The lee-lang night we watch'd the fauld,
Me and my faithfu' doggie;

We heard naught but the roaring linn,
Amang the braes sae scroggie;
But the houlet cried frae the castle wa',
The blitter frae the boggie,
The tod replied upon the hill,

I trembled for my Hoggie.
When day did daw, and cocks did craw,
The morning it was foggie;
An' unco tyke lap o'er the dyke,
And maist has kill'd my Hoggie.

HER DADDIE FORBAD.

Some of these verses are by Burns, and part from a humorous old Ballad, "Jumpin' John o' the green."

TUNE-Jumpin' John.

HER daddie' forbad, her minnie2 forbad;

Forbidden she wadna be:

She wadna trow't, the browst she brew'd
Wad taste sae bitterlie.

The lang lad they ca' Jumpin' John,
Beguiled the bonnie lassie,
The lang lad they ca' Jumpin' John,
Beguiled the bonnie lassie.

A cow and a cauf, a yowe and a hauf,
And thretty gude shillin's and three;
A vera gude tocher, a cotter-man's dochter,
The lass with the bonnie black e'e.

The lang lad, &c.

HEY, THE DUSTY MILLER.

This is a cheerful air, and was formerly played as a single hornpipe in the Scottish dancing-schools; the words are altered from an old song.

TUNE-The Dusty Miller.

HEY, the dusty miller,
And his dusty coat;
He will win a shilling,

Or he spend a groat.

1 Father.-2 Mother.-3 Would not.-4 Dowry.

Dusty was the coat,

Dusty was the color,
Dusty was the kiss

That I got frae the miller.

Hey, the dusty miller,
And his dusty sack;
Leeze me on the calling
Fills the dusty peck.
Fills the dusty peck,
Brings the dusty siller;
I wad gie my coatie
For the dusty miller.

THERE WAS A LASS.

Te old song of this name, sung to the tune of "You'll ay be welcome back again," is much inferior to the present in wit and delicacy.

TUNE-Duncan Davison.

THERE was a lass, they ca'd her Meg,
And she held o'er the moors to spin;
There was a lad that follow'd her,
They ca'd him Duncan Davison.
The moor was driegh,' and Meg was skiegh,"
Her favor Duncan could na win;
For wi' the roke she wad him knock,
And ay she shook the temper-pin.

As o'er the moor they lightly foor,

A burn was clear, a glen was green,
Upon the banks they eased their shanks,
And ay she set the wheel between:
But Duncan swore a haly aith,*

That Meg should be a bride the morn;
Then Meg took up her spinnin' graith,
And flung them a' out o'er the burn.
We'll big a house-a wee, wee house,
And we will live like king and queen,
Sae blythe and merry we will be

When ye set by the wheel at e'en.

1 Dreary.-2 Proud.-3 Legs.-4 A holy oath.

A man may drink and no be drunk;
A man may fight and no be slain;
A man may kiss a bonnie lass,

And ay be welcome back again.

WEARY FA' YOU, DUNCAN GRAY.

Of this the Poet says, "It is that kind of light-horse gallop of an air which precludes sentiment. The ludicrous is its ruling feature." Another version will be found at page 366.

TUNE-Duncan Gray.

WEARY fa' you, Duncan Gray-
Ha, ha, the girdin o't!

Wae gae by you, Duncan Gray—
Ha, ha, the girdin o't!

When a' the lave gae to their play,
Then I maun sit the lee-lang day,
And jog the cradle wi' my tae,
And a' for the girdin o't.

Bonnie was the Lammas moon--
Ha, ha, the girdin o't!
Glowrin' a' the hills aboon-

Ha, ha, the girdin o't!

The girdin brak, the beast cam down,
I tint my curch, and baith my shoon;
Ah! Duncan, ye 're an unco loon-
Wae on the bad girdin o't!

But, Duncan, gin ye 'll keep your aith—
Ha, ha, the girdin o't!

I'se bless you wi' my hindmost breath

Ha, ha, the girdin o't!

Duncan, gin ye 'll keep your aith,

The beast again can bear us baith,

And auld Mess John will mend the skaith,
And clout the bad girdin o't.

LANDLADY, COUNT THE LAWIN.

The two first verses are by Burns: the last is taken from an old song.

TUNE-Hey tutti, taiti.

LANDLADY, count the lawin,'
The day is near the dawin;2
Ye 're a' blind drunk, boys,
And I'm but jolly fou.'

Hey tutti, taiti,
How tutti, taiti-
Wha's fou now?

Cog an' ye were ay fou,
Cog an' ye were ay fou,
I wad sit and sing to you
If ye were ay fou.

Weel may ye a' be!
Ill may we never see!
God bless the king, boys,
And the companie!
Hey tutti, &c.

THE BLUDE RED ROSE AT YULE MAY BLAW.

The sentiment is taken from a Jacobite song of the same name.
TUNE-To daunton me.

THE blude red rose at Yule may blaw,"
The simmer lilies bloom in snaw,"
The frost may freeze the deepest sea;
But an auld man shall never daunton' me.

To daunton me, and me sae young,
Wi' his fause heart and flattering tongue,
That is the thing you ne'er shall see;

For an auld man shall never daunton me.

Reckoning. Dawn.-3 Tipsy. Blood. 5 Blow.--6 Snow. ▾ Fondle.

For a' his meal and a' his maut,
For a' his fresh beef and his saut,
For a' his gold and white monie,
An auld man shall never daunton me.

His gear may buy him kye and yowes,
His gear may buy him glens and knowes;
But me he shall not buy nor fee,

For an auld man shall never daunton me.

He hirples twa fauld as he dow,

Wi' his teethless gab' and his auld beld pow,
And the rain rains down frae his red bleer'd ee-
That auld man shall never daunton me.
To daunton me, &c.

COME BOAT ME O'ER TO CHARLIE.

Some of these lines are old; the second and most of the third stanza are original 1

TUNE-O'er the water to Charlie.

COME boat me o'er, come row me o'er,
Come boat me o'er to Charlie;
I'll gie John Ross another bawbee,
To boat me o'er to Charlie.

We'll o'er the water and o'er the sea,
We'll o'er the water to Charlie;
Come weal, come woe, we'll gather and go,
And live or die wi' Charlie.

I lo'e weel my Charlie's name,
Tho' some there be abhor him:
But oh, to see auld Nick gaun hame,
And Charlie's faes before him!

I swear and vow by moon and stars,
And sun that shines sae early,
If I had twenty thousand lives
I'd die as aft for Charlie.

We'll o'er the water, &c.

Speech. 2 Bald head.