!
« PredošláPokračovať » |