An tali studeam calamo? Cui verba? quid istas Succinis ambages? tibi luditur: effluis amens. Contemnere: sonat vitium percussa, maligne Respondet viridi non cocta fidelia limo.

Udum et molle lutum es, nunc nunc properandus,
et acri

Fingendus sine fine rota. Sed rure paterno
Est tibi far modicum, purum et sine labe salinum;
(Quid metuas?) cultrixque foci secura patella.
Hoc satis? an deceat pulmonen rumpere ventis,
Stemmate quod Tusco ramum millesime ducis,
Censoremque tuum vel quod trabeate salutas?
Ad populum phaleras. Ego te intus et in cute novi.
Non pudet ad morem discincti vivere Nattæ ?
Sed stupet hic vitio, et fibris increvit opimum
Pingue: caret culpa: nescit, quid perdat: et alto
Demersus, summa rursus non bullit in unda.

Magne pater divum, sævos punire tyrannos
Haud alia ratione velis, quum dira libido
Moverit ingenium, ferventi tincta veneno,
Virtutem ut videant, intabescantque relicta.
Anne magis Siculi gemuerunt æra juvenci,
Aut magis auratis pendens laquearibus ensis
Purpureas subter cervices terruit, imus,
Imus præcipites, quam si sibi dicat, et intus
Palleat infelix, quod proxima nesciat uxor?

Sæpe oculos, memini, tangebam parvus olivo,
Grandia si nollem morituri verba Catonis
Discere, ab insano multum laudanda magistro,
Quæ pater adductis sudans audiret amicis.
Jure etenim id summum, quid dexter senio ferret,
Scire erat in voto: damnosa canicula quanti m
Raderet: angustæ collo non fallier orcæ:
Neu quis callidior buxum torquere flagello.

Haud tibi inexpertum est, curvos deprendere

mores,

Quæque docet sapiens braccatis illita Medis
Porticus, insomnis quibus et detonsa juventus
Invigilat, siliquis et grandi pasta polenta;
Et tibi quæ Samios diduxit litera ramos, Y
Surgentem dextro monstravit limite callem.
Stertis adhuc ? lassumque caput compage soluta
Oscitat hesternum, dissutis undique malis?
Est aliquid quo tendis, et in quod dirigis arcum?
An passim sequeris corvos testaque lutoque,
Securus quo pes ferat, atque ex tempore vivis ?
Helleborum frustra, quum jam cutis ægra tu-
mebit,

Poscentes videas. Venienti occurite morbo,
Et quid opus, Cratero magnos promittere montes?
Discite et, o miseri, caussas cognoscite rerum!
Quid sumus, et quidnam victuri gignimur? ordo
E63 Quis datus, aut metæ quam mollis flexus, et unde?
Quis modus argento? quid fas optare? quid asper
Utile numus habet? patriæ carisque propinquis
Quantum elargiri deceat? quem te deus esse
Jussit, et humana qua parte locatus es in re
Disce, neque invideas, quod multa fidelia putet
In locuplete penu, defensis pinguibus Umbris,
Et piper, et perne, Marsi monimenta clientis,
Mænaque quod prima nondum defecerit orca.

Heic aliquis de gente hircosa centurionum Dicat: Quod sapio, satis est mihi: non ego curo Esse, quod Arcesilas ærumnosique Solones, 1Obstipo capite, et figentes lumine terram, Murmura quum secum et rabiosa silentia rodunt, Atque exporrecto trutinantur verba labello, Ægroti veteris meditantes somnia: gigni

De nihilo nihil, in nihilum nil posse reverti. Hoc est, quod palles? cur quis non prandeat, hoc est?

His populus ridet: multumque torosa juventus Ingeminat tremulos naso crispante cachinnos. Inspice: nescio quid trepidat mihi pectus, et ægris

Faucibus exsuperat gravis halitus; inspice sodes:
Qui dicit medico, jussus requiescere, postquam
Tertia compositas vidit nox currere venas,

De majore domo modice sitiente lagena
Lenia loturo sibi Surrentina rogarit.
"Heus bone, tu palles." Nihil est.

men istud,

"Videas ta

"Quidquid id est: surgit tacite tibi lutea pellis." At tu deterius palles: ne sis mihi tutor :

Jam pridem hunc sepeli: tu restas. "Perge, tacebo."

Turgidus hic epulis atque albo ventre lavatur,
Gutture sulfureas lente exhalante mephites.
Sed tremor inter vina subit, calidumque trientem
Excutit e manibus: dentes crepuere retecti:
Uncta cadunt laxis tunc pulmentaria labris.
Hinc tuba, candela: tandemque beatulus alto
Compositus lecto, crassisque lutatus amomis.
In portam rigidos calces extendit: at illum
Hesterni capite induto subiere Quirites.

"Tange miser venas, et pone in pectore dextram!"

Nil calet heic.

nusque."

"Summosque pedes adtinge ma

Non frigent.-Visa est si forte pecunia, sive
Candida vicini subrisit molle puella,

Cor tibi rite salit? Positum est algente catino

Durum olus, et populi cribro discussa farina:
Tentemus fauces. Tenero latet ulcus in ore
Putre, quod haud deceat plebeia radere beta.
Alges, quum excussit membris timor albus aristas:
Nunc face supposita fervescit sanguis, et ira
Scintillant oculi: dicisque facisque, quod ipse
Non sani esse hominis non sanus juret Orestes.

SATIRA IV.

"REM populi tractas?"

gistrum

barbatum hoc crede ma

Dicere, sorbitio tollit quem dira cicutæ :
"Quo fretus? dic, o magni pupille Pericli.
Scilicet ingenium et rerum prudentia velox
Ante pilos venit: dicenda tacendaque calles.
Ergo ubi commota fervet plebecula bile,
Fert animus calidæ fecisse silentia turbæ
Majestate manus. Quid deinde loquere? Quirites
al.pot Hoc, puto, non justum est: illud male: rectius istud.

Scis etenim justum gemina suspendere lance
Ancipitis libræ rectum discernis, ubi inter

:

Curva subit, vel quum fallit pede regula varo :
Et potis es nigrum vitio præfigere Theta.
Quin tu igitur summa nequidquam pelle decorus,
Ante diem blando caudam jactare popello
Desinis, Anticyras melior sorbere meracas.
Quæ tibi summa boni est? Uncta vixisse patella
Semper, et adsiduo curata cuticula sole?

N

Exspecta

I nunc :"

haud aliud respondeat hæc anus.

Dinomaches ego sum. Suffla. "Sum candidus.

'Esto,

Dum ne deterius sapiat pannucia Baucis, Quum bene discincto cantaverit ocima vernæ." Ut nemo in sese tentat descendere, nemo! Sed præcedenti spectatur mantica tergo. Quæsieris," Nostin' Vectidi prædia?" Cujus? "Dives arat Curibus, quantum non milvus oberret."

Hunc ais, hunc, dis iratis genioque sinistro,

Qui, quandoque jugum pertusa ad compita figit,
Seriolæ veterem metuens deradere limum,
Ingemit, Hoc bene sit! tunicatum cum sale mordens
Cæpe, et, farrata pueris plaudentibus olla,
Pannosam facem morientis sorbet aceti.

At si unctus cesses, et figas in cute solem,
Est prope te ignotus, cubito qui tangat, et acre
Desputat in mores: penemque arcanaque lumbi
Runcantem, populo marcentes pandere vulvas:
Tu, quum in maxillis balanatum gausape pectas
Inguinibus quare detonsus gurgulio exstat?
Quinque palæstritæ licet hæc plantaria vellant,
Elixasque nates labefactent forcipe adunca,
Non tamen ista filix ullo mansuescit aratro.

Cædimus, inque vicem præbemus crura sagittis. Vivitur hoc pacto: sic novimus. Ilia subter Cæcum vulnus habes; sed lato balteus auro Protegit. Ut mavis, da verba, et decipe nervos, Si potes. Egregium quum me vicinia dicat, Non credam? Viso si palles, improbe, nummo; Si facis, in penem quidquid tibi venit amarum ; Si puteal multa cautus vibice flagellas: