VIRO

SUMME VENERABILI

D. Jac. Cph. Rud. Eckermanno

REGI A CONSILIIS IN CAUSIS ECCLESIARUM

ORDINIS DANEBROGICI EQUITI AURATO ET ARGENTATO

INQUE UNIVERSITATE CHRISTIANA ALBERTINA THEOLOGO PRINCIPI ET EIUSDEM IAM SENIORI

Ausus eram iuvenis plectrum tentare poetae,

Canitiem senii deserit ille furor.

Frustravit pariter cupidum facundia Tulli,

Nec fuit eloquii copia facta mihi.

Hei, quid agam dum lustra decem TIBI muneris acti Instant, et mutum pectus habere negant?

Ne nihil eloquerer, placuit TIBI mittere verba

Barbara, sed sancto verba dicata viro.

Quae, si grata TIBI pietatis munera, frustra

Non videar festum concelebrasse diem.