TYPOGRAPHVS TAVRINENSIS

L. S.

Quum

uum ex omnibus latinis poëtis ingenio et urbanitate praestiterit Horatius, haud mirum, si et romanis temporibus, et post restituta bonarum artium studia, qui in his literis essent acutiores plurimum

opere in eo illustrando ponerent. Sed quum magna inde lux Horatio accesserit, deerat tamen qui in singulis carminibus perpetua dictione legenti praeiret, nec tam ipse nova et indicta proferret, quam aliorum animadversionibus scite et cum delectu uteretur. Is porro fuit Guillelmus Doeringius, in Catullo tibi, candide lector, unice probatus, quemque adeo poëtae interpretem delegi. Ac ne multus sim, quantum illud est, quod vir subtiliter doctus in scriptoris contextu innocue versatur, ac raro admodum a recepta lectione discedit? Adde iam bene excultum nec sane inelegans scribendi genus, genus, adde nitidissimas

odarum enarrationes ubi unius sententiae varios quasi flexus ac lineamenta perspicias. Egregia vero