sic Jovi gratum – domo,

Beate Maecenas, bibam,

5 Sonante mixtum tibiis carmen lyra,
Hac Dorium, illis barbarum,

10

Ut nuper, actus quum freto Neptunius
Dux fugit ustis navibus,

Minatus Urbi vincla, quae detraxerat
Servis amicus perfidis?

Romanus, eheu! - posteri negabitis -
Emancipatus feminae,

Fert vallum et arma miles et spadonibus
Servire rugosis potest,

15 Interque signa turpe militaria
Sol adspicit conopeum!

20

At huc frementes verterunt bis mille equos
Galli, canentes Caesarem,
Hostiliumque navium portu latent
Puppes sinistrorsum citae.

Io triumphe! tu moraris aureos
Currus et intactas boves?

Io triumphe! nec Jugurthino parem
Bello reportasti ducem,

25 Neque Africanum, cui super Carthaginem Virtus sepulcrum condidit.

30

Terra marique victus hostis punico
Lugubre mutavit sagum.

Aut ille centum nobilem Cretam urbibus,

Ventis iturus non suis,

Exercitatas aut petit Syrtes Noto,

Aut fertur incerto mari.

Capaciores affer huc, puer, scyphos

Et Chia vina aut Lesbia;

35 Vel, quod fluentem nauseam coerceat,
Metire nobis Caecubum.

Curam metumque Caesaris rerum juvat
Dulci Lyaeo solvere.

17. Ad hunc. (,,at hoc" Conjectur.)

EPODOS X.

IN MAEVIUM POETAM.

Mala soluta navis exit alite,

Ferens olentem Maevium.

Ut horridis utrumque verberes latus,
Auster, memento fluctibus!

5 Niger rudentes Eurus inverso mari
Fractosque remos differat;

10

Insurgat Aquilo, quantus altis montibus
Frangit trementes ilices;

Nec sidus atra nocte amicum appareat,
Qua tristis Orion cadit;
Quietiore nec feratur aequore,
Quam Graja victorum manus,
Quum Pallas usto vertit iram ab Ilio
In impiam Ajacis ratem.

15 O quantus instat navitis sudor tuis,
Tibique pallor luteus

20

Et illa non virilis ejulatio,

Preces et aversum ad Jovem,
lonius udo quum remugiens sinus
Noto carinam ruperit!

Opima quodsi praeda curvo litore
Porrecta mergos juverit,
Libidinosus immolabitur caper
Et agna Tempestatibus.

EPODOS XIII.

AD AMICOS.

Hórrida témpestás coelúm contraxit, et ímbres
Nivésque déducúnt Jovém; núnc mare, núnc siluaé
Thréició Aquilóne sonánt. Rapiámus, amíci,
Occásiónem dé dié, dúmque vírént genuá
5 Et decet, obducta solvatur fronte senectus.

Tu vina Torquato move consule pressa meo.
Cetera mitte loqui: deus haec fortasse benigna
Reducet in sedem vice. Nunc et Achaemenio
22. juveris.

10

Perfundi nardo juvat et fide Cyllenea Levare diris pectora sollicitudinibus, Nobilis ut grandi cecinit Centaurus alumno: ,,Invicte mortalis dea nate puer Thetide, Te manet Assaraci tellus, quam frigida parvi Findunt Scamandri flumina lubricus et Simois, 15 Unde tibi reditum certo subtemine Parcae

Rupere, nec mater domum caerula te revehet. Illic omne malum vino cantuque levato, Deformis aegrimoniae dulcibus alloquiis."

EPODOS XVI.

AD POPULUM ROMANUM.

\ltera jám teritúr bellís civílibus aétas,
Suís et ípsa Róma víribús ruit.

Quam neque finitimi valuerunt perdere Marsi
Minacis aut Etrusca Porsenae manus,

5 Aemula nec virtus Capuae, nec Spartacus acer,
Novisque rebus infidelis Allobrox,
Nec fera caerulea domuit Germania pube
Parentibusque abominatus Hannibal:
Impia perdemus devoti sanguinis aetas,
Ferisque rursus occupabitur solum.
Barbarus, heu! cineres insistet victor, et urbem
Eques sonante verberabit ungula,

10

Quaeque carent ventis et solibus ossa Quirini
(Nefas videre) dissipabit insolens.

15 Forte, quid expediat, communiter aut melior pars Malis carere quaeritis laboribus?

20

Nulla sit hac potior sententia: Phocaeorum
Velut profugit exsecrata civitas

Agros atque Lares patrios habitandaque fana
Apris reliquit et rapacibus lupis,

Ire, pedes quocunque ferent, quocunque per undas
Notus vocabit aut protervus Africus.

Sic placet? an melius quis habet suadere? Secunda
Ratem occupare quid moramur alite?

XIII, 13. für parvi allerlei unnütze Conjecturen.

25 Sed juremus in haec: simul imis saxa renarint Vadis levata. ne redire sit nefas;

30

Neu conversa domum pigeat dare lintea, quando
Padus Matina laverit cacumina,

In mare seu celsus procurrerit Apenninus,
Ametque salsa levis hircus aequora.

Haec et quae poterunt reditus abscindere dulces
Eamus omnis exsecrata civitas,

Aut

pars indocili melior grege. Mcllis et exspes Inominata perprimat cubilia :

35 Vos, quibus est virtus, muliebrem tollite luctum, Etrusca praeter et volate litora.

40

45

50

55

60

Nos manet Oceanus circum vagus arva beata,
Petamus arva divites et insulas:

Reddit ubi Cererem tellus inarata quotannis
Et inputata floret usque vinea,

Germinat et nunquam fallentis termes olivae
Suamque pulla ficus ornat arborem,

Mella cava manant ex ilice, montibus altis
Levis crepante lympha desilit pede.
Illic injussae veniunt ad mulctra capellae
Refertque tenta grex amicus ubera;
Nec vespertinus circumgemit ursus ovile,
Neque intumescit alta viperis humus.
Pluraque felices mirabimur: ut neque largis
Aquosus Eurus arva radat imbribus,
Pinguia nec siccis urantur semina glebis,
Utrumque rege temperante coelitum.
Non huc Argoo contendit remige pinus,
Neque impudica Colchis intulit pedem ;
Non huc Sidonii torserunt cornua nautae,
Laboriosa nec cohors Ulixei.

Nulla nocent pecori contagia, nullius astri
Gregem aestuosa torret impotentia.
Juppiter illa piae secrevit litora genti,
Ut inquinavit aere tempus aureum;
Aerea dehinc ferro duravit saecula, quorum
Piis secunda, vate me, datur fuga.

SATIRAR UM

LIBER PRIMUS.

SATIRA I.

AD MAECENATEM.

Cur nemo sua sorte contentus.

Qui fit, Maecenas, ut nemo, quam sibi sortem Seu ratio dederit seu fors objecerit, illa Contentus vivat, laudet diversa sequentes? ,,O fortunati mercatores!" gravis annis 5 Miles ait, multo jam fractus membra labore. Contra mercator, navim jactantibus austris,

Militia est potior. Quid enim? concurritur: horae Momento cita mors venit aut victoria laeta." Agricolam laudat juris legumque peritus,

10 Sub galli cantum consultor ubi ostia pulsat.

Ille, datis vadibus qui rure extractus in urbem est,
Solos felices viventes clamat in urbe.

Cetera de genere hoc, adeo sunt multa, loquacem
Delassare valent Fabium. Ne te morer, audi,

15 Quo rem deducam. Si quis deus,,,En ego," dicat, ,,Jam faciam quod vultis: eris tu, qui modo miles, Mercator; tu, consultus modo, rusticus; hinc vos, Vos hinc mutatis discedite partibus. Eia!

Quid statis?" nolint. Atqui licet esse beatis. 20 Quid causae est, merito quin illis Juppiter ambas Iratus buccas inflet, neque se fore posthac Tam facilem dicat, votis ut praebeat aurem ? Praeterea, ne sic, ut qui jocularia, ridens Percurram - quamquam ridentem dicere verum 25 Quid vetat? ut pueris olim dant crustula blandi Doctores, elementa velint ut discere prima Sed tamen amoto quaeramus seria ludo. Ille, gravem duro terram qui vertit aratro, Perfidus hic caupo, miles, nautaeque per omne 4. armis blosse Conjectur. 19. nolent. nolunt. Latein-Dichter. III.

7