HVNC lucum tibi dedico, cousecroque, Priape, Quae domus tua Lampsaciest, quæque silua, Priape. Nam te praecipue in suis vrbibus colit ora Hellespontia, ceteris ostreosior oris.
19. HORTORVM DEVS.
HvNcego, iuuenes, locum, villulamque palustrem,
Tectam vimine iunceo, caricisque maniplis,
Quercus arida, rustica conformata securi,
Nutriui: magis, et magis, vt beata quotannis.
Huius nam Domini colunt me, Deumque salutant, 5
Pauperis tuguri pater, filiusque coloni,
Alter assidua colens diligentia, vt herba
Dumosa, asperaque a meo sit remota sacello :
Alter parua ferens manu semper munera larga.
Florido mihi ponitur picta vere corolla
Primitu, et tenera virens spica mollis arista:
Luteae violae mihi, luteumque papauer,
Pallentesque cuburbitae, et suaue olentia mala,
Vua pampinea rubens, educata sub vmbra.
Sanguine hanc etiam mihi (sed tacebitis) aram
Barbatus limit hirculus, cornipesque capella.
Pro queis omnia honoribus haec necesse Priapo
Praestare, et domini hortulum, vineamque tueri.
Quare hinc, o pueri, malas abstinete rapinas.
Vicinus prope diues est, negligensque Priapus. 20
Inde sumite, semita haec deinde vos feret ipsa.
Edo haec, ego arte fabricata rustica,
Ego arida, o viator, ecce! populus,
Agellulum hunc, sinistra, tute quem vides,
Herique villulam, hortulumque pauperis
Tuor, malasque furis arceo manus.
Mihi corolla picta Vere ponitur:
Mihi rubens arista Sole feruido:
Mihi virente dulcis vua pampino:
Mihique glauca duro oliua frigore.
Meis capella delicata pascuis
In vrbem adulta lacte portat vbera :
Meisque pinguis agnus ex ouilibus
Grauem domum remittit aere dexteram :
Tenerque, matre mugiente, vaccula
Deûm profundit ante templa sanguinem.
Proin', viator, hunc Deum vereberis,
Manumque sorsum habebis. Hoc tibi expedit:
Parata namque crux, sine arte mentula.
Velim pol, inquis: at pol, ecce! villicus
Venit; valente cui reuulsa brachio
Fit ista mentula, apta claua dexterae.
21. AD AVRELIVM.
AVRELI, pater esuritionum,
Non harum modo, sed quot aut fuerunt,
Aut sunt, aut aliis erunt in annis,
Paedicare cupis meos amores;
Nec clam: nam simul es, iocaris vna,
Haeres ad latus, omnia experiris.
Frustra: nam insidias mihi instruentem
Tangam te prior inrumatione.
Atqui, si id faceres satur, tacerem.
Nunc ipsum id doleo, quod esurire
Ah me me puer, et sitire discet.
Quare desine, dum licet pudico:
Ne finem facias, sed inrumatus.
22. AD VARRVM.
SVFFENVS iste, Varre, quem probe nosti,
Homo est venustus, et dicax, et vrbanus,
Idemque longe plurimos facit versus.
Puto esse ego illi millia aut decem, aut plura
Perscripta: nec sic, vt fit, in palimpsesto
Relata; chartae regiae, noui libri,
Noui vmbilici, lora rubra, membrana
Directa plumbo, et pumice omnia aequata.
Haec cum legas, tum bellus ille et vrbanus
Suffenus, vnus caprimulgus, aut fossor
Rursus videtur: tantum abhorret, ac mutat.
Hoc quid putemus esse ? qui modo scurra,
Aut si quid hac re tritius videbatur,
Idem inficeto est inficetior rure,
Simul poemata attigit: neque idem vnquam
Aeque est beatus, ac poema cum scribit :
Tam gaudet in se, tamque se ipse miratur.
Nimirum idem omnes fallimur; neque est quis
Quem non in aliqua re videre Suffenum [quam,
Possis. Suus quoique attributus est error;
Sed non videmus manticae quod in tergo est.
23. AD FVRIVM.
FVRI, quoi neque seruus est, neque arca,
Nec cimex, neque araneus, neque ignis;
Verum est et pater, et nouerca, quorum
Dentes vel silicem comesse possunt :
Est pulchre tibi cum tuo parente,
Et cum coniuge lignea parentis,
Nec mirum: bene nam valetis omnes,
Pulchre concoquitis, nihil timetis :
Non incendia, non graues ruinas,
Non facta impia, non dolos veneni,
Non casus alios periculorum.
Atqui corpora sicciora cornu,
Aut, si quid magis aridum est, habetis,
Quare non tibi sit bene ac beate?
Sole, et frigore, et esuritione.
A te sudor abest, abest saliua,
Cat.
Mucusque, et mala pituita nasi.
Hanc ad munditiem adde mundiorem,
Quod çulus tibi purior salillo est,
Nec toto decies cacas in anno :
Atque id durius est faba, et lapillis:
Quod tu si manibus teras, fricesque,
Non vnquam digitum inquinare possis.
Haec tu commoda tam beata, Furi,
Noli spernere, nec putare parui:
Et sestertia, quae soles, precari
Centum desine; nam sat es beatus.
24. AD JVVEN FIVM PVERVM.
O'Qvi flosculus es Iuuentiorum,
Non horum modo, sed quot aut fuerunt,
Aut posthac aliis erunt in annis,
Mallem divitias mibi dedisses
·Isti, quoi nequé seruus est, neque arca;
Quam sic te sineres ab illo amari.
Qui non est homo bellus? inquies.
Sed bello huic neque seruus est, neque arca.
Haec tu, quam lubet, abiice eleuaque :
Nec seruum tamen ille habet, neque arcam.
CINAEDE Thalle, mollior cuniculi capillo,
Vel auseris medullula, vel imula oricilla,
Vel pene languido senis, situque araneoso :
Idemque Thalle, tubida rapacior procella,
Cum de via mulier ages ostendit oscitantes:
Remitte pallium mihi meum, quod inuolasti,
Sudariumque Setabun, catagraphosque Thynos,
Inepte, quae palam soles habere, tanquam auita.
Quae nunc tuis ab vnguibus reglutina, et remitte;
Ne laneum latusculum, natisque mollicellas,
Inusta turpiter tibi flagella conscribillent,
Et insolenter aestues, velut minuta magno
Deprensa nauis in mari, vesaniente vento.
26. AD FVRIVM.
FVRI, villula nostra nou ad Austri
Flatus opposita est, nec ad Fauonî,
Nec saeui Boreae, aut Apeliotae;
Verum ad millia quindecim et ducentos.
O ventum horribilem atque pestilentem!
27. AD POCILLATOREM PVERVM.
INISTER vetuli, puer, Falerni,
Inger mî calices amariores,
Vt lex Posthumiae iubet magistrae,
Ebriosa acina ebriosioris.
At vos, quo lubet, hinc abite, lymphae,
Vini pernicies, et ad seueros
Migrate hic inerus est Thyonianus.
28. AD VERANNIVM ET FABVLLVM.
PISONIS Comites, cohors inanis,
Aptis sarcinulis et expeditis,
Veranni optime, tuque, mi Fabulle,
Quid rerum geritis? satisne cum isto
Vappa, frigoraque et famem tulistis?
Ecquidnam in tabulis patet lacelli
Expensum? vt mihi, qui meum secutus
Praetorem, refero datum lucello:
O Memmi, bene me, ac dia supinum
Tota ista trabe lentus inrumasti.
Sed, quantum video, pari. fuistis.
Casu nam hilo minore verpa
Farti estis. Pete nobiles amicos,
At vobis mala multa Dii Deaeque
Dent, opprobria Romuli Remique..
|