JOCKEY'S TAEN THE PARTING KISS.

Written to the tune and in the manner of the old song, beginning"Come kiss wi' me, come clap wi' me,

An' sail nae mair the saut,1 saut sea."

JOCKEY 's taen the parting kiss,
Owre the mountains he is gane,
And with him is a' my bliss,

Naught but griefs with me remain.
Spare my love, ye winds that blaw,
Plashy sleets and beating rain!
Spare my love, thou feathery snaw,
Drifting owre the frozen plain!
When the shades of evening creep
Owre the day's fair, gladsome ee,
Sound and safely may he sleep,
Sweetly blythe his waukening be!
He will think on her he loves,
Fondly he'll repeat her name;
For where'er he distant roves,
Jockey's heart is still at hame.

THE BONNIE LAD THAT'S FAR AWA.

The original song to the tune of which the following is written, will be found in a volume of songs printed at Edinburgh, about 1670, black-letter. beginning

'The Elphin Knight sits on yon hill,

Ba, ba, ba, lilli ba,

He blew his horn baith loud an' shrill,
The wind has blawn my plaid awa.'
TUNE-Owre the hills and far awa.

On how can I be blythe and glad,
Or how can I gang brisk and braw,"
When the bonnie lad that I lo❜e best
Is owre the hills and far awa?
It's no the frosty winter wind,
It's no the driving drift and snaw;
But ay the tear comes in my ee,
To think o' him that's far awa.

1 Salt.-2 Fine.

My father pat' me frae' his door,
My friends they hae disown'd me a';
But I hae ane will tak my part,

The bonnie lad that's far awa.

A pair o' gloves he gave to me,
And silken snoods3 he gave me twa;
And I will wear them for his sake,
The bonnie lad that's far awa.

The weary winter soon will pass,

And spring will cleed' the birken shaw;5
And my sweet babie will be born,

And he 'll come hame that's far awa.

GREEN GROW THE RASHES.

This is the first song that Burns contributed to Johnson's Museum of Scottish Songs, a work of great merit, extending to five 8vo. volumes, commenced in 1787, and concluded in 1794. Besides many original contributions to that work, upwards of one hundred and fifty of the old songs and ballads inserted in it bear traces of his hand

Green grow the rashes, O!

Green grow the rashes, O!

The sweetest hours that e'er I spend
Are spent amang the lasses, O! ·

THERE's naught but care on every han',
In every hour that passes, O;
What signifies the life o' man,
An' 'twere na for the lasses, O!
Green grow, &c.

The warly race may riches chase,
And riches still will fly them, 0;
And tho' at last they catch them fast,
Their hearts can ne'er enjoy them, O!
Green grow, &c.

But gie' me a cannies hour at e'en,
My arms about my dearie, O;
An' warly cares, an' warly men,
May a' gae tapsalteerie, O!
Green grow, &c.

1 Put.-2 From.-3 Ribbons for binding the hair.-4 Clothe.-5 Small wood Worldly.-7 Give.-8 Convenient.-9 Topsy-turvy.

For you sae douce,1 ye sneer at this,
Ye're naught but senseless asses, O;
The wisest man the warl' e'er saw,
He dearly loved the lasses, O!
Green grow, &c.

Auld Nature swears, the lovely dears,
Her noblest work she classes, O;
Her 'prentice han' she tried on man,
And then she made the lasses, O!
Green grow, &c.

BONNIE ANN.

Burns composed this song out of compliment to Miss Ann Masterton, daughter of his friend Allan Masterton, author of the air of "Strathallan's Lament" Willie brewed a peck o' maut," &c.

YE gallants bright I red you right,
Beware o' bonnie Ann;

Her comely face sae fu' o' grace,
Your heart she will trepan.

Her een sae bright, like stars by night,
Her skin is like the swan;
Sae gimply laced her genty' waist,
That sweetly ye might span.

Youth, grace, and love, attendant move,
And pleasure leads the van:

In a' their charms, and conquering arms,
They wait on bonnie Ann.

The captive bands may chain the hands,
But love enslaves the man;

Ye gallants braw, I red you a',
Beware o' bonnie Ann.

UP IN THE MORNING EARLY.

The chorus of this song is old.

Up in the morning's no for me,
Up in the morning early;
When a' the hills are cover'd wisnaw,
I'm sure it's winter fairly.

1 Sober, prudent.-2 Counsel.-3 Elegantly formed.

CAULD blaws the wind frae east to west,
The drift' is driving sairly;

Sae loud and shill 's' I hear the blast
I'm sure it's winter fairly.

Up in the morning, &c.

The birds sit chittering in the thorn,
A' day they fare but sparely;
And lang's the night frae e'en to morn,
I'm sure it's winter fairly.

Up in the morning,

&c.

MY NANNIE, O.

In the earliest editions of this song the Stinchar was said to be Nannie's native stream; but afterwards the Poet replaced it with Lugar, for what reason he has not told us. Perhaps he had a similar one for changing his own name from Burness to Burns.

BEHIND yon hills where Lugar flows,
'Mang moors and mosses many, 0,
The wintry sun the day has closed,
And I'll awa to Nannie, O.

The westlin' wind blaws loud an' shill;
The night's baith mirk3 and rainy, O;
But I'll get my plaid, an' out I'll steal,
An' owre the hills to Nannie, O.

My Nannie's charming, sweet, an' young;
Nae artfu' wiles to win ye, O;
May ill befa' the flattering tongue
That wad beguile my Nannie, O;
Her face is fair, her heart is true,
As spotless as she 's bonnie, O;
The opening gowan wet wi' dew,
Nae purer is than Nannie, O.

A country lad is my degree,

An' few there be that ken me,
But what care I how few they be,
I'm welcome ay to Nannie, O.

0;

1 Drifted snow.--2 Shrill.-3 Dark.-4 Wild daisy." Know

My riches a''s my penny-fee,'
And I maun guide it cannie,' O;
But warl's gear3 ne'er troubles me,
My thoughts are a' my Nannie, O.
Our auld gudeman delights to view
His sheep an' kye thrive bonnie, O;
But I'm as blythe that hauds his pleugh,
An' has nae care but Nannie, O.
Come weal, come woe, I care na by,
I'll tak what Heaven will sen' me, O;
Nae ither care in life hae I,

But live, an' love my Nannie, O.

OH WHISTLE, AND I'LL COME TO YOU, MY LAD.

The humor and fancy of "Whistle, an' I'll come to you, my lad," will render it nearly as great a favorite as Duncan Gray. These songs of yours will descend with the music to the latest posterity.-Thomson to Burns.

Oh whistle, and I'll come to you, my lad,
Oh whistle, and I'll come to you, my lad,
Tho' father and mither and a' should gae mad,
Oh whistle, and I'll come to you, my lad.

BUT warily tent, when ye come to court me,
And come na unless the back-yett be a-jee;
Syne up the back-style, and let naebody see,
And come as ye were na comin' to me:
And come as ye were na comin' to me.
Oh whistle, &c.

At kirk, or at market, whene'er ye meet me,
Gang by me as though that ye cared na a flee:
But steal me a blink o' your bonnie black ee,
Yet look as ye were na looking at me:
Yet look as ye were na looking at me.
Oh whistle, &c.

Ay vow and protest that ye care na for me,
And whiles ye may lightly' my beauty a wee;

1 The wages earned and paid half-yearly, or yearly, to servants.- Dexterously. Worldly riches.-4 Heed.-5 Gate.-6 Then.-7 Sneer at8 Little.