In sinu ferens deos
Et uxor et vir sordidosque natos. Nulla certior tamen
Rapacis Orci fine destinata
Aula divitem manet
Herum. Quid ultra tendis ? Aequa tellus Pauperi recluditur
Regumque pueris, nec satelles Orci
35 Callidum Promethea
Revexit auro captus. Hic superbum Tantalum atque Tantali
Genus coercet; hic levare functum Pauperem laboribus
Vocatus atque non vocatus audit.
ODE XIX.
A D BACCHU M.
Bacchum in remotis cármina rúpibus Vidi docentem - credite, posteri! – Nymphásque díscentés et aúres Cápripedúm Satyrórum acútas.
5 Evoe! recenti mens trepidat metu, Plenoque Bacchi pectore turbidum Laetatur. Evoe! parce, Liber! Parce, gravi metuende thyrso! Fas pervicaces est mihi Thyiadas, 10 Vinique fontem, lactis et uberes Cantare rivos, atque truncis Lapsa cavis iterare mella; Fas et beatae conjugis additum Stellis honorem, tectaque Penthei Disjecta non leni ruina,
Thracis et exitium Lycurgi.
Tu flectis amnes, tu mare barbarum,
Tu separatis uvidus in jugis
Nodo coerces viperino
Bistonidum sine fraude crines.
Tu, quum Parentis regna per arduum Cohors Gigantum scanderet impia, Rhoetum retorsisti leonis Unguibus horribilique mala;
25 Quamquam choreis aptior et jocis Ludoque dictus, non sat idoneus Pugnae ferebaris, sed idem Pacis eras mediusque belli.
Te vidit insons Cerberus aureo 30 Cornu decorum, leniter atterens Caudam, et recedentis trilingui Ore pedes tetigitque crura.
ODE XX.
AD MAECENATEM.
Non úsitáta néc tenuí ferár Penna biformis per liquidum aethera Vatés, neque ín terrís morábor Lóngius, ínvidiáque májor
5 Urbes relinquam. Non ego, pauperum Sanguis parentum, non ego, quem vocas ,,Dilecte", Maecenas, obibo
Nec Stygia cohibebor unda.
Jam jam residunt cruribus asperae 10 Pelles et album mutor in alitem Superne, nascunturque leves
Per digitos humerosque plumae.
Jam Daedaleo ocior Icaro Visam gementis litora Bospori Syrtesque Gaetulas canorus
Ales Hyperboreosque campos. Me Colchus et, qui dissimulat metum Marsae cohortis, Dacus et ultimi Noscent Geloni: me peritus Discet Hiber Rhodanique potor.
6. vocas, dilecte Marcenas. Latein-Dichter, III.
Odí profánum vúlgus et árceo; Favete linguis! carmina non prius Audita Músarúm sacérdos Vírginibús puerisque cánto.
5 Regum timendorum in proprios greges, Reges in ipsos imperium est Jovis, Clari Giganteo triumpho, Cuncta supercilio moventis.
Est ut viro vir latius ordinet Arbusta sulcis; hic generosior Descendat in campum petitor; Moribus hic meliorque fama Contendat; illi turba clientium Sit major: aequa lege necessitas Sortitur insignes et imos;
Omne capax movet urna nomen. Destrictus ensis cui super impia Cervice pendet, non Siculae dapes Dulcem elaborabunt saporem, Non avium citharaeque cantus Somnum reducent. Somnus agrestium Lenis virorum non humiles domos Fastidit umbrosamque ripam, Non Zephyris agitata Tempe.
25 Desiderantem, quod satis est, neque Tumultuosum sollicitat mare,
Nec saevus Arcturi cadentis
Impetus aut orientis Haedi;
Non verberatae grandine vineae 30 Fundusque mendax, arbore nunc aquas Culpante, nunc torrentia agros Sidera, nunc hiemes iniquas.
Contracta pisces aequora sentiunt Jactis in altum molibus; huc frequens Caementa demittit redemptor
Cum famulis dominusque terrae
Fastidiosus; sed timor et minae Scandunt eodem, quo dominus, neque Decedit aerata triremi et
Post equitem sedet atra Cura. Quodsi dolentem nec Phrygius lapis Nec purpurarum sidere clarior Delenit usus, nec Falerna
Vitis Achaemeniumque costum:
45 Cur invidendis postibus et novo Sublime ritu moliar atrium ? Cur valle permutem Sabina Divitias operosiores?
ODE II.
AD ROMANO S.
Angústam amíce paúperiém patí Robustus acri militia puer Condíscat, ét Parthós feróces
Véxet equés metuéndus hásta,
5 Vitamque sub divo et trepidis agat In rebus. Illum ex moenibus hosticis Matrona bellantis tyranni Prospiciens et adulta virgo
Suspiret: eheu! ne rudis agminum
10 Sponsus lacessat regius asperum
Tactu leonem, quem cruenta
Per medias rapit ira caedes!
Dulce et decorum est pro patria mori Mors et fugacem persequitur virum, Nec parcit imbellis juventae Poplitibus timidove tergo.
Virtus, repulsae nescia sordidae, Intaminatis fulget honoribus, Nec sumit aut ponit secures Arbitrio popularis aurae.
Virtus, recludens immeritis mori Coelum, negata tentat iter via, Coetusque vulgares et udam Spernit humum fugiente penna.
25 Est et fideli tuta silentio
Merces. Vetabo, qui Cereris sacrum Vulgarit arcanae, sub isdem
Sit trabibus fragilemque mecum
30 Neglectus incesto addidit integrum. Raro antecedentem scelestum Deseruit pede poena claudo.
ODE III.
A D ROMANO S.
Justum ét tenácem próposití virum Non civium ardor prava jubentium, Non vúltus ínstantís tyranni
Ménte quatít solidá, neque Aúster,
5 Dux inquieti turbidus Hadriae, Nec fulminantis magna manus Jovis. Si fractus illabatur orbis, Impavidum ferient ruinae.
« PredošláPokračovať » |