Hac arte Pollux et vagus Hercules Enisus arces attigit igneas:
Quos inter Augustus recumbens Purpureo bibet ore nectar.
Hac te merentem, Bacche pater, tuae Vexere tigres, indocili jugum Collo trahentes. Hac Quirinus Martis equis Acheronta fugit,
Gratum eloquuta consiliantibus Junone divis:,,Ilion, Ilion
Fatalis incestusque judex Et mulier peregrina vertit In pulverem, ex quo destituit deos Mercede pacta Laomedon, mihi Castaeque damnatum Minervae Cum populo et duce fraudulento.
25 Jam nec Lacaenae splendet adulterae Famosus hospes nec Priami domus Perjura pugnaces Achivos Hectoreis opibus refringit;
Nostrisque ductum seditionibus 30 Bellum resedit. Protinus et graves Iras et invisum nepotem,
Fulgens, triumphatisque possit Roma ferox dare jura Medis.
45 Horrenda late nomen in ultimas Extendat oras, qua medius liquor Secernit Europen ab Afro,
Qua tumidus rigat arva Nilus: Aurum irrepertum et sic melius situm, 50 Quum terra celat, spernere fortior, Quam cogere humanos in usus Omne sacrum rapiente dextra. Quicunque mundo terminus obstitit, Hunc tanget armis, visere gestiens, Qua parte debacchentur ignes, Qua nebulae pluviique rores.
Sed bellicosis fata Quiritibus Hac lege dico: ne nimium pii Rebusque fidentes avitae
Tecta velint reparare Trojae. Trojae renascens alite lugubri Fortuna tristi clade iterabitur, Ducente victrices catervas Conjuge me Jovis et sorore.
65 Ter si resurgat murus aheneus Auctore Phoebo, ter pereat meis Excisus Argivis, ter uxor
Capta virum puerosque ploret. Non hoc jocosae conveniet lyrae. 70 Quo, Musa, tendis? Desine pervicax Referre sermones deorum et Magna modis tenuare parvis.
ODE IV.
CALLIOPE N.
Descénde coélo et díc, age, tíbia Regina longum Calliope melos,
68. haec convenient, conveniunt.
Seu vóce núnc mavís, acúta,
Seú fidibús citharáque Phoébi.
5 Auditis? an me ludit amabilis Insania? Audire et videor pios Errare per lucos, amoenae
Quos et aquae subeunt et aurae. Me fabulosae Vulture in Apulo, 10 Altricis extra limen Apuliae Ludo fatigatumque somno, Fronde nova puerum palumbes Texere: mirum quod foret omnibus, Quicunque celsae nidum Acheronti.e Saltusque Bantinos et arvum Pingue tenent humilis Forenti,
Ut tuto ab atris corpore viperis Dormirem et ursis, ut premerer sacra Lauroque collataque myrto,
Non sine dis animosus infans. Vester, Camenae, vester in arduos Tollor Sabinos, seu mihi frigidum Praeneste seu Tibur supinum Seu liquidae placuere Bajae.
Vestris amicum fontibus et choris, Non me Philippis versa acies retro, Devota non exstinxit arbos,
Nec Sicula Palinurus unda.
Utcunque mecum vos eritis, libens 30 Insanientem navita Bosporum Tentabo et arentes arenas Litoris Assyri viator;
Visam Britannos hospitibus feros Et laetum equino sanguine Concanum; Visam pharetratos Gelonos
Et Scythicum inviolatus amnem.
Vos Caesarem altum, militia simul Fessas cohortes abdidit oppidis, Finire quaerentem labores, Pierio recreatis antro.
Vos lene consilium et datis et dato Gaudetis, almae. Scimus, ut impios Titanas immanemque turmam Fulmine sustulerit caduco,
45 Qui terram inertem, qui mare temperat Ventosum et urbes regnaque tristia, Divosque mortalesque turbas Imperio regit unus aequo.
Magnum illa terrorem intulerat Jovi 50 Fidens juventus horrida brachiis, Fratresque tendentes opaco Pelion imposuisse Olympo.
Sed quid Typhoeus et validus Mimas, Aut quid minaci Porphyrion statu, Quid Rhoetus evulsisque truncis Enceladus jaculator audax
Contra sonantem Palladis aegida Possent ruentes? Hinc avidus stetit Vulcanus, hinc matrona Juno et
Nunquam humeris positurus arcum,
Qui rore puro Castaliae lavit Crines solutos, qui Lyciae tenet Dumeta natalemque silvam, Delius et Patareus Apollo.
65 Vis consili expers mole ruit sua: Vim temperatam di quoque provehunt In majus; idem odere vires
Omne nefas animo moventes.
Testis mearum centimanus Gigas 70 Sententiarum, notus et integrae
Tentator Orion Dianae,
Virginea domitus sagitta.
Injecta monstris Terra dolet suis Maeretque partus fulmine luridum Missos ad Orcum, nec peredit Impositam celer ignis Aetnam; Incontinentis nec Tityi jecur Reliquit ales, nequitiae additus Custos; amatorem trecentae Pirithoum cohibent catenae.
IN LAUDEM CAESARIS AUGUSTI
Coeló tonántem crédidimús Jovem Regnare: praesens Divus habebitur Augústus ádjectís Británnis Imperió gravibúsque Pérsis.
5 Milesne Crassi conjuge barbara Turpis maritus vixit? et hostium Pro Curia inversique mores! - Consenuit socerorum in armis
Sub rege Medo Marsus et Apulus, 10 Anciliorum et nominis et togae Oblitus aeternaeque Vestae,
« PredošláPokračovať » |