Unguentarius, ac Tusci turba impia vici,
Cum scurris fartor, cum Velabro omne macellum,
Mane domum veniant. Quid tum? Venere frequentes, 230 Verba facit leno, Quicquid mihi, quicquid et horum Cuique domi est, id crede tuum : et vel nunc pete, vel cras. Accipe quid contra juvenis responderit æquus;
In nive Lucana dormis ocreatus, ut aprum
Conem ego; tu pisces hiberno ex æquore vellis;
Segnis ego, indignus qui tantum possideam: aufer! Sume tibi decies; tibi tantundem; tibi triplex, Unde uxor media currit de nocte citata. Filius Æsopi detractam ex aure Metellæ, Scilicet ut decies solidûm exsorberet, aceto
Quorsum abeant? sanin' creta, an carbone notandi ? Edificare casas, plostello adjungere mures,
Ludere par impar, equitare in arundine longa,
Si quem delectet barbatum, amentia verset.
Si puerilius his, ratio esse evincet, amare;
Nec quidquam differre, utrumne in pulvere, trimus Quale prius, ludas opus, an meretricis amore Solicitus plores: quæro, faciasne quod olim
Mutatus Polemon? ponas insignia morbi, Fasciolas, cubital, focalia, potus ut ille
Dicitur ex collo furtim carpsisse coronas,
Postquam est impransi correptus voce magistri ? Porrigis irato puero cum poma, recusat : Sume, Catelle; negat: si non des, optat. Amator Exclusus quî distat, agit ubi secum, eat, an non, Quo rediturus erat non arcessitus, et hæret Invisis foribus ? Ne nunc, cum me vocat ultro, Accedam? an potius mediter finire dolores?
Exclusit, revocat: redeam? non, si obsecret.
Servus, non paulo sapientior; O here, quæ res Nec modum habet, neque consilium, ratione modoque Tractari non vult: in amore hæc sunt mala; bellum, Pax rursum; hæc siquis tempestatis prope ritu Mobilia, et cæca fluitantia sorte, laboret Reddere certa sibi, nihilo plus explicet, ac si Insanire paret certa ratione modoque.
Quid? cum Picenis excerpens semina pomís,
Gaudes si cameram percusti forte, penes te es?
Quid? cum balba feris annoso verba palato,
Edificante casas quî sanior? Adde cruorem
Stultitiæ, atque ignem gladio scrutare: modo, inquam, Hellade percussa Marius cum præcipitât se,
Cerritus fuit? an commotæ crimine mentis
Absolves hominem, et sceleris damnabis eundem,
Ex more imponens cognata vocabula rebus ?
Libertinus erat, qui circum compita siccus Lautis mane senex manibus currebat: et, Unum
(Quid tam magnum? addens) unum me surpite morti, Diis etenim facile est, orabat; sanus utrisque Auribus atque oculis; mentem, nisi litigiosus, Exciperet dominus cum venderet: hoc quoque vulgus Chrysippus ponit fœcunda in gente Menenî. Jupiter, ingentes qui das adimisque dolores, Mater ait pueri menses jam quinque cubantis, Frigida si puerum quartana reliquerit, illo Mane die quo tu indicis jejunia, nudus In Tiberi stabit: casus medicusve levârit Ægrum ex præcipiti, mater delira necabit In gelida fixum ripa, febrimque reducet: Quone malo mentem concussa? timore Deorum. Hæc mihi Stertinius sapientum octavus amico Arma dedit, posthac ne compellarer inultus. Dixerit insanum qui me, totidem audiet; atque Respicere ignoto discet pendentia tergo.
Stoice, post damnum sic vendas omnia pluris : Qua me stultitia (quoniam non est genus unum) Insanire putas? ego nam videor mihi sanus. ¶ Quid, caput abscissum demens cum portat Agave Gnati infelicis, sibi tum furiosa videtur ?
¶ Stultum me fateor (liceat concedere veris) Atque etiam insanum; tantum hoc edissere, quò mé Ægrotare putes animi vitio. ¶ Accipe; primum Ædificas, hoc est, longos imitaris, ab imo
Ad summum totus moduli bipedalis; et idem Corpore majorem rides Turbonis in armis Spiritum et incessum: quî ridiculus minus illo?
An quodcunque facit Mæcenas, te quoque verum est, Tanto dissimilem, et tanto certare minorem? Absentis ranæ pullis vituli pede pressis,
Unus ubi effugit, matri denarrat, ut ingens
Belua cognatos eliserit: illa rogare,
Quantane? num tantum, sufflans se, magna fuisset?
¶ Major dimidio. ¶ Num tantum? ¶ Cum magis atque Se magis inflaret; Non, si te ruperis, inquit, Par eris. Hæc a te non multum abludit imago. Adde poëmata nunc (hoc est, oleum adde camino) Quæ siquis sanus fecit, sanus facis et tu.
Non dico horrendam rabiem. ¶ Jam desine. ¶ Cultum Majorem censu. ¶ Teneas, Damasippe, tuis te.
¶ Mille puellarum, puerorum mille furores. ¶O major tandem parcas, insane, minori.
UNDE, et quo Catius? Non est mihi tempus aventi Ponere signa novis præceptis, qualia vincunt Pythagoran, Anytique reum, doctumque Platona. ¶ Peccatum fateor, cum te sic tempore lævo
Interpellârim: sed des veniam bonus, oro.
Quod si interciderit tibi nunc aliquid, repetes mox; Sive est naturæ hoc, sive artis, mirus utroque.
¶ Quin id erat curæ, quo pacto cuncta tenerem ; Utpote res tenues, tenui sermone peractas.
¶Ede hominis nomen; simul et, Romanus an hospes. 10 ¶ Ipsa memor præcepta canam; celabitur auctor. Longa quibus facies ovis erit, illa memento, Ut succi melioris, et ut magis alma rotundis Ponere: : namque marem cohibent callosa vitellum. Cole suburbano, qui siccis crevit in agris. Dulcior; irriguo nihil est elutius horto. Si vespertinus subito te oppresserit hospes, Ne gallina malum responset dura palato, Doctus eris vivam misto mersare Falerno;
Hoc teneram faciet. Pratensibus optima fungis Natura est: aliis male creditur. Ille salubres Estates peraget, qui nigris prandia moris Finiet, ante gravem quæ legerit arbore solem. Aufidius forti miscebat mella Falerno, Mendose; quoniam vacuis committere venis Nil nisi lene decet: leni præcordia mulso Prolueris melius. Si dura morabitur alvus, Mytilus et viles pellent obstantia conchæ,
Et lapathi brevis herba, sed albo non sine Coo.
Nec satis est cara pisces averrere mensa, Ignarum quibus est jus aptius, et quibus assis Languidus in cubitum jam se conviva reponet. Umber et iligna nutritus glande rotundas
Curvet aper lances carnem vitantis inertem : Nam Laurens malus est, ulvis et arundine pinguis. Vinea summittit caprcas non semper edules. Fecundæ leporis sapiens sectabitur armos.
Piscibus atque avibus quæ natura et foret ætas, Ante meum nulli patuit quæsita palatum. Sunt quorum ingenium nova tantum crustula promit. Nequaquam satis in re una consumere curam: Ut siquis solum hoc, mala ne sint vina, laboret, Quali perfundat pisces, securus, olivo, Massica si cœlo supponas vina sereno, Nocturna, siquid crassi est, tenuabitur aura, Et decedet odor nervis inimicus; at illa. Integrum perdunt lino vitiata saporem. Surrentina vafer qui miscet fæce Falerna Vina, columbino limum bene colligit ovo; Quatenus ima petit volvens aliena vitellus.
Tostis marcentem squillis recreabis et Afra Potorem cochlea; nam lactuca innatat acri
Post vinum stomacho: perna magis ac magis hillis
Flagitat in morsus refici; quin omnia malit Quæcunque immundis fervent illata popinis. Est operæ pretium duplicis pernoscere juris Naturam simplex e dulci constat olivo, Quod pingui miscere mero muriaque decebit, Non alia quam qua Byzantia putuit orca. Hoc ubi confusum sectis inferbuit herbis,
Corycioque croco sparsum stetit, insuper addes
Pressa Venafranæ quod bacca remisit olivæ.
Picenis cedunt pomis Tiburtia succo;
Nam facie præstant. Venucula convenit ollis, Rectius Albanam fumo duraveris uvam:
Hanc ego cum malis, ego fæcem primus et halec, Primus et invenior piper album, cum sale nigro Incretum, puris circumposuisse catillis. Immane est vitium, dare millia terna macello,
« PredošláPokračovať » |