Obrázky na stránke
PDF
ePub
[blocks in formation]

euntes docerent omnes gentes, UANDOQUIDEM nunc,

baptizantes eos In Nomine Patris, et Filii, et Spiritus Sancti: Respice, quæsumus, populi tui supplicationes; hanc aquam in mysticam peccati ablutionem sanctifica; et tribue ut isti nunc in ea baptizandi tuæ gratiæ plenitudinem consequantur, et in numero filiorum tuorum fidelium et electorum semper permaneant. Per Jesum Christum Dominum nostrum. Amen.

Deinde Sacerdos unius cujusque baptizandi dexteram apprehendat, et eum juxta Fontem quomodo convenientius sibi visum fuerit statuens, Patrinos et Matrinas nomen ejus interroget; et postea eum in aquam immergat, aut super eum aquam fundat, dicens,

fratres dilectissimi, isti regenerati sunt, et in Christi Ecclesiæ corpus insiti, agamus gratias Deo Omnipotenti pro his beneficiis, et uno animorum consensu ei supplicemus, ut reliquam vitam suam secundum hoc initium peragant.

Deinde dicatur, omnibus genuflexis, Oratio Dominica.

[blocks in formation]

RATIAS suppliciter tibi Deinde ad recentes baptizatos

Gagimus, Pater coelestis,

quod ad gratiæ tuæ agnitionem, et ad fidem erga te, nos vocare dignatus es. Hanc ag

nitionem, quæsumus, in nobis adauge, hanc fidem in perpetuum confirma. Da istis Spiritum Sanctum tuum; ut nunc per Dominum nostrum Jesum Christum renati, et æternæ salutis hæredes facti, in servitio tuo permaneant, et promissa tua consequantur. Per eundem Dominum Jesum Christum Filium tuum, qui tecum vivit et regnat in unitate ejusdem Spiritus Sancti, per omnia sæcula sæculorum.

Amen.

Deinde omnibus sese erigentibus, Sacerdos hanc Exhortationem proferat, Patrinos et Matrinas primum alloquens.

UONIAM isti coram vobis

promiserunt, se diabolo et omnibus ejus operibus abrenuntiaturos, credituros in Deum, et servituros ei: recordandum est vobis, vestrum esse officium eos admonere de solenni voto et promisso quibus coram populo hic congregato, et præcipue coram vobis, testibus suis delectis, jam se obstrinxerint. Necnon vos oportet eos hortari ut summa diligentia se curent sancto Dei verbo erudiendos; quatenus crescant in gratia et in cognitione Domini nostri Jesu Christi, et sobrie, juste, et pie vivant in hoc sæculo.

sermonem suum convertens,

pergat;

OS etiam, qui nunc per

Baptismum Christum induistis, ex officio debetis, Dei et lucis filii per fidem in Jesum Christum facti, secundum vocationem vestram Christianam, et sicut decet filios lucis, ambulare; hoc illud recordantes, nobis in Baptismo professionem nostram significari; quæ quidem nihil aliud est, quam ut Christi Salvatoris exemplum sequamur, et ejus similes fiamus: quatenus sicut ille pro nobis mortuus est et resurrexit, ita nos qui baptizati sumus peccato moriamur, et justitiæ resurgamus; semper mortificantes omnem nostræ affectum pravitatis, et quotidie proficientes in omni virtute et pietate.

Conveniens est, unumquemque hoc modo baptizatum ab Episcopo, cum primum id fieri possit, confirmari; quatenus ad sacram Communionem admittatur.

Si aliqui in infantia sua non baptizati antea baptizandi offerantur quam ad ætatem intelligentiæ pervenerint, in qua pro seipsis valeant spondere; satis sit Publici, seu, modo maxime periclitentur, Privati Infantium Baptismi ordinem usurpare; dummodo pro verbo Infans verbum puer vel persona, prout occasio postulet, substituatur.

Catechismus,

SIVE

FORMA DOCTRINÆ AB UNOQUOQUE EDISCENDA, PRIUSQUAM AD EPISCOPUM CONFIRMANDUS ADDUCATUR.

Quæst. Quid est tibi no- hunc salutis statum per Jesum men?

Resp. N. vel M. Qu. Quis tibi dedit hoc nomen?

Resp. Patrini mei et Matrinæ in Baptismo meo, in quo factus sum membrum Christi, filius Dei, et hæres regni cœlorum. Qu. Quid tunc pro te fecerunt Patrini et Matrinæ ?

Resp. Tria in meo nomine promiserunt et voverunt. Primum, me diabolo et omnibus ejus operibus, pompæ et vanitati hujusce mundi pravi, et omnibus malis carnis concupiscentiis abrenuntiaturum. Secundo, me omnes fidei Christianæ articulos crediturum. Tertio, me sanctam Dei voluntatem et mandata servaturum, et in iis ambulaturum omnibus diebus vitæ meæ.

Qu. Nonne putas te debere ea credere et facere, quæ ipsi tuo nomine promiserunt ?

Resp. Ita certe; atque id, Deo adjuvante, faciam. Et gratias ago ex animo Patri nostro cœlesti, quod me ad

Christum Salvatorem nostrum vocavit : Deumque precor ut gratiam suam mihi largiatur, quatenus in eodem usque ad finem vitæ meæ perseverem.

Catechista. Recita articulos fidei tuæ.

Resp. Credo in Deum Patrem Omnipotentem, Creatorem cœli et terræ:

Et in Jesum Christum Filium ejus unicum, Dominum nostrum, Qui conceptus est de Spiritu Sancto, Natus ex Maria Virgine, Passus sub Pontio Pilato, Crucifixus, mortuus, et sepultus; Descendit ad inferos, Tertia die resurrexit a mortuis: Ascendit ad coelos, Sedet ad dexteram Dei Patris Omnipotentis; Inde venturus est judicare vivos et mortuos.

Credo in Spiritum Sanctum, Sanctam Ecclesiam Catholicam, Sanctorum Communionem, Remissionem peccatorum, Carnis Resurrectionem, et Vitam æterAmen.

nam.

Qu. Quid præcipue discis ex his articulis Fidei tuæ ?

Resp. Primum, disco credere in Deum Patrem, qui me et totum mundum creavit.

Secundo, in Deum Filium, qui me et totum genus humanum redemit.

Tertio, in Deum Spiritum Sanctum, qui me et totum Dei populum electum sanctificat.

Qu. Dixisti quod pro te Patrini et Matrinæ spoponderunt, te Dei mandata esse servaturum. Dic quot sunt ea? Resp. Decem.

Qu. Quæ sunt ea?

Resp. Ea ipsa quæ Deus in capite Exodi vicesimo protulit, dicens, Ego sum Dominus Deus tuus, qui eduxi te de terra Ægypti, de domo servitutis.

I. Non habebis Deos alienos

[blocks in formation]

opera tua: septimo autem die Sabbatum Domini Dei est. Non facies omne opus in eo, tu, et filius tuus, et filia tua, servus tuus, et ancilla tua, jumentum tuum, et advena qui est intra portas tuas. Sex enim diebus fecit Dominus cœlum, et terram, et mare, et omnia quæ in eis sunt: et requievit die septimo. Idcirco benedixit Dominus diei Sabbati, et sanctificavit eum.

V. Honora patrem tuum et matrem tuam, ut sis longævus super terram, quam Dominus Deus tuus dabit tibi.

VI. Non occides. VII. Non mochaberis. VIII. Non furtum facies. IX. Non loqueris contra proximum tuum falsum testimonium.

X. Non concupisces domum proximi tui; nec desiderabis uxorem ejus; non servum, non ancillam, non bovem, non asinum, nec omnia quæ illius sunt. Qu. Quid potissimum ex his mandatis discis ?

Resp. Duo: scilicet et officium meum erga Deum, et officium meum erga proximum. Qu. Quodnam est officium tuum erga Deum?

Resp. Officium meum erga Deum est ut in ipsum credam, ipsum timeam, ipsum ex toto corde meo, tota mente, tota anima, tota virtute diligam ; ipsum adorem, ipsi gratias agam, in ipso penitus confidam, eum invocem, sanctum ipsius Nomen et Verbum venerer, et

ipsi fideliter serviam omnibus diebus vitæ meæ.

Qu. Quodnam est officium tuum erga proximum ?

Resp. Officium meum erga proximum est ut eum sicut meipsum diligam, et quæcunque velim ut faciant mihi homines, et ipse faciam illis; patrem et matrem diligam, observem, adjuvem; Reginæ et omnibus sub ea in auctoritate constitutis omni observantia obediam: omnibus gubernatoribus, præceptoribus, pastoribus spiritualibus, et magistris me subjiciam; erga omnes superiores modeste et humiliter me geram; neminem verbo aut facto lædam; in omnibus negotiis justum et fidelem me præstem; nihil odii, nihil malitiæ, in corde geram; manus a furto, linguam a maledicentia, mendacio, et calumnia contineam; corpus meum in temperantia, sobrietate, et castitate custo

diam ; aliorum bona non concupiscam nec desiderem; sed discam et bona fide studeam, mihi proprium victum comparare, et meo officio fungi in eo vitæ statu in quem Deus me vocare dignatus est.

Catechista. Scias, mi puer, te non posse hæc vi propria facere, nec in Dei mandatis ambulare, nec ei servire, sine speciali ejus gratia, quam necesse est discas diligenti oratione semper impetrare. Velim igitur audire utrum Orationem Dominicam recitare possis. Resp. Pater noster, qui es

in cœlis, Sanctificetur nomen tuum. Adveniat regnum tuum. Fiat voluntas tua, Sicut in cœlo, et in terra. Panem nostrum quotidianum da nobis hodie. Et dimitte nobis debita nostra, Sicut et nos dimittimus debitoribus nostris. Et ne nos inducas in tentationem; Sed libera nos a malo. Amen. Qu. Quid petis a Deo in hac oratione?

Resp. Peto ut Dominus Deus meus, Pater noster cœlestis, omnium bonorum dator, et mihi et omnibus hominibus gratiam suam infundat, qua, sicut nos oportet, eum adoremus, eique serviamus et obediamus. Et precor Deum ut omnia concedat tam animis quam corporibus nostris necessaria; ut nobis misereatur, et peccata nostra dimittat; ut inter omnia pericula corporalia et spiritualia nos servare et defendere dignetur : ut ab omni peccato et pravitate, ab inimico spirituali, a morte perpetua, nos custodiat. Quæ omnia confido ipsum pro misericordia ejus et bonitate facturum, per Jesum Christum Dominum nostrum ; ideoque dico, Amen, Ita fiat.

Qu. Quot Sacramenta in Ecclesia sua Christus instituit?

Resp. Duo tantum velut ad salutem generaliter necessaria; Baptismum, et Cœnam Domi

nicam.

Qu. Quid intelligis per vocem istam Sacramentum ?

Resp. Intelligo signum externum et visibile gratiæ inter

« PredošláPokračovať »