Obrázky na stránke
PDF
ePub

magisque confirmari«. Sed inprimis et illud dictum sibi putent, quod ibi de temporis illius conditione subjungitur: „Ea tamen est, proh dolor, nostrorum temporum labes et macula, ut, et quidvis scriptitandi atque adeo male dicendi cacoëthes invaserit sensus et animos, non vulgarium tantum hominum, sed etiam eorum, quos contrarium prorsus facere maxime decuit, Jesuitarum et aliorum ejusmodi hominum turba (quibus ipsa merces est auctoramentum servitutis et maledicentiae), quam impudenter et furiose adversum nos et veritatem ferantur, et quae in schola impudentiae edocti sunt, qua acerbitate in nos effundant, satis cuivis perspi.. cuum esse potest. Cum quibus comparanda sunt, quae in Praefat. Corp. et Synt. Conf. Gen. 1654. p. XII. exponuntur. Legant denique, quae S. V. Schleiermacherus (in libro: ReformationsAlmanach. II. Jahrgang 1819. p. 335 - 381) de pretio atque auctoritate librorum symbolicorum egregie docuit. Non solum enim doctores evangelicos obligandos, sed etiam (cf. p. 378 — 79) manibus populi et juventutis hos libros tradendos suadet. Quain utiliter autem (quod addimus) hoc fieri possit, exemplis, quae in Saxonia, Anglia, apud Argentoratenses aliosque prostant, probatur.

Sed nolo diutius huic argumento inhaerere. Mihi enim sufficit, a Vobis , Viri Optimi, consilium meum in edendo hoc opere probari, et ea, quae monenda esse videbantur, applausu Vestro, quo nil gratius esse poterit, ornari. Nil igitur addam, quam ardentissimas ad Deum T. O.M. pro Vestra Vestrorumque perpetua prosperitate preces. Itaque valete mihique et imposterum favete!

Scripsi Bonnae d. XXV. Martii MDCCCXXVII.

[merged small][merged small][merged small][merged small][merged small][merged small][ocr errors][merged small]
« PredošláPokračovať »