Direpta vidi; vidi ego civium Retorta tergo brachia libero, Portasque non clausas et arva Marte coli populata nostro.
25 Auro repensus scilicet acrior Miles redibit! Flagitio additis Damnum. Neque amissos colores Lana refert medicata fuco :
Nec vera virtus, quum semel excidit, 30 Curat reponi deterioribus. Si pugnat extricata densis Cerva plagis, erit ille fortis, Qui perfidis se credidit hostibus; Et Marte Poenos proteret altero, Qui lora restrictis lacertis
Sensit iners timuitque mortem. Hic, unde vitam sumeret, inscius, Pacem duello miscuit. O pudor! O magna Carthago, probrosis Altior Italiae ruinis!"
Fertur pudicae conjugis osculum Parvosque natos, ut capitis minor, Ab se removisse et virilem Torvus humi posuisse vultum:
45 Donec labantes consilio Patres Firmaret auctor nunquam alias dato, Interque maerentes amicos Egregius properaret exsul.
Atqui sciebat, quae sibi barbarus 50 Tortor pararet; non aliter tamen Dimovit obstantes propinquos Et populum reditus morantem, Quam si clientum longa negotia, Dijudicata lite, relinqueret,
Tendens Venafranos in agros
Aut Lacedaemonium Tarentum.
O DE VI.
AD ROMANO S.
Delicta májorum ímmeritús lues, Romane, donec templa refeceris Aedésque lábentés deórum et Foéda nigró simulácra fúmo.
5 Dis te minorem quod geris, imperas : Hinc omne principium, huc refer exitum. Di multa neglecti dederunt Hesperiae mala luctuosae.
Jam bis Monaeses et Pacori manus 10 Non auspicatos contudit impetus Nostros, et adjecisse praedam Torquibus exiguis renidet.
Paene occupatam seditionibus Delevit Urbem Dacus et Aethiops, Hic classe formidatus, ille
Missilibus melior sagittis.
Fecunda culpae saecula nuptias Primum inquinavere et genus et domos: Hoc fonte derivata clades
In patriam populumque fluxit.
Motus doceri gaudet Ionicos Matura virgo et fingitur artibus Jam nunc et incestos amores De tenero meditatur ungui... 25 Non his juventus orta parentibus Infecit aequor sanguine Punico, Pyrrhumque et ingentem cecidit Antiochum Hannibalemque dirum.
Sed rusticorum mascula militum 30 Proles, Sabellis docta ligonibus Versare glebas et severae
Matris ad arbitrium recisos Portare fustes, sol ubi montium Mutaret umbras et juga demeret Bobus fatigatis, amicum
Tempus agens abeunte curru. Damnosa quid non imminuit dies? Aetas parentum, pejor avis, tulit Nos nequiores, mox daturos Progeniem vitiosiorem.
ODE VIII.
AD MAECENATEM.
Mártiís caelébs quid agám Caléndis, Quid velint flores et acerra thuris Plena, miraris, positusque carbo in Céspite vívo,
5 Docte sermones utriusque linguae! Voveram dulces epulas et album Libero caprum, prope funeratus Arboris ictu.
Hic dies anno redeunte festus 10 Corticem adstrictum pice dimovebit Amphorae, fumum bibere institutae Consule Tullo.
Sume, Maecenas, cyathos amici Sospitis centum, et vigiles lucernas 15 Perfer in lucem. Procul omnis esto Clamor et ira.
Servit Hispanae vetus hostis orae Cantaber sera domitus catena; Jam Scythae laxo meditantur arcu Cedere campis.
25 Negligens, ne qua populus laboret, Parce privatus nimium cavere; Dona praesentis cape laetus horae, Linque severa.
Miserárum est, neque amóri dare lúdum neque dúlci Mala víno lavere, aút exanimári metuéntes
Tibi qualum Cythereae puer ales, tibi telas 5 Operosaeque Minervae studium aufert, Neobule, Liparaei nitor Hebri,
Simul unctos Tiberinis humeros lavit in undis, Eques ipso melior Bellerophonte, neque pugno Neque segni pede victus,
10 Catus idem per apertum fugientes agitato Grege cervos jaculari, et celer arto latitantem Fruticeto excipere aprum.
ODE XIII.
AD FONTEM BANDUSIAE.
fons Bándusiaé, spléndidiór vitro, Dulci digne mero, non sine floribus, Crás donáberis haédo,
Cuí frons túrgida córnibus
Primis et venerem et proelia destinat; Frustra: nam gelidos inficiet tibi Rubro sanguine rivos Lascivi suboles gregis.
Te flagrantis atrox hora Caniculae 10 Nescit tangere; tu frigus amabile Fessis vomere tauris
Praebes et pecori vago.
Fies nobilium tu quoque fontium, Me dicente cavis impositam ilicem Saxis, unde loquaces Lymphae desiliunt tuae.
ODE XVI.
AD MAECENATEM.
Inclusám Danaén túrris ahénea Robustaeque fores et vigilum canum Tristes excubiae munierant satis Nocturnís ab adúlteris,
5 Si non Acrisium, virginis abditae Custodem pavidum, Juppiter et Venus Risissent: fore enim tutum iter et patens Converso in pretium deo.
Aurum per medios ire satellites 10 Et perrumpere amat saxa, potentius Ictu fulmineo. Concidit auguris Argivi domus, ob lucrum
Demersa exitio; diffidit urbium Portas vir Macedo et subruit aemulos 15 Reges muneribus; munera navium Saevos illaqueant duces.
Crescentem sequitur cura pecuniam Majorumque fames. Jure perhorrui Late conspicuum tollere verticem, Maecenas, equitum decus.
Quanto quisque sibi plura negaverit, Ab dis plura feret. Nil cupientium Nudus castra peto, et transfuga divitum Partes linquere gestio;
« PredošláPokračovať » |