Prodierunt BBROLINI apud GUSTAVUM EICHLER, anno MDCCCXXXIII. J. CALVINI In universum Novum Testamentum commentarii. Ad edi- Tom. I. et II. Harmonia Evangelica, cum Calvini Tom. V. VI. VII. Epistolae Pauli et catholicae, ST. ANSELMI, Episc. Cantuar., Cur Deus homo? libri duo, ad Gerberonis editionem excusi . Prodibunt anno proximo: Thlr. 7. 16. 10. 191069 2. 2. ST. AUREL. AUGUSTINI, Episc. Hippon., De doctrina christiana libri IV., ad Edd. Benedictinor. aliorumque denuo recensiti. Accedit Eiusdem de Fide et Symbolo liber unus. In hac nostra Institutionis editione emendet Lector be- JOANNIS CALVINI INSTITUTIO CHRISTIANAE RELIGIONIS CUM BREVI ANNOTATIONE ATQUE INDICIBUS LOCUPLETISSIMIS AD EDITIONEM VENDUNT LONDINI BLACK, YOUNG ET YOUNG. EDINBURGI A. BLACK. Quum huic operi manum primum admoverem, nihil minus cogitabam, Rex clarissime, quam scribere quae maiestati tuae postea offerrentur. Tantum erat animus, rudimenta quaedam tradere, quibus formarentur ad veram pietatem, qui aliquo religionis studio tanguntur. Atque hunc laborem Gallis nostris potissimum desudabam, quorum permultos esurire et sitire Christum intelligebam paucissimos autem videbam qui vel modica eius cognitione rite imbuti essent. Hanc mihi fuisse propositam rationem liber ipse loquitur, ad simplicem scilicet rudemque docendi formam compositus. Verum quum perspicerem usque eo quorundam improborum furorem invaluisse in regno tuo, ut nullus sanae doctrinae istic sit locus: facturus mihi operae pretium visus sum, si eadem opera et institutionem iis darem, et confessionem apud te ederem, unde discas qualis sit doctrina, in quam tanta rabie exardescunt furiosi illi, qui ferro et ignibus regnum tuum hodie turbant. Neque enim verebor fateri, hic me summam fere eius ipsius doctrinae complexum esse, quam illi carcere, exsilio, proscriptione, incendio mulctandam, quam terra marique exterminandam voci Calvini Institutio I, * 1 quam ferantur. Equidem scio quam atrocibus delationibus aures animumque tuum impleverint, ut causam nostram tibi odiosissimam redderent: sed id tibi pro tua clementia perpendendum est, nullam neque in dictis, neque in factis innocentiam fore, si accusasse sufficiat. Sane si quis faciendae invidiae causa, doctrinam hanc, cuius rationem tibi reddere conor, omnium ordinum calculis damnatam, multis fori praeiudiciis confossam iamdudum fuisse causetur, nihil aliud dixerit, quam par tim adversariorum factione et potentia violenter deiectam, partim mendaciis, technis, calumniis, insidiose fraudulenterque oppressamı. Vis est, quod indicta causa sanguinariae sententiae adversus illam feruntur: fraus, quod seditionis et maleficii praeter meritum insimulatur. Ne quis haec iniuria nos queri existimet, ipse nobis testis esse potes, Rex nobilissime, quam mendacibus calumniis quotidie apud te traducatur, quod non aliorsum spectet, nisi ut regibus sua sceptra e manibus extorqueat: tribunalia iudiciaque omnia praecipitet, subvertat ordines omnes et politias, pacem et quietem populi perturbet, leges omnes abroget, dominia et possessiones dissipet, omnia denique sursum deorsum volvat. Et tamen minimam portiunculam audis. Horrenda enim quaedam in vulgus sparguntur: quae si vera essent, merito illam cum suis auctoribus mille ignibus ac crucibus dignam universus mundus iudicet. Quis iam miretur publicum odium in illam accensum esse, ubi iniquissimis istis criminationibus fides habetur? En cur in nostram ipsorum, doctrinaeque nostrae damnationem omnes ordines consentiant ac conspirent. Hoc affectu correpti, qui ad iudicandum sedent, praeiudicia, quae domo attulerunt, pro sententiis pronuntiant: et se rite perfunctos suis partibus putant, si neminem ad supplicium trahi iubeant, nisi aut sua confessione aut solidis testimoniis convictum. At cuius criminis? Damnatae (aiunt) istius doctrinae. At |
