in aliis Horis duplicantur Antiphonæ, id est integræ dicuntur in principio et in fine Psalmorum.

5. Ad Matutinum regulariter dicuntur tres Nocturni; cum novem Psalmis, et totidem Lectionibus, hoc est in unoquoque Nocturno tres Psalmi, et tres Lectiones,præterquam in Paschate Resurrectionis et Pentecostes, cum duobus sequentibus diebus, in quibus dicitur unum tantum Nocturnum cum tribus Psalmis, et totidem Lectionibus, ut ibidem ponitur.

6. Preces ad Primam et Completorium, et suffragia de sancta Maria, Apostolis, et Pace ad Vesperas et Laudes, non dicuntur in officio duplici, ut etiam in propriis eorum Rubricis dicetur.

7. Quomodo sit ordinandum officium duplex in Vesperis, Matutino, et ceteris Horis, similiter et de Antiphonis, Responsoriis, Versibus, Capitulis, et aliis in eo dicendis, habentur inferius de singulis propriæ rubricæ.

DE OFFICIO SEMIDUPLICI.

II.

1. OFFICIUM fit semiduplex diebus dominicis (excepta dominica in Albis in qua fit dup'ex) et diebus infra octavas: item in festis quibus in kalendario apponitur hæc vox semiduplex, et in festis propriis quorumdam locorum, seu congregationum, quæ solemnius apud illas quam simplicia consueverunt célebrari.

2. De festo semiduplici fit eo die quo cadit, nisi contingat transferri, ut dicetur in Rubrica de Translatione Festorum.

3. Habet totum Officium integrum sicut duplex, sed non duplicantur Antiphona.

4. Ad Matutinum dicuntur tres Nocturni, præterquam infra octavas Pascha et Pentecostes, in quibus dicitur unum Nocturnum cum tribus Psalmis et totidem Lectionibus. Et regulariter quando dicuntur tres Nocturni, dicuntur novem Psalmi et totidem Lectiones, exceptis iis dominicis in quibus fit Officium ut in Psalterio quæ habent xviij Psalmos, ut ibi.

5. Quomodo sit ordinandum officium semiduplex tam in festis, quam in dominicis, et infra octavas, item et de Antiphonis, Versibus, Responsoriis, et hujusmodi aliis, et quando in semiduplici dicantur Preces ad Primam et Completorium, et Suffragia de Sanctis ad Vesperas et Laudes, habentur inferius de singulis propriæ Rubricæ.

DE OFFICIO SIMPLICI.

IIL

1. Officium fit simplex in diebus ferialibus, quando occurrit fieri de feria : item in festis, quibus in kalendario non apponitur hæc vox duplex, vel semiduplex, vel de octava: item quando fit de B. Maria in sabbato, ut in ejus rubrica dicetur.

2. De festo simplici fit eo die quo cadit nisi eodem die occurrat fieri officium novem lectionum, vel de S. Maria in sabbato, vel de aliquis feriis, quibus festum simplex cedit, ut dicetur in rubricis de feriis, et de Commemorationibus.

3. Habet tantum primas Vesperas, in quibus dicuntur psalmi feriales, et a capitulo fit de festo, nisi cum eo concurrat officium novem lectionum, quia tunc de eo fit sola commemoratio, ut dicetur in rubrica de Concurrentia Officii, et ejus officium terminatur ad Nonam, et nihil amplius fit de eo, nec commemoratio.

4. Ad Matutinum post invitatorium et hymnum de festo, dicitur unum tantum Nocturnum cum duodecim psalmis, ut in Psalterio, secandum feriam quæ occurrit, et tres lectiones leguntur, ut infra in rubrica de Lectionibus habetur.

5. Quomodo sit ordinandum officium simplex ad Vesperas, Matutinum et alias horas, item et de antiphonis, versibus, responsoriis, et aliis, ac quando preces et suffragia de Sanctis dicenda sint, habentur inferius propriæ rubricæ.

DE DOMINICIS.

IV.

1. De dominica semper fit officium in dominicis Adventus, et in dominicis a Septuagesima usque ad dominicam in Albis inclusive, quocumque festo duplici, vel semiduplici adveniente : quia tunc festum transfertur (ut in rubrica de Translatione Festorum dicetur) nisi illud festum sit de principali Titulo, vel Patrono alicujus Ecclesiæ vel loci, aut Dedicatione propriæ Ecclesiæ; quia tunc de hujusmodi festo fit tantum in Ecclesia vel loco cujus est Titulus, vel Patronus, vel Dedicatio, cum commemoratione dominicæ, quibusdam dominicis exceptis, ut dicetur in rubrica de Commemorationibus. In aliis dominicis per annum fit de dominica, quando in eis non occurrit festum duplex: quia tunc fit de duplici cum commemoratione dominicæ in utrisque Vesperis et Laudibus : et ad Matutinum legitur nona Lectio de Homilia dominicæ ut dicetur in rubrica de Commemorationibus. Si semidu Hiem.

C

plex eodem die occurrat, transfertur, ut dicetur in rubrica de Translatione Festorum.

2. De dominicis infra octavas Nativitatis, Epiphania, Ascensionis et Corporis Christi occurrentibus, officium fit sicut infra octavam et in Proprio de Tempore, cum commemoratione Octavæ, et sine precibus et suffragiis Sanctorum. In dominicis vero quæ occurrunt infra alias octavas, totum officium fit de dominica, ut in Psalterio et in Proprio de Tempore, cum commemoratione octavæ, omissis etiam dictis precibus et suffragiis, ut supra. De dominica occurrente in die octava fit commemoratio, sicut dictum est, quando in ea fit de festo duplici, præterquam in die octava Epiphaniæ, in qua nihil fit de dominica, quia ejus officium ponitur in sabbato præcedenti.

3. Positum est autem officium sex dominicarum post Epiphaniam et viginti quatuor post Pentecosten, ut compleatur numerus triginta dominicarum, quæ esse possunt ab Epiphania usque ad Septuagesimam et a Pentecoste usque ad Adventum; ne nulla ex his dominicis vacet, quin saltem de ea fiat commemoratio. Nam quæ aliquando supersunt post Epiphaniam ante Septuagesimam, ponuntur post vigesimam a Pentecoste, hoc ordine.

4.Si Dominicæ post Pentecosten fuerint xxv; dominica tertia post Pentecosten erit quæ est vj post Epiphaniam: si fuerint xxvj; dominica xxiv erit quæ est v, et xxv quæ est vj: si fuerint xxvij; dominica xxiv erit quæ est iv, et xxv quæ est v, et xxvi erit vj : si fuerint xxviij; Dominica xxiv erit iij, et xxv erit iv, et xxvj erit v, et xxvij erit vj, et ultimo loco semper ponitur quæ in ordine est xxiv post Pentecosten, etiam si post Pentecosten aliquando non sint nisi xxiij dominicæ. Tunc enim xxiv ponitur loco xxiij, et officium xxiij, ponitur in præcedenti sabbato quod non sit impeditum festo novem lectionum: alioquin in alia præcedenti die similiter non impedita, in qua fiat officium de feria, cum commemoratione festi simplicis, si occurrat, et in ea legantur tres lectiones de homilia dominicæ, omissis lectionibus Scripturæ illius feria, et in Laudibus dicatur antiphona ad Benedictus, et oratio de dominica xxiij. Quod si tota hebdomada impedita sit festis novem lectionum, etiam translatis, vel aliqua octava, tunc in sabbato legatur nona lectio de homilia dominicæ xxiij, et de ea fiat commemoratio in Laudibus tantum, cum antiphona et oratione propria.

5. Cum vero interdum contingat, ut Dominica iij vel iv vel v vel vi post Epiphaniam supersit, nec possit poni etiam post xxiij a Pentecoste, tunc de ea fit officium in sabbato ante dominicam Septuagesimæ, ut dictum est supra numero præcedenti.

6. De dominica ij post Epiphaniam, quando Septuagesima venerit

immediate post octavam Epiphaniæ, quomodo agendum sit officium, habetur in propria rubrica ante dominicam j post Epiphaniam.

7. Cum autem in Proprio de Tempore dicitur aliqua dominica esse prima mensis, in qua primo ponitur initium libri de Scriptura cum sua historia, id est cum responsoriis, animadvertendum est eam dici primam dominicam mensis quæ venit in kalendis illius mensis, vel est proximior kalendis, hoc modo: si kalendæ venerint in ij et iij et iv. Feria, dominica prima mensis erit quæ præcedit kalendas, licet veniat in præcedenti mense: si autem kalendæ venerint in v et vj Feria et sabbato, prima dominica erit quæ sequitur post ipsas kalendas. Dominica autem prima Adventus non sumitur ea quæ est proximior kalendis Decembris, sed festo S. Andreæ, vel quæ venerit in ipso festo.

8. Officium dominicæ fit semiduplex, et incipit a primis Vesperis in sabbato: et habet totum officium integrum usque ad Completorium dominicæ inclusive, nisi cum aliquo concurrat, ut dicitur in rubrica de Concurrentia Officii.

9. Ad Matutinum dicuntur tres nocturni cum psalmis, ut in Psalterio: et leguntur novem lectiones, ut in Proprio de Tempore.

10. Quomodo autem sit ordinandum ejus officium, insuper et de lectionibus, responsoriis, et aliis, et quomodo initia librorum Scrip→ turæ cum sua historia sint ponenda, habentur de singulis inferius propriæ rubricæ.

1. Officium feriale hoc est, simplex, de tempore occurrenti, prout in Psalterio et Proprio de Tempore habetur, fit semper in feriis Adventus, Quadragesima, Quatuor Temporum, Vigiliarum, et in feria secunda Rogationum, quando infra hebdomadam non occurrit festum duplex, vel semiduplex, vel de octava, quia tunc de hujusmodi feriis fit commemoratio ut dicitur in rubrica de Commemorationibus. Si vero in eis occurrat festum simplex, de eo fit tantum commemoratio. Item per annum fit officium de feria illis diebus, quibus infra hebdomadam in kalendario non ponitur aliquid festum duplex, semiduplex, vel simplex, et non occurrit aliqua octava, vel officium Sanctæ Mariæ in sabbato, vel aliquod festum solemne aut consuetum in aliqua Ecclesia celebrari, quamvis in kalendario hujus Breviarii non sit descriptum.

2. Officium feriæ in Adventu, Quadragesima, Quatuor Temporibus, Vigiliis, et prima die Rogationum, incipit a Matutino; in aliis vero

feriis per annum inde fit de feria, ubi desinit officium præcedentis diei, ita ut si præcedenti die fuerit duplex vel semiduplex, officium feria incipiat sequenti die a Matutino : si præcedenti die fuerit festum simplex, de feria fiat a Vesperis illius præcedentis diei inclusive. Similiter et quando in Feria iv et vj Quatuor Temporum Septembris et in feria iv Cinerum, ac in vigiliis occurrit aliquod festum simplex, de quo fieri debet commemoratio, tunc præcedenti die (nisi fuerit festum novem lectionum) in Vesperis fit de feria, ut in Psalterio, sine precibus cum oratione dominicæ præcedentis, et cum commemoratione festi trium lectionum in sequenti feria occurrenti, ut dicetur infra in rubrica de Concurrentia. Terminatur autem officium de feria subsequente duplici vel semiduplici ad Nonam: subsequente vero simplici, de quo fieri debeat officium, ad capitulum Vesperarum, quia inde fit de festo simplici absque ulla deinceps commemoratione feriæ.

3. Ad Matutinum dicitur unum tantum nocturnum cum xij psalmis, secundum ordinem feriarum in Psalterio, et tribus lectionibus ut in Proprio de Tempore.

4. Excipiuntur ab hoc ordinario officii ferialis tres feriæ majores hebdomadæ sancta et feriæ octavarum Paschæ et Pentecostes, in quibus fit officium, ut in propriis locis ponitur.

5. Quomodo ordinandum sit officium de feria ad Matutinum et alias horas, item de lectionibus et responsoriis, et quando dicendæ sint preces feriales, ac de aliis quæ ad officium feriæ pertinent, habentur inferius de singulis propriæ rubrica.

DE VIGILIIS.

VI.

1. De vigilia fit officium in omnibus vigiliis per annum quæ jejunantur, ubi in kalendario annotatur hæc vox vigilia, nisi in die vigiliæ occurrat festum novem lectionum, vel octava : tunc enim in officio novem lectionum legitur nona lectio de homilia vigilia, et fit commemoratio de ea ad laudes tantum, cum antiphona ad benedictus, et versiculo feria occurrentis de psalterio, et oratione vigiliæ, præterquam in illis festis majoribus, quæ inferius excipiuntur.

2. Si vigilia occurrat in dominica, de ea fit officium in sabbato quod non sit impeditum officio novem lectionum; quia tunc de vigilia fit tantum commemoratio, ut dictum est. Excipitur ab hac regula vigilia Nativitatis et Epiphaniæ Domini; quæ si venerint in dominica, fit de illis, ut in propriis rubricis dicitur. Si autem in vigilia occurrat