der in darnach verurtlen that das man in schmertzlich gekreutzigt hat. Nun hofften wir das Israel durch seinen tod erlöst werden, wann er vnns das verhiesz auf erden. nach im so hab wir grosse clag! Sallvator: O ir vnweisen vnnd ir torn! durch Sy werd ir bericht ganntz rain, So synndt ir, das hat muessen sein. Dann erzeigt er sich von in zugeen vnnd spricht Lucas zu ime allso: Pleib bey vnns lieber prueder mein der tag hat sich jetzt fast genaigt, dir wirt Fruntschafft von vnns erzaigt. Dann so geet er mit inen zu dem Tisch, pricht das Prot, darim sie in erkennen, verpürgt sich vor inen so spricht Lucas allso: O Bruder ist es nit allso, das vnnser Hertzn warn fro, vnnd prannen recht insprünstigclich alls nun der Herr ernechnet sich. vnnd mit vnns redet in dem weg, Cleophas: Erkannt sollt wir in pillich han. vnnd thunds den vnnsern allen sagen. Lucas: Prueder darfst mich nit drumb fragen Cleophas: wol auf Brueder so ganngen wir. Vnd so sy komen zu Petro vnd Joanni. Spricht zu inen Cleophas allso: Ir lieben Brueder mergkent mich: Die Anntwurt Johannis: Lieber prueder, in denen tagen inen ir sind gelassen ab; darumb ich grosz freyd empfanngen hab, Nachmalls kompt Thomas zu Joanni fragend was in für Freid zuekomen sey. Lieber Johannes thu mir sagen? Johannes: Thoman sag an was willtu fragen? Thomas: Ir bedunkt mich so frölich sein was ist üch neues für Frewd beschehen? Johannes: Den herrn Jhesum hab wir gesehen, Thomas zu Petro: Petre sag mir den rechten grundt: Petrus: Thoman du sollt on zweyfl sein, woll Got, das ich es recht verbring: Thomas zu Petro: Petre, ich glaub das warlich nit, sech die wunden der seytten sein vnnd leg darzue mein hennd darein. sunst glaub ichs nit das wiss fürwar! Sallvator gegen Thoman: Thoman, komb her erfar dich gar! leich her dein finger, sich den weg, die in die locher der negl leg. in die wunnden der seytten mein: komb her vnnd leg dein hannd darein! bis nit vnglaubig merk den sin vnnd glaub, das ich es selber bin: daran sollt du nit zweiflen mer! Thomas: O du mein got vnnd du mein Herr! Sallvator: Thoman, ich lass dirs alles ab, von meiner vrstennd in deinem leben magstu ain ewig zeugknus geben. Thomas: Ich sag dir lob mein lieber Herr mit dannkperkeit vnnd grosser Eer, so du den zweyfl nimst von mir: mit höchstem vleyss so wil ich dir bezeugen du mein Herr vnnd got, bist war erstannden von dem tod! dir zu aim lob vnnd hohen Eern den glauben in der wellt wil mern. Vollgt hernach der beslus. Allso verenndet sich das Spil. darumb ich herzlich bitten wil ganntz vnnderthenig vnd mit vleis, München, im April 1867. Dr. A. Birlinger. |