Propriété. Ouvrage publié par les mêmes Libraires-Éditeurs : COMPENDIUM THEOLOGIÆ MORALIS auctore Joanne Petro Gury, LUGDUNI, EX TYPIS ANT. PERISSE. - APUD PERISSE FRATRES, BIBLIOPOLAS-EDITORES, LUGDUNI in priori domo VIA MERCATORIA, 33, ET VIA CENTRALI, 68. PARISIIS in recentiori domo VIA SANCTI-SULPITII, 38. 4458 REFATIO. Philosophia, odiosum multis, pluribus nimis acceptum jam nomen, si unquam, nostris certe, temporibus, deplorandis abusibus ansam dedit. Alii enim, impietatis assecla, sive ultimo sive nostro etiam seculo, pallio Philosophiæ tecti semina incredulitatis et irreligionis ubique sparserunt et etiamnum spargunt; alii nescio quo pruritu novitatis agitati, nihil verum, nihil bonum aut pulchrum existimantes, nisi quod novum atque inauditum fuerit, tum solum se Philosophorum nomine dignos arbitrantur, cum ea in lucem protulerint, quæ scilicet hucusque nemo cogitatione assequi potuerit: quasi vero veritas non commune bonum sit atque adeo naturæ rationali necessarium. Quid igitur mirum, si loco genuinæ et solidæ doctrinæ jam multis in scriptis non reperias, nisi deliramenta superbientis rationis, quæ antiquitate atque ipsâ etiam revelatione spretá omnem altioris luminis ductum asper netur. Atque hæc non eo dicta velim, ut illis assentiri videar, qui omnem rationalem Philosophiam respuentes ad revelationem confugiunt, inque sola fide refugium sibi superesse autumant ; neque enim fide solâ vel adversarios confundes vel fidem ipsam tuam in tuto collocabis, neque rationalis, idest, ex principiis rationis scientifice evoluta Philosophia spernenda propterea est, quia eâ multi abusi in tot scopulos impegerunt, ut mare hoc tot naufragiis infame tentandum non amplius videatur. Nonne enim et peritissimus navarchus |
