Obrázky na stránke
PDF
ePub

Cecropio repetes cothurno,
Insigne maestis praesidium reis,
Et consulenti, Pollio, curiae:
Cui laurus aeternos honores
Dalmatico peperit triumpho.

Jam nunc minaci murmure cornuum
Perstringis aures: jam litui strepunt:
Jam fulgor armorum fugaces
Terret equos, equitumque vultus,
Audire magnos jam videor duces
Non indecoro pulvere sordidos',

Et cuncta terrarum subacta,

Praeter atrocem animum Catonis,
Juno, et Deorum quisquis amicior
Afris, inulta cesserat impotens
Tellure; victorum nepotes
Rettulit inferias Jugurthae.

Quis non Latino sanguine pinguior
Campus sepulcris impia proelia
Testatur, auditumque Medis
Hesperiae sonitum ruinae?

Qui gurges, aut quae flumina lugubris

[ocr errors]

Ignara belli? quod mare Dauniae

Non decoloravere caedes?

Quae caret ora cruore nostro?

Sed ne, relictis, Musa procax, jocis,
Ceae retractes munera naeniae,
Mecum Dionaco sub antro

Quáere modos leviore plectro.

20

25

30

35

40

12) Attico calceo. 13) Al. moestis. Graev. Qui reos defendis et censes in senatu. 14) Pollio Salona urbe Dalmatiae capta triumphavit. 17) Graev. Videor jam audire classici et tubae strepitum, cum tuam historiam lego. 19), Al. fulgur fugaces, i. e. pavefactos. 21) Bentl. Videre pro audire. 24) M. Cato Vticensis, vilis habitu, tristis vultu. C. Gu. Propter. 25) Dii dicebantur cedere regnis et urbibus, quae ab hostibus subigebantur. 26) Impotens, quae irae non poterat moderari. 28) Al. Retulit. Sensus est: Nunc avorum poenas a nepotibus expetierunt. Jugurtha, Numidiae rex, a Mario victus et in triumpho ductus a. 648; hinc bellum Jugurthinum. 30) Impia, sc. ci◄ vilia. 31) Graev. Clades Romanorum audiverunt eti m Parthi. 33) C. 4. et Gu. Quis gurges. 34) Dauniae, i. e. Apuliae pro universa Italia. 57) Musa impudens, quae cantas convivia et amores. 38) Ne canas carmina lugubria, qualia olim cecinit Simonides insula Cea oriundus. Al. vulnera naeniae, tanquam deae istorun carminum lugubrium praesidis. 59) Dionaeo, i, e. Veneris. 40) Al, meliore pro leviore.

ODE II.

AD C. SALLUSTIUM CRISPUM.
Proculeium laudat obliberalitatem in fratres. Contém-
ptus pecuniae regem efficit, et beatum.
Metrum quale Lib. I. Carm. 2.

Nullus argento color est, avaris
Abdito terris, inimice lamnae
Crispe Sallusti, nisi temperato
Splendeat usu.

Vivet extento Proculejus aevo
Notus in fratres animi paterni:
Illum aget penna metuente solvi
Fama superstes.

Latius regnes avidum domando
Spiritum, quam si Libyam remotis
Gadibus jungas, et uterque Poenus
Serviat uni.

Crescit indulgens sibi dirus hydrops;
Nec sitim pellit, nisi caussa morbi
Fugerit venis, et aquosus albo
Corpore fanguor.

Redditum Cyri solio Phraaten,
Dissidens plebi, numero beatum
Eximit Virtus; populumque falsis
Dedocet uti

Vocibus; regnum et diadema tutum
Deferens uni, propriamque laurum,
Quisquis ingentes oculo irretorto
Spectat acervos.

5

10

15

20

ODE II. 1) Argentum sub terra reconditum non splendet. 2) C. Gu. lamae. Qui odisti nimiam pecuniae custodiam et avaritiam. 5) C. Gu. Salusti. 5) Al. extenso. G. Procu leius, eques Romanus, amicus Augusti, rarissimae pietatis erga fratres suos fuit. 7) Al. agit. Fama vehet ejus nomen ad posteros. 9) Qui divitiis tenetur, is nunquam satisfit, etiamsi omnibus opibus fruatur. 10) Lybiam i. e. Africam. 11) Gades insula prope Hispaniam Romanis remotissima. Uterque Pocnus est Afer et Hispanus. 12) C. 4. illi. 13) Hydrops ingravescit indies, si non temperaverit a potu. Bentl. pellis. 17) Rex Parthorum ob crudelitatem a suis expulsus, ope Scytharum restitutus est. Al. Phraatem, 18) Al. Diffidens-beatorum, sed hoc ex glossa. C. Gu. plebis. 2021) C. 4. Vocibus uti Dedocet; regnum. 25) Oculo recto spe ctat cumulos pecuniae. Al, irretorto,

14)

ODE III.

AD Q. DELLIUM.

7

Moderate ferenda utraque est fortuna, cum omnibus impendeat aequa moriendi conditio.

Metrum quod Lib. I. Carm. 9.

Aequam memento rebus in arduis
Servare mentem non sectis in bonis

[ocr errors]

Ab insolenti temperatam

Laetitia, moriture Delli;

Seu maestus omni tempore vixeris,
Seu te in remoto gramine per dies
Festos reclinatum bedris

Interiore nota Falerni;

Quo pinus ingens, alhaque populus
Umbram hospitalem consociare amant

Ramis, et obliquo laborat

Lympha fugax trepidare rivo:

Huc vina, et unguenta, et nimium breves

Flores amoenae ferre jube rosae:

Dum res, et aetas, et Sororum

Fila trium patiuntur atra.

Cedes coëmtis saltibus, et domu,
Villaque, flavus quam Tiberis lavit;
Cedes; et exstructis in altum

Divitiis potietur heres.

Divesne, priscó natus ab Inacho,

5

10

15

20

C 2

ODE. III. Dellius est historicus, cujus meminerunt Dio, Seneca et Plutarchus. 2) Bentl, ac pro in. 4) Q. Dellius videtur fuisse historicus tempore Horatii. C. Gu. Deli. 5) Al. moestus. 8) Exhilaveris optimo vino in intima cellae parte recondito. 9) Al. Qua i. e. parte. Al. Quo, in loco, ubi. 10) C. Gu. U. consociare hospitalem. 11) C. 4. Gu. Ramis, quo obliquo. Al. qua, quid, quia. 12) C. 4. rure, Gl. rivo. 13-14) AL. brevis flores amoenos rosae. C. Gu. Huc vinum iubes rosae Bentl. Qui scias. 15) Sororum Parcarum. Dum vivis, et vitae fila nondum abrumpung Par cae. 17) Saltus hic sunt pascua late porrecta. Al. domo, 18) Al. lavat. 21) Inachus rex antiquissimus Argivorum,

Nil interest, an pauper, et infima
De gente, sub divo moreris,
Victima nil miserantis Orci.
Omnes eodem cogimur: omnium
Versatur urna, serius, ocius
Sors exitura, et nos in aeternum
Exsilium impositura cymbae.

ODE IV.

25

AD XANTHIAM PHOCEUM. Non est, cur Xanthias erubescat, quod Phyllida ancillam amet, cum multis magnis viris idem usu venerit.

Metrum quale Lib. I. Carm. 2.

Ne si ancillae tibi amor pudori,
Xanthia Phoceu! Prius insolentem
Serva Briseis niveo colore

Movit Achillem.

Movit Ajacem Telamone natum
Forma captivae dominum Tecmessae:
Arsit Atrides medio in tríumpho
Virgine rapta;

Barbarae postquam cecidere turmae

Thessalo victore, et ademptus Hector

Tradidit fessis leviora tolli

Pergama Grajis.

Nescias, an te generum beati

Phyllidis flavae decorent parentes:

Regium certe genus, et Penates

Maeret iniquos.

5

10

15

22) C. Ou. Nihil. 23) C. 4, morieris. Al. sub Dio. 24) Paullo post morieris. 26) € 4. serius, an ocius. C. Gu. serius vel otius. 28) C. 4. Exitium. cumbue, i. e. Charontis.

ODE IV. 2) Xanthias Phoceus, Graecus nobili genere ortus. 3) Briseis, captiva ab Achille amata fuit. Verum ejus nomen fuit Hippodamia. 5-6) Tecmessa, Teleutantis filia, pulchritudine formae cepit Ajacem Telamonium. C. Gu. Tegmessae. 7-8) Atrides, Atrei nepos, Agamemnon, in ipso Trojae excidio capta Cassandra. 9) Barbarae, i. e. Phrygiae seu Trojanae. 10) Thessalo, i. e. Achille, et occisus est Hector. 12) Grajis i. e. Graccis. 14) Phyllis, puella, Xanthiae serva, 16) Al. Moeret.

Crede, non illam tibi de scelesta
Plebe dílectam; neque sic fidelem,
Sic lucro aversam potuisse nasci
Matre pudenda.

Brachia, et vultum, teretesque suras
Integer laudo: fuge suspicari,
Cujus octavum trepidavit aetas
Claudere lustrum.

20

AD

ODE V.

LALAGEN.

Pulcherrima Lalage est virgo viro immatura; ergo ab ejus cupiditate mens est revocanda.

Metrum quale I. 9.

Nondum subacta ferre jugum valet

Cervice, nondum munia comparis
Aequare, nec tauri ruentis

In Venerem tolerare pondus.

Circa virentes est animus tuae

Campos juvencae, nunc fluviis gravem
Solantis aestum, nunc in udo
Ludere cum vitulis salicto
Praegestientis. Tolle cupidinem
Immitis uvae; jam tibi lividos
Distinguet Autumnus racemos

[ocr errors]

10

17) De plebe infelici et vili propter pravos mores. 18) Al. delectam. 19) C. Gu. adversam, 21) C. 1. et Gu. voltum. 21) C. 1. et Gu. voltum. 22) Integer, nullo ejus amore corruptus. 24) Al. Conderé lustrum, i. e. 40

annos.

ODE V. Vanderbourg: Ad Sodalen: inscribit. 2) Al. compari. 3) C. Gu. nec ruentis tauri. 4) C. Gu. tollerare. 5) Al. virentis.Puellae enim solent flores legere, ut Proser. pina, cum raperetur a Plutone. 6)C. 4. nec fluviis. 7) Solantis i. e. refrigerantis, levantis. 11) AĬ, Auctuṁnus.

« PredošláPokračovať »