viribus libertas et necessitas gererent', quae verba huc transtuli e Godofredi Hermanni commentatione de tragica et epica poesi cum Aristotelis libro de arte poetica edita p. 267.

Atque in hoc Hermanni nomine, magistri olim mei, cui non possum dicere quam et multum et multa debeam, cum suavissima tanti viri recordatione acquiesco: quae enim addere volebam, ea in aliud tempus differo, ne invitus incidam in eam coniectandi intemperantiam, quae oritur fere ex nimia criticorum studiorum uno in scriptore positorum diuturnitate. Quodsi iudicaverint periti harum rerum existimatores, nonnulla me recte emendasse, in aliis errasse, at via tamen et ratione errasse, delirasse aut nunquam aut perraro: id me effecisse putabo, quod solum his viribus accommodatum esse sentio.